挿曲之四「金銀珠寶一齊來」

任劍輝・梁醒波・任冰兒

鄧碧雲・鄭碧影・蕭仲坤合唱

（蘇義夫婦與林珠夫婦坐談，黃金入與各人拜年後）

黃金：（了緣曲）蘇先生我夫婿是否有信歸（序）（蘇義夫婦尷尬）家陣俾我啦（雙）我地望佢番嚟（序）

蘇義：（接）寶嫂嫂，你夫婿，係有信歸（序）（林珠着急）漏低响敎舘（雙）未帶番嚟（序）

黃金：（接）蘇先生，我請你做吓蝕底（序）可否就番敎舘（雙）爲我攞番嚟。

（蘇義無柰起身行出，施福，施寳剛向各人賀年畢）

黃金：（三脚櫈）夫君已囘來，令人心歡慰。

施寶：（接）我賺咗好多珠寶，家陣發咗達番嚟。

黃金：（接）你托蘇先生轉嘅錢銀，昨日我收咗來使。交下白銀十二両，但係書信未帶番嚟。

施寳：（接）我並冇寄錢囘來，更冇書函安慰。因爲沉船漂流海外，今喜有命返家幃。（對義）莫非你俾錯人，攞出書函就知底細。

蘇義：（接）而家唔知點至係（半句）

義嫂：（接半句）我亦難以施爲。

黃金：（接）我地一齊去睇書函，（半句）

施寳：（接半句）無謂多阻滯。

（施寳夫婦催程，蘇義夫婦不知所措）

林珠：（笑介）哈哈，（爽中板下句）眞係笑凹我嘅肚皮，你旣爲人捨己，何不將經過，講白出嚟（對施）等我講過你知，關於書信錢銀，此事完全係堆砌。你知否寳嫂昨晚想投河，因爲年關難渡，家翁有病，人發達就矜貴，得了綫財就要使，任意使，哈哈身心兩安慰。