「星島紅船」精彩插曲之三
楊梅爭寵
吳一嘯撰曲
鍾麗容 李瑩 黎文所
合唱
人：唐明皇（黎文所飾）楊妃（鐘麗容餘）
梅妃（李寶瑩飾）
（音樂玩紅豆曲板面）
唐明皇與楊妃正在調情飮酒
楊妃：（紅豆曲第一段）
春宵人對月，情歌
慰寂寥。
明皇：（接唱紅豆曲）
卿卿眞貌美咯，越看人
越俏。
楊妃：（紅豆曲第二段）
防住宮娥見，君皇咪
輕挑。
明皇：（接唱紅豆曲）
你個面珠香翳膩，我心蕩
意飄飄。
梅妃：（紅豆曲第三段）
我地雙飛如蝴蝶，
我地恩愛咪動搖。
明皇：（接唱紅豆曲）
我地兩心聯合作一心，愛
護合歡苗。
梅妃： （口古）喂喂喂！你靜靜走入嚟我嘅宮闈，究竟嚟裝（窺也）人丫就抑或嚟賣俏啫？（洋洋自得）
梅妃：（唱那個不多情）
你隻奸妃得左勢就靜靜偷笑。可惡
夾可恨難！恕難饒時時迷住佢想
詐嬌存心不可問，認眞招搖
你係隻色魔，你係隻色妖。楊玉環之羞賺
得天下笑。（賺字讀作盞）
（楊貴妃勃然作色）
楊妃：（三腳櫈）吓！乜你出口就傷人？罪應嚟問吊。君皇寵愛我，怕乜你搞風潮。
楊妃：（三腳櫈）你係水性嘅楊花，逢人都賣俏，我梅花心最定，勢冇學楊花兩便搖。（明皇急為兩人排解）
明皇：（禿頭士工花）喂喂喂！你地何必舌劍唇槍其實兩副顏容都生得俏。（轉唱走馬）你地兩家都靚令我常日笑。你容貌美（對楊）你歌聲妙。（對梅）
楊妃：（接唱走馬）邊得我咁嬌？
明皇：（接唱走馬）總之今晚同埋渡鵲橋。
楊妃：（長句二王）我話楊花嬌。
梅妃：（長句二王）我話梅花俏。
明皇：（長句二王）我話楊梅爭寵係最無聊，一個玉潤珠圓身窃窕，一個玲瓏嬌小態曲條，今晚明月春燈齊照耀，開出朝陽雙鳳，同我快樂，逍遙。（拉腔收）（明皇分攜二妃玉手齊露笑容落幕）
搜尋資料庫
