鴛侶相見不相識

（阿九已熟睡，發出鼻鼾聲，仕仁感懷

往事，不能入睡 ）

仕仁：（竹影搖紅）夜沉々　遙々虫声应，

淒然心　胆，碎低首嘆　一　声　棲

身陋屋意不......寧家已破恨 　　难

平，　　親嚴遭　災　殃被

囚覊陷困境，芳踪至今尚　未明又怕

佳偶难成，鴛鳳嘆空訂　緬想當初

一对鴛侶琴音和应，　　心

中憂戚，　难相会愛卿，　憔　悴　相

思　悶　不　勝。

（陋巷外——麗卿囘程中經 過聞屋中人聲，心生疑念）

麗卿：（心聲）蝦，呢間屋冇人住好耐嘅叻，點解忽然間有人聲呢，唔通的匪徒佔左嚟做巢穴，好， 等我人去睇吓至得，

（仁聞聲囘望，大吃一驚，急向後退，竟跌在九身上，九被壓醒）

阿九：（驚呼）嘩，攞命咩公子，係唔係有老鼠呀，

麗卿：（喝白）吓，咁好胆，當我係老鼠，你地係乜野人嚟。

阿九：（面如土色）嘩，好漢，君子動口不動手，請你收番埋把劍先，唔係一吓撞左板冇得救。

仕仁：好漢，我地被人所害，逃亡嚟呢度嘅。

阿九：係囉，發財請去第度啦，好漢。

麗卿：你地唔駛心慌，我最好打不平嘅，有乜苦衷，卽管講伸我聽啦。

仕仁：（忙下禮）哦，原來係大俠士嚟，失敬失敬。我叫做宋士仁呀俠士，（長句二王）一腔愁怨訴不清，感謝關懷請細聽，事因李家有女初長成，一曲為媒緣共訂，豈料奸人破壞欲奪娉婷

阿九：（接唱）誣揑公子是匪徒頒佈通緝令，老爺宋敬賢已入獄攪到鷄犬不寧。

仕仁：（接）望俠士仗義爲懷，將我髙堂，救拯。

麗卿：（序）哦，此案情我已知究竟，（曲）我曾廹奸官答應，你父已擺脫，囚刑。(序)從今你主 僕也安寧。 

仕仁：（愕然接春風得意尾段）俠士緣何熟

內情　彷彿似曾素　識知　困　境。

麗卿：（接唱）鴛　鴦　遭　劫事　尽，明

鋤強扶弱抱不平。

阿九：（接唱）真々痛悏高　米　俠士為　人有熱

情，　今　番　喜　 見禍　患　平前

途　已光明。

仕仁：（驚喜）俠士，你旣然知道咁淸楚，相信梗知道李小姐地址㗎，可否話俾我聽呢。

麗卿：（微笑）哦，李小姐就係縣城同安街倫記銀號住堵，你地卽管去搵佢啦，好叻，後會有期，再見！

阿九：公子，呢位俠士眞係仗義叻，佢話李小姐係倫記銀號住，呢關舖頭名點解咁熟嘅。

仕仁：（忽有所悟）呀，我記得叻，就係以前我地去過間 銀舖呀，而家証實一定係李小姐個父親李國倫開㗎叻。

阿九：（笑）咁就不如去搵倒李小姐先至返去啦公子

士仁：好，一於天光去搵佢。