怨婦照魂歸之一幕揷曲 潘一帆撰

摩登白金龍

芳艷芬 飾 白金龍

鄭碧影 飾 張玉娘

（玉姊在內室作徘徊狀唱滿塲飛）明月夜，我未想瞓，皓月團圓動我心，又發盟孤燈（雙）孤燈伴玉人，唉，（金龍拈金山毡枕頭上唱）痴心到今（雙），寃孽到咁（雙），就帶張毡攬住繡枕，一心賴厚親近玉人，（舖毡在地作瞓狀）（玉娘聞聲開門見狀唱）喂，乜你傻夾戇，係冷巷，一吓晤留神就冷親，乜你賤到咁，眼瞓（雙），應該要番去房瞓。

　　（金龍轉何日君再來）我轉側難眠獨抱衾，個心總覺悶沉沉，個月撩人淨潔心，似嘲我未賦白頭吟，我思嬌常有心，可惜難共佢親近，我覺得太無聊，步到佢門前，睡覺就算冷傷風都不要緊。

（玉娘接）爾爲人儍夾笨，到底原來爲女人，快的囘房覺覺瞓。

（金龍轉上雲梯）瞓，我今宵未願瞓，心，佢似係有心，又似無情感，記得個晚化裝，翩翩起舞談情份，纏綿語，重話心相印，點知竟作發牙痕，園中笑我閙光棍，話我正式蝦蟆未合襯。

（玉娘轉小紅燈）佢笑爾唔合襯，所以成爲陌路人，爾有栽花心，見人便講心羸得替人去剝花生，爾正式正式係儍人，算爾晚晚不瞓，佢亦未必將爾憐憫

（金寵轉三脚櫈）我並非係儍人，不過我儍於富情感。試問邊個唔知到，我係第一個有情人，我服侍殷勤，我招呼叨到吝。

（玉娘接）睇爾有乜野手段，講得咁沙塵，我澈夜都於瞓，爾有本事就陪我瞓。

（金寵接）戲擅唱催眠曲，淸歌慰玉人。

（玉娘接）等我先返牙床，領畧爾淸歌妙韻，）入房埋床介）（讀唱），請爾把歌喉賣弄，睇爾能否送我入夢魂。

（金龍起平湖秋月）爲情人陪瞓大唱高歌，慰玉人，我務要使他入夢魂，爲情愛至做到咁肉嬌身貴作下人，有床唔願瞓，（雙）搵毡鋪住隨地困冷得心都震，凍到唔恨，實在佢唔知佢瞓左抑或未曾，你有人陪住陪瞓，有歌聽住容易瞓，難爲我週身震。阿嬌阿嬌你眞薄倖，是否存心不將我憫，竟作負心人，實在完全爲嬌你，至有扮作侍仔晋食長在你身跟，你唔秋，唔采，唔憫，我一心對待⋯⋯你眞心，你還重要忍心將我當儍人，（向房一望見玉娘已睡作失意狀已亦困介）