到處惹人憐插曲　「㩒鷓鴣」

梁醒波　羽佳　合唱

（波白）你的女子出嚟撈，總要學番散手三幾度。

（佳白）搵錢最容易就走去㩒鴣鷓咯。

（波白）等我敎吓你喇。

（靑梅竹馬）你一心去㩒鷓鴣，方式要學會幾套，跳舞要識番幾步，交際須知到，刁刁眼角整風騷，袒胸束肚。

（佳白）眞唔制噃。

（波唱）跳着熄燈舞，奄尖你咪亂嘈。

（佳唱）咁好舌底嘅噃。

（波唱）聽佢心所好，隨在佢點擺佈。

（佳唱）咪拘咯。

（波唱）最好識伯父。

（佳唱）點解呀？

（波唱）更易搵着數，詐諦好親密，疏肝佢就有水吐，

（佳白）咁好㗎？

（波唱）成日咁將佢開——刀，一開刀，財就到，怕乜老，應週到，好招呼，希望佢又買屋共舖，捉住鷓鴣掹到毛冇。

（住白欖）眞難做，確難做，要搵老坑就唔係路，鹹濕到非常，口講手又到，同住佢跳舞，至怕佢週身蘇，咁醜點樣袒胸，叫我點樣凸肚，，咁樣㩒鷓鴣，眞係難做到（重句）。

（波板眼）咪咁古老，因謂要出嚟撈，但凡鷓鴣肥大馬上掹毛，最易埋手就係風流伯父，個的失匙夾萬必定托刀，就算怕佢奄尖，免强都要做，重要風騷賣肖，學吓時麾，（白）唔係咁點夠人撈㗎。