暫作轎伕解厄困

亞九：（上苑啼鶯）呢趟唔知去邊十足似戇人

踄水爬　 山实覽疲　困。

仕仁：（接唱）初離故鄉倍添愁恨，內心憤悶难

陳。（插白）亞爹都唔知點添㗎。

亞九：（接唱 ）腳軟　抽筋一　路　震，更慌冇力

前　行，上斜　躭心企　不　穩。

仕仁：（接唱）兩家挾凭，提防躀親崎嶇山徑要小

心，失足恐怕會命殞，大家記緊，務須要

留　神。

亜九：公子，我地行咗咁多路，而家實係走去邊㗎。

仕仁：咪咁慌啦亜九，行囊大把錢喺處，我地唔會走遠的搵笪地方避一年半載嘅咩。

（匪徒甲乙伏身草叢中竊聽）

亜九：公子，開講話家有二千，每日二錢，全無生計，用得幾多年呀，不如咁啦，我地走去隔籬縣，搵着我個疏堂亜叔先，再想辦法謀生好唔好呀。

仕仁：（低頭一想）咁都好嘅，橫掂唔知去邊度，卽管去搵你亞叔先啦。

（二人再起步行）

（仁與九突見匪徒 持刀擱路大驚，九急牽仁欲轉身逃走）

匪甲：（大喝）咪郁呀，走親冇命。

仕仁：（聞睇脚軟，轉身向匪求懇）兩位好漢，我地尋親不遇，包袱裡便係爛衣服嚟啫，完全冇値錢嘅物件嘅。

亞九：係囉，放我地走路啦好漢。

匪乙：（獰笑）哈哈，唔駛講咁多叻，放低兩個包袱 

啦。

匪乙：（舉刀大喝）你想耍命定耍錢。

亜九：（懇求）好漢，錢同命兩様我都想耍㗎，

匪甲：（憤然）好，我要你地兩樣都有埋至得，兄弟，一人做一個啦。

仕仁：（哀求）唔好咁殘忍卦好漢。

亜九：好漢，我俾個包袱你叻，饒我一命啦好漢。

（仁被推下於半崖中及時緊執巨籐，搖蕩崖腰，驚險萬狀）

匪甲 ：（轉身行埋乙匪處）喂，重唔做埋佢。

匪乙：佢咁大隻，我一個點推得郁啫，嚟啦，一齊郁手啦。

（七叔與伴抬小轎由山路行來）

仕仁：（狂呼）救命呀，救命呀！

七叔：（見九跪地詫異）依，呢個咁似亞九嘅，伙記，放低頂轎先。

七叔：（喝問）喂，你而家詐顚定扮傻呀。

亜九：好，同你一齊死過。

亜九：你唔係七叔？

七叔：（氣喘）亜九，我幾乎俾你累死咯，點解咁攪法㗎你。

亜九：七叔，我同亜宋公子因爲俾人無辜架禍，正想話嚟你度暫時躱避嘅，點知嚟到呢 度俾兩個賊謀財害命，好彩撞啱你地經過啫。

仕仁：救命呀，救命呀！

亜九：（又驚又喜對七叔）七叔，我地公子重未死呀，點救佢呢。

七叔：（一想）得得，我地解晒的腰帶同度轎簾駁長放落去吊番佢上嚟就得啦。

亜九：公子，我介紹你識，呢位就係我頭先講個個疏堂七叔叻，

仕仁：（下禮白欖）多得救命恩，再生誠有幸。可惜財物已全無，深愧分文無所贈。今後 生活更徬徨，試問有誰施惻穩。

亜九：（接）公子你唔駛憂，我地七叔好人品。不如跟佢返店中，暫作轎伕解厄困。賣力又何妨 ，未知七叔你肯唔肯。

七叔：（接）呢層冇問題，只要有人來帮襯。不過公子咁斯文，恐怕降低佢身份噃。

仕仁：冇所謂嘅七叔，一個人馬死落地行啫，（對九）亜九，你以後唔好再叫我做公子，認我係兄弟好叻。

亞九：（點頭）好，咁我以後叫你 做細佬啦。

七叔：旣然係咁，你地卽管跟我番去啦，兩餐唔駛憂嘅。

亜九：（笑）冇錯，最緊要有飯食就得叻。