胡不歸之迫媳離婚

尹自重音樂團拍和

上海妹半日安合唱

　　（旦唱乙反滾花）唉病魔久纏，心嗟怨，（鳥驚喧）唉夫君一去爲國征戰，久病未痊，衾寒衾寒不暖，因何因何得咁賤（白）病魔相纏（哭相思）哪呀呀，哪呀呀，罷了我地夫君（丑白）唉乜撞鬼你咩，（二王）你因何終日，係處涕淚，漣漣，（旦白）亞安人，坐拿我唔係喊呀，（丑唱）容乜易俾你喊衰，睇你份人，太賤（白欖）你終日苦口苦面，究竟你唔知想點，你正一係陀衰家，你快的自己來打算（重句）（旦唱二王）做乜佢忽然一旦，會發出此言，（慢板）之佢係我個家姑，縱使無理强橫，我都要强顏黎應變，又豈可把老人觸怒，只有係暗自凄然（况且我郞君，爲國馳驅，遠在沙場黎應戰，惟有係逆來順受，怕乜委曲，求全，我稟吿安人，（滾花）因爲我抱病厭厭，所以愁眉不展，（丑白）哦重攪到學人病漆呀，（唱）咁你唔好快的去死，點解病得咁纏綿（旦白）唉爾古我想病嘅咩，個天公唔就是嗎（丑白）唆咁（昭君怨中板）有人得你咁賤（重句）爾休怨地怨天抱爾呀病源難望轉，都有兩年（旦白）唉眞眞令我長抱怨，心肝斷腸又斷眞正心酸，（重句）天呀，念我不願生存（重句）我素來意願，免我愁怨嗟怨，（白）唉我都想死嘅咯，（丑白）唉，而家搵死嚟撻我囉係係唔係呀（旦白）唔係呀安人，不過我見左醫左咁耐都晤好啫（丑白）噎也你睇，衰樣呀（龍舟）你重係處駁口駁舌，都可謂胆大包天，你目無尊長，你婦道不存，我要你卽刻共我個仔離婚，佢亦也曾甘願，（旦唱）噎也我有何失德，乜你講得咁牙咽况且我夫未有一言，還望婆婆垂念（丑唱）哈哈哈呢件事大條道理，爾唔好話爾家婆專權，（三脚凳）你怨一句天公生得條命賤，週年伴住個藥煲，足足病左有一年未唱花）唉我個仔數代單傳，我驚佢把爾個病傳染（）有）唉我槌心泣血，慘切陳言，（反綫中板）我命，不辰。（丑白）睇爾個衰樣呀二，（旦唱）慘病遭逢，更苦親恩，折斷（丑白）你咁至衰呀你（旦唱）論丈夫，（丑白）點呀，（旦唱）誰不愛，我亦何獨，不然，（丑白）咁就要離婚拿嗎？（旦唱）若謂病有妨，（丑白）當然係啦，（旦唱）儘可以分居，何必弄成，婚變（丑白）分居就得架拿，（旦唱）唉我望開恩，（丑白）我唔做咁好心架，（旦唱）憐我苦命，免使我恨難塡。（正綫滾花）望把媳婦顏面保存，尤勝我再生恩典，（丑白）嘩就只顧你嘅顏面，就唔使顧我個仔條命嘅喇，（旦唱）請你收囘成命，免使我抱恨年年，（丑唱）唉也（連環西皮）眞眞陰險（重句）你快的扯人勿遲延，你唔愛面，（白）唔通搵掘頭掃把拍你至扯咩（旦唱）唉也也就要拆散姻緣（丑白）喂爾而家想點㗎你（旦白）係咯安人，你唔使咁氣怒嘅（二王）不過我只求寬限一時，等待與郞見一面，（收掘）（丑白）幾時至得佢番嚟呀（旦白）唉雖然佢係願同我離婚，但係我都想表明我自己唔願嫁（唱長句滾花）唉也味講爾唔願，我都唔願，分妻唔同第二件，鬼想拆散爾姻緣，不過有你响處就攪唔店，爾話點能阻止，我個仔對你痴纏，爲國家起見，爲祖宗起見，家嫂千祈聽我勸咁樣亞萍條命仔就保得全，爾重要立實心腸唔好轉咁就賢德個個賢，爾祗管想透想通，睇下駁唔駁得我店。（白）你駁店我喇（重句）（旦唱）我悲難言，憤難言，更難希望但哀憐，地慘天愁腸寸斷，聲嘶淚盡都也徒然，深幸我夫郞人去遠，未睹傷心在目前，（丑白）你睇佢個個衰樣呀，（旦唱）無可怨（重句）仳離慘禍終難免，愛夫無計更雙全，幸福犠牲何足念，含寃惟待訴黃泉，（丑白）點呀，（旦唱）惟有依照婆婆，任從你主張處斷，（丑白）唉咁就太公婆開眼咯，（白欖）我謝蒼天，我就謝祖先，我難得家嫂你心甘願，更免亞萍再找尋，唉也你有咁遠時去咁遠，我送你一百兩黃金，我送埋亞春桃俾你差遣，你病好不妨話過我知，唉也免我時時嚟掛念，免我時掛念呀（旦白欖）事旣無奈何，你話點就點，惟求他日我夫凱旋歸，莫言媳婦，有不善，新婦再續絃，務宜求淑眷，淑婦甘食貧，百両黃金我不羨，可誓對蒼天，死生節不變，願乞得春桃，相伴爲証見，殘生再相逢，斷不敢有怨（重句）（丑白）噓，（滾花）實在我都好唔捨得你，不過不得已而然，大家分手都要分得喜喜歡歡，你唔好苦口苦面，（旦唱）傷心何處，是我家園。（完）