挿曲之二

點樣過新年

任劍輝鄭碧影合唱

黃金：（悲秋奏一句序，第二段起唱）哭千聲，嘆苦命，家中饔餐不繼苦不勝。我夫去咁耐未有一些踪影，最慘家翁更抱病，風前燭影。紅顏自嗟困愁城，幾重陰影，罩遍芳心緖難寕。（乙反長二王）年三十晚我哭聲，債主臨門愁難罄，最慘係夫郞訊斷，我恍似孤雁哀鳴，巧婦難炊逢絕境，身如柳絮，任飄零，感覺如此人生，不若犧牲（轉乙反花）性命。（投河）

（蘇義及時救她）

蘇義：（秋中別中板）寳嫂呀，你爲乜究竟乜咁悲悲切切，講聲我聽。何故犧牲，望嫂你言明。有乜難處講出呢，我定解你愁城。

黃金：（乙反中板下句）唉呢個苦命人，遭逢慘痛，唯願一死，免受飄零。我家中四壁蕭條，生計瀕於絕境。夫婿遠離家，音沉訊渺，我恐怕佢巳命喪，陰冥。更難過年關，債主臨門，迫我淸數過年，苦無以應。長對翁抱病，纒綿床笫哀聲破碎，心靈。（乙反花）土地廟問卜求神，都主張我隨夫到黃泉路徑。

（蘇義越聽越同情，一邊在想計，至此時開言）

蘇義：（沉花下句）哦哦哦，咁土地公眞係唔靈。（減字芙蓉）寳哥邊度係身亡，佢有書函你收領。

黃金：（白）眞嘅，封信呢。

蘇義：（作尋信狀接唱）係叻一定匆忙於赶路信都未曾擰。（白）對唔住叻寶嫂。

黃金：（頹然哭接唱）何必戲弄苦命人，你分明係攞景，（哭白）無爲同我講笑叻。

蘇義：（白）眞㗎（接唱）雖然信我未曾帶，但係錢我記得擰。

黃金：（喜白）吓！有錢番嚟添呀？

蘇義：（白）係！（取銀出接唱）嗱呢處十二両白銀，可以爲証。

黃金：（白）吱吔，咁唔該晒你咯先生。

蘇義：（曲）你使乜冇錢就投江呢，做人要有捱窮嘅本領。

黃金：（白）係咯，有錢幾大都唔死。

蘇義：（曲）顧住施伯來久候，你好快的返家庭。