舞馬騮

梁醒波唱

鑼聲嚮呀，驚動各街坊（鑼聲）馬騮戲，一陣就開場（鑼聲）我响江西嚟到兩廣，為求生活奔走四方，（鑼聲）馬騮仍跟住我四圍蕩，我叫你做武大郎，教你做唐三藏，可惜你唔唱，唔係重教你唱枝夜來香（鑼聲），俾心機，拍硬擋，打一躺鑼，你跳一躺，跳得好，食菓汁糖，嘆吓彈弓床（鑼聲），跳得唔好，就口糠糠，瞓冷巷（鑼聲），（白）好喇打個大翻上天堂，騎隻狗仔入厨房，厨房有㷛豬肉湯，因住飲到眼光光（鑼聲），乜你搶左我兜鑼鎚，咁混帳，唔通你想倒左我担箱，原來佢將水磅，各位仁兄請幫忙。