揷曲之六

大鬧梅知府

（龐秋華撰曲）

梁醒波

陳露薇

合唱

梅：（接連環西皮尾句）唉吔吔，你地可謂胆大生毛。（花）閙聲你兩個賤人眞可惡。唔應藐視將我痛罵一遭。須知我係朝庭嘅命官，假假地都係一個知府。

琼：（作狀）乞痴（採花詞）你係小小一個知府，咪以爲自己官髙，其寳完全一的位勢都冇，只配與我看門戶。

梅：（接唱）你如斯胆粗，如斯胆粗，敢將官侮辱，顧住至好。

琼：（接上）你又難將我地嚇倒，枉你作爲父母官太無道，認眞可惡，禮全無。

梅：（板眼）比你當堂激到，碌眼吹鬚。你地分明有意擾亂監牢。重係處猛拋浪頭，胡說八道。好彩本官鎭靜，怕乜你咀利過刀。就算我打你一身，睇你又有乜狀吿，我重有權可以，斬甩你個頭顱。

瓊：（接板眼）哼，你得罪本夫人，要你條命難保，我吿你爲官不正枉法貪汚。

梅：（接上）你出口大言，究竟是誰家婦，何名何姓，快些直說分毫。

瓊：（龍舟）講起奴奴家世，眞係望重德髙，滿門顯貴共輔皇圖。

梅：（揷白）咦噫，眞係拋我噃。

瓊：（續唱）吏部天官就係奴祖父，父爲閣老，現在京都。

梅：（挿白）咁吧閉。

瓊：（續唱）家母係皇姨叔係太保，兄爲御史，伯父係傳臚。

梅：（白）喂喂唔係掛。

瓊：（續上）三兄按察，人人皆知道，今年升任往扛蘇。

梅：（揷白）眞係嘅。

瓊：（續唱）二兄正直將朝護，當今太子都係佢嘅門徒。

梅：（揷白）係咁我呢回撞正板咯。

瑣：（續上）奴係瓊蟬排第四，布政倫郞係我丈夫。

梅：（挿白）冇命咯，實死咯。

瓊：（演唱）你芝蔴綠豆咁大粒梅知府。

梅：（揷白）係嘅係嘅。

瓊：（續唱）眞驕傲，將奴來欺負。

梅：（挿白）不敢不敢。

瓊：（續上）莫非要奴拆屋避你呢隻冇爪蠄勞。