挿曲之三

兩夫妻團年

任劍輝鄧碧雲合唱

義嫂：（送情郞）拜吓靈神，望你打救，我夫未歸家裡，爲何由，柴米樣樣家裡未有，望菩薩好心將我打救。

（蘇義叩門聲）

義嫂：（喜介接）哎吔靈神你値得我叩頭，拍門聲，定是寃家番到咯有得救叻。

（開門）

（音樂奏上云梯襯動作）

（蘇義入門，嫂代解包袱，覺包袱輕，遞茶時，覺義面有憂色）

義嫂：（春風得意）爲乜原因你好似滿面含愁。

蘇義：（接）冇，寫到冚身疲倦晒，家陣番歸叻，我重有乜憂喞。今晚年卅晚，應該高興㗎，梗好餸團年，有冇大剦鷄臘鴨共魚球。

義嫂：（接）咪咁神經喇眞正俾你激瘦，啦啦！家內錢財用晒啦，我心急到極，見你歸家我至冇咗憂啫。

蘇義：（接）咁煑飯囉。

義嫂：（接）冇粒米噃。

蘇義：（接）咁點樣算呢，我立刻眉頭皺。

義嫂：（白）咪撚化我嘑（接）你份糧寔有豆，糴米買柴重有錢凈，我又何用心憂。

蘇義：愁愁愁，身邊冇半文錢，我依家不知幾担憂。

義嫂：（接）唏，你週身鬼馬，你冇錢有乜理由，家陣就嚟夜啦重爛滋由（白）我嬲。

蘇義：（接）你咪心嬲，聽我講吓無錢理由。

義嫂：（白）眞係冇。

蘇義：（白）冇哩。

義嫂：（曲）我週身滾晒怒火上眉頭，你冇錢爲乜因由。

蘇義：（反線中板）今次過年關，我支到修金十二両銀。

義嫂：（笑接）咁你重嚇老婆，話分文未有。

蘇義：（接）正在想歸家，與你食團年飯，豈料東翁，要我逗留。

義嫂：（接）佢一定請食晚餐。

蘇義：（接）佢有名孤寒，不過留我寫揮春，終日未曾停過手。

義嫂：（接）咁十二両白銀喺邊處！

蘇義：（接）用來救人一命。

義嫂：（接）你分明說話，虛浮。

蘇義：（接爽七字淸）時近黃昏囘家走。忽然見施家少婦把江投。我問起佢厭世原因，她眞苦透。好夫君魚沉雁渺已三秋。更碰着呢個年關債主臨門口，家翁抱病在彌留。（花）十二両銀送與她，我若有半句說話虛浮，保祐雷公劈我個頭。（仄聲）。

義嫂：（白）我信叻（三脚凳下句）你何必誓毒願，你一生品性係俠義之流。我唔怪你救人，點解唔留番的將自己救。

蘇義：（接）一時口快舌又快，我話施寶有銀寄番家裡頭，托我帶返嚟，十二両銀交晒過佢手啦。

義嫂：（接）的錢救得人一命，都好合理由。