『玉女凡心』精彩曲選（第七場）

（七塲）（玉女墳變西天幻景）衣邊石屋一閒，

（排子頭一句作上句開幕）（寶子）

（步仲從衣邊屋拈香燭香坟前燒着一才嘆息木魚）（孤墳兩個，芳草青青，死完一個又一個，都只為說愛談情，我半世辛勞，成泡影，怪不得話人生𠒇女債，不見墳頭債未清，白頭人奠黑頭人，我又何必多延殘命，女呀若果你死而念我，何不帶我早落幽冥，（坐坟邊哭泣介）

（飄紅扶趙母一路索摸上介）

（趙母台口花）信是𠒇郎作孽，總不應害死两位娉婷，飄紅帶我到玉女墳邊，待我替𠒇將罪認，

（飄紅白）奶奶，玉女墳，就係個處叻，

（趙母一才盲闗目先鋒拔扑理墳前哭双思介）

（步仲埋怨介口古）你重喊乜野丫，你一個仔害死我兩個女，你就好啦，可憐我呢個病爛灘留在人問 調調詠。

（趙母悲咽口古）唉，仲伯，我知錯，我個仔害死左你個大女，已經個天罰我連眼都盲埋叻而且亞盂珠嫁後，亦過左十 多年非人生活，我以為呢點孽債總可以還完誰知亞綠萍無意中食害死埋你個細女，我都唔知點解呢種寃孽校來校去都校唔清（一路喊一路白）飄紅，翠𠒇係我心抱個妹，你代表我老人家上一炷香係佢個墳處啦，

（飄紅上香介）

（步仲在旁依然吟沉哭罵介）

（孟珠拈燭盒伴平業乙反二王序上介）

（平業乙反長句二王）哭笑不成聲，楓林紅淚影，一片疎星殘月，幾處宿鳥悲鳴，摧花夢到，今時醒，悔似狂風捲落英，玉女墳前，將錯認，此日焚香懺悔，為感你一點，精靈，（跪下介）且把一寸心香，追悼泉台，倩影，（包一才收白）我自後都再唔敢作孽叻，翠𠒇

（趙母一才盲闗目介）點解把聲咁熟呢，邊個嚟呢處祭奠翠𠒇呀，

（孟珠白）亞媽，係你女婿嚟祭佢呀，

（趙母一才白）吓（先鋒鈸拈柺杖埋亂打平業白杬）你罪惡已盈身唔需你將錯認，你是人間嘅魔 鬼，待我細數你嘅罪名，當年杖死步非煙，是一種有形嘅獸性，今日翠𠒇服毒死，是你陷害佢于無形，小孟珠，亦埋陷阱，十七年長皆苦命，你打到佢片體無完膚，（一才）你害到佢瘦骨如柴柄，（一才）我唔准你呢個人魔，在人間多活命，（打介）

（步仲亦怒極 拈墓前之掃杷白杬）你用盲公竹，我用掃杷柄，打到你頭擰檸，你冇人心冇人性，我望你洗心革面對生人，不必對死人空孝敬，（以掃把趕介）

（孟珠攔介跪下懇介二王下句）幾難得滄桑劫後，洗淨佢嘅污濁，心靈，（序）唯望兩老暫容情，（唱）今日玉女殉崖， 已令裊雄，轉性，（序）且許佢墳前將錯認，（唱）唯望茫茫情海，惡浪，能平，（序）所以委地作調停，（唱）從今後膝下承歡，同把親娘，奉敬，（一才收白）亞媽佢因為翠𠒇之死，佢經已感動左叻，老伯，佢從今之後改過造人嘅叻你寬恕佢叻啦

（平業花下句 ）冷冷孤墳已是不堪憑吊，方信人間情，愛未可以暴力經營，老伯，我當將你奉養天年，不便你難堪于晚景，（拜懇介）

（羅邊 風雨介）

（步仲啼笑皆非介白）而家落雨叻，入嚟我處飲杯茶至講啦，（花下句）任你享我以龍肝鳳液，亦難彌補我呢種破碎心 靈，不過得饒人處且饒人，姑念你已黄梁夢醒（白）跟我入去啦，

（平業孟珠趙母，飄紅與步仲入衣邊石屋介）

（初更介）

（綠萍（佛家裝）束袈裟芒鞋背包袱從風雨中上介長花下句）艶跡盡成空，不堪重追認，楓業紅梅皆淚影，疎星殘月掛天庭獨 有，西天為樂竟，人間何處非愁城，痴心悞盡温柔命，今夕枉死中又一名，山外雨淋零，衿上淚淋零，袈裟難掩個中情，負了紅魚和青罄，負了梵經誦亡靈，待我超渡孤魂好待你飄入西天佛境，（小曲玉女頌）情情情不是情，水月鏡花原是堪憐玉女繫寃繩，菩提有樹原非樹，曇花一現不留形人生微命原不永緣何帶恨入幽冥。情情情，不是情，（南音）情緣殺害春娥命，縛繭應悲你太聰明，洒滴揚技，好待你孤魂醒輕彈甘露，念幾句倒頭經，（乙反）西天有路，多寧靜，莫見金童憐玉女，你又再次去挑情泣血杜鵑，你嘅魂休聽，忘情不覺，有悼亡聲，我愿你魂化一朶紅蓮，好待觀音座正我愿你化作楊技翠柳（二王下句）插人觀音個個小小，銀瓶，（序）你嘅魂魄便安寧（唱）我呢個滄海狂僧，可杷天門，路

領，（包一才收詩白如今玉女盼飛昇，一念能修到佛城，當日輕狂誰似我，面壁無非作懺情，（ 乙反中板下句）當日青粉牆沿，紅樓遽東，挑動了皎潔，心靈，個一個步非煙，心似明鏡無塵，慘已含污，幽冥，我當日太年輕不知情場寃孽，至有咁任性狂情，兩鬢已微蒼，估話孽債，能消豈敢與你把良緣，共訂，當日我殺人，此日不愿人殺我，才有婉拒，呢個小娉婷，（七字清）猶幸黃梁一夢醒，西方蓮苑是歸裎，一業心經，傅淚影，喃喃不覺，近天明（花）不禁血淚交枯，定嘅神魂不定，（座下甚邊石櫈白）唉翠𠒇，我同你誦左成晚經，我相信你嘅魂魄都安然，超渡叻（打喊牢睡介）

（開邊火幵變西天幻景）

（翠𠒇（紅漢裝紅飄帶）從雲級非常輕鬆一路唱小曲，天上人間（唱下）雪間疎星（双）似殘燈孤影，慚看雙星（雙）我未魂歸幽冥，月落孤墳寂静，玉女心靈未淨，在墳旁，偷偷笑，佢澈夜誦心經（慢板下句）一縷痴情，幾重幽恨，信是刧緣未了，未能領畧佢幾句，梵經，輕曳紅裙，重紓笑面，今夕玉女思凡，枉廢佢敲碎了紅魚，青罄，（埋拍萍輕鬆白）喂喂，（順手拈起梵經台口一看白）我都唔知嗡乜（介）喂喂，

（綠萍朦朧醒介白）翠𠒇（口古）好嘞你而家嘅魂魄已經上左西天嘞，而且你咁快就噲拈梵經嚟讀吓，係囉，何必在苦惱人 間，埋沒你嘅慧根，本性，

（翠𠒇一才白）唉吔，萍哥

（綠萍白）翠𠒇你干祈唔好哥哥聲咁叫我，情愿叫我造大師，再唔啱就叫我造道友，因為你而家都入左道嘅嘞

（翠𠒇白）我唔製，我係都要叫你造萍哥，（口古）萍哥呀萍哥，你都真有心嘞，你 一直送我送到上西天，唔爭在愛理我嘞，自古都有話，佛本多情，

（綠萍一才口古）翠𠒇乜你個心真死而不化㗎，我同你念左成 晚經，造乜你一點痴魂，依然未醒

（翠𠒇口古）我醒，我話你未醒啫，你正話都有講啦嗎，你話西天有路多寧靜，不如我兩個靜 靜地响處組織一個小家庭，

（綠萍一才打泠震花不句）你不該依舊心猿意馬污辱了手上個幾葉梵經，幾難得擺脫紅塵，你何必甘 自沉淪于陷阱，（白）亞翠，你既然係點而不化，唔啱你比番幾葉梵經等我扯巴啦，

（翠𠒇一才笑介白）啊，咁帶我嚟唔帶我扯 呀，你去邊處我去邊處，我呢只寃鬼永遠都跟住你嘅嘞（秃頭二王下句）你令我又憎又恨，我要毁碎，梵經，我要打爛只紅魚，抛了個只無聊青罄，我要你把袈娑當禮服要你共繫赤繩，乜野叫造萬念皆空，乜野叫造慧根，本性。堪笑你無端削髮，未免過份，忘情，你尚有盲母在堂，已是難延慈命，試問佢百年之後，誰個掃墓，于清明，若冇繼後香燈，怎樣把先人孝敬，你忍令家門絶種，罪在你一點，孤清，鬼唔望成佛登仙，邊個愿在凡塵多活命，須知有未完責任，你孽債尚未還清，若果我係大士觀音，我就將你當堂摑醒，我是個多情玉女點醒你麻木，不靈（合花）你快的帶我還魂，拍硬拖番去把良緣再訂（拉拉扯扯介）

綠萍連叫白）阿彌陀佛（口古）咁唔得嘅，亞 翠𠒇，我將近成佛嘞，你重係一只鬼嚟，我地點能夠談情説愛呢個而且你更唔應破我道行于一時，陷我于絶境。

（翠𠒇口古）萍 哥，你而家亦未成佛，我而家亦亦未變鬼，不過我認為你呢世都冇希望成佛嘅嘞，除非咁啦，同我結左婚之後，希望都或者有幾成，

（步仲，乎業，趙母孟珠，飄紅衣邊石屋卸上見狀覺奇介）

（綠萍口古）唉，冇法嘞，所謂道高一尺，魔高一丈我唯有暫時避左你，離開呢個西天佛境，

（翠𠒇口古）你唔好離開我呀，你離開我就噲打落十八重地獄，你個種不孝嘅罪狀剩係呢呢班人（人 指石屋上）上可以將你逐件證明

綠萍一才枱頭見石屋上各人愕然介）

（步仲木魚）睇到我眼定定，造乜亞女你死左重噲出聲，天光時候嘞，唔猛鬼又點噲現形，人好話死鬼冇下扒點解燈旁又有影，我呢個個糊塗老豆，到而家都重校唔清，到底弄甚玄虛，呀女你都要言明究竟，造乜你寃纒苦苦，重拉住個和尚談情，

（孟珠一才白）仲伯，亞翠𠒇未死嘅，

（綠萍重一才白）咁，佢未死嘅，咁呢處唔係西天咩

（孟珠白）你大約眼花同埋心理作用嘅啫（口古）當日翠𠒇服毒狂奔，未曾發出有任何毒性，我思疑 個碗未必係毒藥，但係我又唔敢將佢送歸程，因為丈夫一生辣手摧花，我唔佢失足於陷阱，所以把孤墳假設，翠𠒇仍在人間世上，都不是現形，

（步仲白）個碗明明係砒霜，我用嚟醫爛脚嘅，點解會冇毒嘅呢，（搔首弄耳。）

（平葉白）綠萍，我而家唔敢辣手摧花叻（執萍手跪下懺悔花下句）並頭蓮，當日由吾斬斷，自慚面目太猙獰，此際自願為媒，以慰當日非煙苦命，

（綠萍花下 句）曾經滄海難為水，我寧負不孝罪名，請將愛我之心移愛我親娘，我亦好欣幸你一時轉性，

（趙母一才發火口古）畜生，就算 你唔念在個老母盲左，就算你唔念在趙門絕後，你都要念在當年累死步非煙，你萬不能令佢留落一個妹，都要為你永世留下一種不良嘅心景，

（翠𠒇口古）萍哥，你靜心想吓，你一世人最愛嘅係我家姐啦，而我家姐一世人最愛嘅，除左你之外，就係我，咁你忍唔忍 心令我心靈無所寄，一世孤零，

（孟珠口古）亞哥，你大可以愛非煙姐之心移愛於翠𠒇，呢種等如係再世姻緣，或者冥冥中經已 注定，

（步仲一才口古）呀，我想起嘞，亞非煙上下死嘅時候，個陣亞翠𠒇重係蘇蝦女，已經病到失左口嘅嘞。當亞非煙斷氣嘅 時候，亞翠就還左魂嘞，醫生都唔使請一個就養到佢咁大嘞，或者當時亞非煙嘅寃魂未息，付托於翠𠒇身上，同你了左呢段不了之情，

（眾人一才同闗目感覺奇介）

（快冲）李陀上介執步仲口古）仲伯，我有一件事對你唔住嘅，我嘅心好唔安樂，至有向你言明究竟個日你比錢托我買砒霜嚟醫爛脚，點知我拈左的錢去攻打四方城，賭爭輸干難覆命，個包唔係砒霜嚟嘅我拍椿爛的米染左紅朱水，我相信你一定醫治無靈，

（步仲白）早的出聲啦，

（平業白）呢的都係整定嘅（花下句）萬事皆由天所註待我牽衣懇綠萍，

綠平花）唯有蓄髮再入情場，翠妹我共你情誼當固永，

（翠𠒇花下句）玉女把凡心再動，呢一種至真得係萬古真情

（衆人同唱煞板）