「崑崙奴夜盗紅綃」。精彩插曲。

波：哈哈哈哈（雨打芭蕉）一隻烏鴉，居然學人歌唱係呀，重唱一曲，求凰喎，其實你應要自量人材唔及格，得幾分為相，兼夾賣吓的生藕，牽公子入情塲，成日寃氣想共檀郎諧儷伉呢，烏鴉點樣得鳳凰，呢個叔父一搖頭你就冇行，係我湊大阿崔平。

碧：（接）公子成年就要訂鳳凰，繼後豪門崔家燈香，點似得你呢個寡佬啫。

波：（接）吓，你言詞狂妄，崔平係我親身撫養，佢待我如同對高堂，我應管教佢嘅事幹架（口旁）。

碧：（白）哦，原來公子同你關係咁深嘅，（二王）咁我就當正你係老爺，服侍到你十足妥當。

波：（序）咁你都幾會想噃。

碧：（曲）我願晨昏定省，望你憐憫，我嘅凄凉。

波：（序）你會做就易商量，（曲）重要四德三從，不准迷惑少爺，嘅志向。

碧：（序）真正樣樣都聽你講。

波：（曲）重要誠心意，至准你成對成雙（拉腔）。