終歸有日龍穿鳳插曲一

賣揮春

新馬仔鄧寄塵合唱

吳仁：又攻鼻，又撑脷。（聞異味作難抵受狀）

子龍：呢呢碗咁嘅衰鬼臭墨水啦。（發覺出自墨水）

吳仁：呢張「步步髙陞」有陣除。（拈起揮春掩鼻作狀）

子龍：呢張萬事亨通有陣除，睇住梗餂一壳眼淚，呢煲够傑時運咁鬼衰。

吳仁：好彩寫得好句，一定好賣駛乜咁顧慮，一的冇阻好順遂。

子龍：又好墨，又好字。（一面讚墨一面暗中掩鼻）

吳仁：張張盞野包保冇爛紙，喂現在買揮春最合時

子龍：喂落力睇眞也未遲。

吳仁：「恭賀新年」應該要記住，諸君快買遲就會執

輸。

子龍：光生帮趁，呢捲住揸住一的冇費事。

吳仁：師奶買啦休剳住。

子龍：學寫字，實在容易，今番等我揸筆你㩒紙啦。

吳仁：讀壞詩書悔恨遲。

子龍：呢呢學賣揮春最合宜。

吳仁：哼，想學寫字咪睇得咁易。 

子龍：唓，揸筆猛搽容易過打乞嗤。

吳仁：咪阻手阻脚快的揸住睇住不得再誤事擺開架撐寫大字。想又好食，又好住。

子龍：安番一個天宮與地主啦。

吳仁：買張「路過福星」最合時。（拈揮春招徠）

子龍：買張「日日添丁」更合時。（拈揮春招徠）

吳仁：呢，好字好字認眞靚字。

子龍：諸君快買遲就會執輸。

吳仁：嗱，呢張好野，「出入吉利」認真有意義。「天官賜福」好利是。