終歸有日龍穿鳳插曲三

有心相愛追到底

新馬仔譚倩紅鄧寄塵李香琴合唱

子龍：（良宵花弄月）佢地時時作弄人，俾佢監生激死，太黑心，絕無道理，認眞可惡又韌皮。（長嘆一聲）

吳仁：你不必唉聲唉氣，皆因你⋯⋯起，你口太賤激嬲佢地，是以令人心生氣。

子龍：為求免後煩，再不敢多咀。

吳仁：快向她熱誠道嫌，今番知錯亦未遲。

子龍：只怕她，不寛恕，贃得費心機。

吳仁：你執荆請罪，佢地怒氣漸平常寬恕。

（白）大小姐，二小姐，乜咁夜重未抖呀。

柳秀：（白）龍哥，（减字芙蓉）我成晚患失眠，只為一心掛住你。

吳仁：（插白）嘻，大小姐，無謂講笑叻。

柳秀：（插白）唔係講笑㗎，（續唱）趁此更䦨人寂靜，特來搵你訴相思。

吳仁：（插白）大小姐，你咁有心，我真係唔敢當叻，（接唱）我係一個下人，不配共小姐談心事。

柳秀：（插白）哦，咁你唔喜歡同我做朋友咩。（續唱）只為尊卑原有別，恕我不敢越禮儀。

朱顏：（白）你咪咁傻喇子龍哥，（續唱）也嘢叫做尊卑，你講得太客氣。

子龍：（插白）二小姐睇起我地啫，第個又唔係咁講喇。

朱顏：（續唱）交友無分貴與賤，總要合意又投機。

子龍：（插白）雖然係咁講時，究竟都係唔得嘅，（接唱）你係沉香我係爛柴，點可以擠埋在一起

朱顏：（插白）車，做人咪咁自卑感得㗎，我眞係有心對你㗎。

子龍：（續唱）自問無福承寵愛，枉為我心痴。 

朱顏：哥罷哥，望求共訂齊眉。

子龍：（接唱）銘感熱情盛意，請你最好另尋鳳侶，身世卑，實難共嬌並翅。

朱顏：（接唱）（插白仁哥）須知我苦相思，一心盼望結合，倘得賦雙飛，快樂怡怡。

子龍：（接唱）有負我姊熱情盛意，我作揖望求諒恕，心愧赧，萬難做嬌伴侶。

吳仁：（三寶佛）佢地真正不知羞，寃氛又長氣。

子龍：（接唱）我地堅决不高攀，佢地枉有萬縷情意。

吳仁：（接唱）講到擇偶選婚，必須要大衆同意。

子龍：（接唱）倘我立意娶妻，不揀貴族女兒。

吳仁：（接唱）若果選對像，我話玉鳳最合宜，佢天生一對鳳眼確多⋯⋯姿。

子龍：（接唱）心中實在愛玉環，今生實想共她結褵。

吳仁：（接唱）彼此有目標，一於要力追，大家莫爭⋯⋯持。