『好女唔論嫁粧衣』一幕古裝鑼鼓劇

俏潘安戲肥潘安

吳一嘯編撰

羅劍郎梁醒波羅艶卿區鳳鳴

合演

　　（波夢入仙境，感覺自己化為潘安，喜如瘋狂）

肥波：（交換）

哈哈！我變左做潘安。

　　（序）

肥波：（交換）

哼！呢班野，唔係靚，偏偏要作狀。

群女：（交換）

愛你係靚仔，故此願嫁郞。

肥波：（交換）

我潘安咁貌美，你地行開咪混賬。

群女：（前曲）

我地共埋誓過願，一於嫁潘安。

肥波：（前曲）

任你嫦娥來賣俏，我决不上大當，（轉二王）嗱，你地唔係肉彈明星，生藕都嫌。唔够爽。

肥波：（二王）你地唔係春情尤物，又點外得，我瘋狂。若果你係珍曼絲菲呢，我又唔同，瞰講，若果你係碧姬巴鐸，我至肯痞吓，鹽倉，（轉快中板）唏，你地越挨越埋我成身汗，唔該請訖咪荒唐，（花）我呢個靚仔冇乜精神同你講。

艷卿：（瘋狂世界）

　　含情笑喚檀郞，合歡花蕊就放咯，愛你潘安英俊等我熱情喚心肝。

肥波：（瘋狂世界）

　　嘻嘻你時時叫亦無妨最好叫萬億千百十躺，叫吓心肝幾趣，夫婦洞房定必歡暢。

艶卿：（前曲）

郞情電咁熱。

肥波：（前曲）

情熱就胆壯。亂索一通姐你一

　　身香。

肥波：（前曲）

我要挨身挨勢，鬼咁自然願挨多幾躺。

艶卿：（減字芙蓉下句）我只愛痴情嘅粉蝶，我不愛輕薄嘅色狼，（揷白）咁快就挨身挨勢，唔好嘅，（續唱前曲）想學調情，第一就唔好咁莽撞。

肥波：（揷白）哦，瞰情個亭嘢，要點調至啱唧。

艶卿：（白）你想學咩，（續唱）試學吓徐徐飮美酒，試學吓慢慢趙檳榔。

肥波：（愕然白）哦，呢兩句嘢作何解釋。

艶卿：（嫣然白）卽係叫你慢慢嚟咁解，（禿頭士工花）温柔兩字最神奇，越曉温柔越妥當。

肥波：（欣然白）哦，咁又多謝你敎我呢個索油秘訣噃。

鳳鳴：（錦城春）

潘郞，潘郞。 

鳳鳴：（續唱前曲）

我長爲你心飄蕩。

所以又嚟會吓郞。

肥波：（錦城春）

哦，乜你又嚟喚句郞⋯⋯

⋯⋯，心花開透二女一夫得結鳳凰。

鳳鳴：（前曲）

　　君知否，君知否，我實行辦嫁粧

　　結台如期望，雙飛到，天空上。

肥波：（前曲）

雙飛到天空上，一妻一妾再冇咁孤寒，（花下句）我得玉人雙下嫁，果然得米係潘安，潘安此後變齊人。艶卿：（接唱花半句）蘿蔔花心眞霎戇。

鳳鳴：（士工花下句）你想佢一條心到底，除非種得樹桄榔，唔啱將佢劈開邊，每份一邊還重爽

肥波：（抬頭四顧怒白）笑乜野衰仔。

劍郞（大笑白）你係潘安，哈哈哈，敢你呢個肥 

　　潘安梗唔鬥得過我呢個俏潘安。（長句二王下句）我係俏潘安，有名脂粉漢，娥眉一見就好似蟻摟糖，睇吓我瀟洒風流你就難抵抗，睇吓我温柔淡定你就太猖狂，何况我懂得畫眉如張敞，試問幾時輪到你，稱霸，又稱王。

劍郎（平湖秋月）

　　正所謂甜如糖，女性望見即刻叫玉郎。

艶卿：（平湖秋月）

　　你確俏潘安香過蜜糖。

鳳鳴：（平湖秋月）

伴你唔伴佢因為你好。

劍郞：（前曲）

妹你痴心吻一吻面龐。

肥波：（平湖秋月）

唏！你地唔能够，抱住嚟蠻幹，我若容忍非好漢。

艶卿：（不耐煩白）你地剩係顧住爭論就得㗎啦，唔駛顧我地嘅啦，我嬲。

鳳鳴：（亦拂然白）我扯。

劍郞：（花下句之上半句）你氣走佳人眞可恨。

肥波：（花下句之下半句）等我扑穿你個頭売當開光。