身發紅光小姐贈寒衣
(尤家後園建經閣,工人們在建築)
慧貞:(對春梅白)春梅呀、個個大食明眞係咁好力嘅喎。
春梅:(白)梗係喇,一餐食一斗米嘅噃,如果唔做番十幾人嘅工伕,老爺點肯講佢呀?
慧貞:(白)睇佢一表斯文,點解要做咁粗重嘅工夫呢嗲。
春梅:(白)一個人窮起上嚟,好難講嘅⋯⋯小姐、你都鍾意佢斯文咩。
慧貞:(羞嗔地)(白)我幾時話到鍾意啫,你真多嘴嘅。
(慧貞與春梅到園中趁月賞花)
(洞蕭起漢宫秋月一句)
慧貞:(泣殘紅)
月亮當空照戶庭、花枝弄秀影、歲寒夜色冷而靜、閨女夢難成,縱步到花間、更覺愁煩理不淸。
春梅:(驚訝地白)依!小姐呀、個邊失火呀
慧貞:(見識而驚奇訝地白)紅光又明又暗、唔係失火卦?
春梅:(白)唔係失火,點會咁古怪怩?
慧貞:(白)我地過去睇吓。
春梅:哦!
(慧貞與春梅同至東廓,時紅光已滅,一無所見)。
慧貞:(白)無嘢呀。
春梅:(白)係囉,行到埋嚟又唔見有紅光嘅呢?
(心明臥於廊下、偶然伸脚、觸及春梅)
春梅:(白)哼!原來個大食明瞓响地,小姐呀,正話你慌唔係佢玩火咩。
慧貞:(白)佢玩火⋯⋯唔係嘅,你睇佢瞓到一隻豬咁、點噲玩火呀。
春梅:(白)唔係喎,明明係呢隻牆角發出紅光嘅咯,唔通响佢個身發出嚟嘅咩。
慧貞:(白)未可料㗎⋯⋯天寒地凍,可憐佢棉被都冇得衾⋯⋯春梅呀、你返去開咗我床頭個槓、攞件舊棉襖俾佢。
春梅:(白)哦,(轉身行去)
(慧貞不斷的對心明觀望)
慧貞:(仰慕地發出心聲白)俗人有話,體發紅光、將來必大富大貴、如果正話嘅紅光眞係佢發出嘅,佢唔係大貴人。⋯⋯睇佢器宇不凡,英俊脫俗,不過暫遭窮困啫,假使稍逢際遇,定可飛黄騰逹嘅⋯⋯以咁樣嘅人材、實在係我理想嘅對象、如果能訂終身、真係最好不過叻⋯⋯
春梅:(白)小姐、棉襖攞咗嚟喇。
慧貞:(白)衾响佢身上喇。
(春梅如命將棉襖蓋在心明身上)
春梅:(白)小姐、好夜喇,你都番去抖喇。
慧貞:(白)好。
(慧貞與春梅行去)
(天明,尤方自內行出,家丁隨着)
(心明披上棉襖托大石,尤方見而訝之)
尤方:(行前問心明白)阿明你件棉襖點樣得嚟㗎?
心明:(白)件棉襖⋯⋯哦,昨晚我瞓咗,有人衾响我身上嘅,唔使講都係府上嘅人、可憐我冇被衾、施捨俾我㗎喇。
尤方:(白)我府内嘅人、邊個咁好心呀?(言時有愠色)
心明:(白)嗯⋯⋯係⋯⋯或者係相爺你喇。
尤方:(大怒白)胡說、我老實話俾你聽,呢件寶襖、乃由先皇御賜尤家,老夫交與愛女保管嘅,你慌你唔係怕冷,入去偸咗嚟着咩。
心明:(驚白)唔係呀相爺、我的確⋯⋯今朝瞓醒就衾响身上嘅咯,唔係我偷㗎相爺。
尤方:(白)重想唔認(喝家人)人來,拉佢到大堂、待老夫拷問。
(家丁拘心明)
心明:(狂叫掙扎白)唔好呀相爺、咪寃枉我呀!
白眼嫌貧
父女三擊掌(插曲)
心明:(白)老相爺(弱柳迎風)(要知我亦無心卜婚聘。(浪
白)(自問寒微怎敢高攀呢?)小姐錯施寶襖慚
難受領。盼望触夠寛恕賢女休將來,擯出門庭。
(心明言時將寶襖交還尤方,慧貞更受其磊落)
慧貞:(對心明)(接唱)有德有義人愛敬。
心明:(插白)小姐過獎啫。
慧貞:(接唱)深希相偕走。
心明:(接唱)羞愧陷窮困大志未償更愁累了卿。
慧貞:(接唱)只望情侶痴心相併,終須一朝得志。
便睹光明。
憐方情重小姐願為妻插曲
心明:(雙雙燕)
原來雞擲鴨,料重有兩豬肚。
茂昌:(接唱)總真有的雞鴨味道,好過乜都冇。
心明:(拿起枝蠟燭)(接唱)地點過都真花燭咩。
茂昌:(接唱)新買實情唔着數。
慧貞:(接唱)白菜葉咁污糟。
茂昌:(接唱)响菜欄新運到㗎。
心明:(接唱)直情係菜呷。
茂昌:(接唱)最啱打邊爐。
慧貞:(接唱)成舊隔夜鬆糕
茂昌:(指志明)(接唱)迎合佢所好。
心明:(接唱)裏到絕,一味死充真冇譜
茂昌:(接唱)全部正斗嘢,不滇花貴厘毛。
別妻投軍兄妹被生擒插曲
力雄:(武西廂)皇朝運已殘。
月英:(接唱)何妨犯聖顏。
力雄:(接唱)兄妹尊榮咫尺間
月英:(接唱)預算破得天關。
力雄:(接唱)盡佔宋室江山。
月英:(棲唱)御駕在蒙難。
力雄:(接唱)英勇。
月英:(棲唱)威猛。
力雄:(接唱)心意間。
月英:(接唱)得破⋯⋯天關。
力雄:(接唱)共掌⋯⋯江山!
月英:(定江山)誰人有包天大胆,敢將得兄妹來犯
心明:(接唱)賣國賊罪要斬尚要逞威武絕不覺汗顏。
月英:(接唱)下馬受綁,請罪紅顏,否則喪命,追悔莫番,
(二人大戰介)
心明:(接前腔)竟勾結西遼兵馬,欲想奪宋室江
山,致罪到生,生靈塗炭,尚要沖犯龍顏。我定要誅
奸屠賊挽救國雄。
(二人再戰介)
月英:(接前腔)天下乃人人天下有能便可統江
山,富共貴人皆所愛不要自討麻煩,快下馬低
首投順,方免劫難。
(二人後大戰介)
心明:(接前腔)仗忠行義胆救挽聖君決不畏方
難。
月英:(接唱)須勝得魏家兄妹威武方可以就範。
心明:(接唱)不要自大
月英:(接唱)休再傲慢
心明月英:(合唱)不聽勸諫(齊才)銀槍一舉⋯⋯(四古頭)
莫想生還。
救駕有功果是應夢賢臣
昭王:(五音戀松)小英雄停紅徨。
心明:(接唱)請勿阻擱囘家鄉。
昭王:(接唱)且定心情毋慌張。
心明:(接唱)深恐朝庭嫌疑寃枉。
昭王:(接唱)究為何事須要直說端詳。
心明:(接唱)原為真姓名被誣犯法,更盼明察護賢良
⋯⋯⋯⋯⋯⋯⋯⋯⋯⋯⋯⋯⋯⋯
昭王:(口古)小卿家、馮心明乃孤家應夢賢臣、欲得卿保駕平遼,幷未說卿家有罪狀噃。
心明:(口古)係咩,何以微臣在巨人谷救駕之後,莫先鋒要令臣遠避他方呢。
昭王:(愕然白)有此奇事⋯⋯(擲才關目)(醒覺)唔⋯⋯一定是讒臣冒功,造謠恐嚇喇。
心明:(白)豈不是被先鋒所騙⋯⋯
心明正疑慮間⋯⋯力雄、月英、被遼王與哈迷津追殺到)
心明加入助戰,終殺哈迷津、擒獲遼王)
昭王:(責遼王口古)遼蠻已被生擒,尙有何話講。
遼王:(低首求恕口古)外臣自知死罪,望求寬恕,以後當臣服上邦。
昭王:(口古)念上天好生之德,將你釋放。以後年年進貢,否則自敢滅亡。(白)去罷。
遼王:(白)謝龍恩。
(遼王羞慚而去)
(忠賊、畢武、敬儒等亦趕到)
忠誠:(白)臣翁婿救駕來遲,死罪、死罪⋯⋯
昭王:(責忠誠口古)讒臣、你埋沒應夢賢臣、還來冒功,可知罪狀。⋯⋯
(忠誠畢武知事洩,驚懍不已)
心明:(滋油地白)先鋒大人,你想冒功都晤使嚇得我咁慘㗎,唔知你係欽犯、抑或我係欽犯噃。
忠誠(向昭王口古)微臣自知死罪,唯求僥恕,不使命亡。
昭王:(口古)念在你先祖功勳,把你翁婿削職為民,以儆你欺君罔上。
忠誠畢武:(同白)謝吾皇不斬之恩。(抱頭竄去)
敬儒:(口古)恭喜聖君,應夢賢臣巳相遇,國家又添楝樑。
昭王:軍師神算⋯⋯傅旨奏凱囘師。
(帥牌昭王擺駕囘朝)