粉陣迷龍插曲之三

蟠桃頌

（即祝壽歌）

新馬師曾唱 吳一嘯撰曲

良辰晉仙桃人壽月圓花好領此一杯

（白）多謝哂多謝哂（唱）我把歌聲報（木魚）齊瞻仰，個幅壽星圖，一眉一眼都用金鋪，金腸金臟金頭腦，一味金多抵你着壽袍，人話金錢萬惡招煩惱，我話金錢魔力最爲髙。你知否一有黃金人就仰慕，等到床頭金盡。個陣就客全無。

　　（半快慢中板）黃金夢，世上幾多人，爲佢顚顚倒倒，黃金力，可以做成罪惡，可以做就富豪。黃金屋，可以納寵藏嬌，可以優悠，養老。黃金淚，幾多賣兒賣女，日夜，哀號。呢的所謂人無千日高，花無百日紅。（滾花）之我地呢位壽星，就時時，都咁好。（介）但祝你，無災無難，一路係咁大展鴻圖。