一曲為媒良緣共訂

（仁典卿，相見甚欢，共对焦桐調弄）

（仁按琴輕奏 一曲，卿低唱和之）

麗卿：（蕉石鳴琴）心喜忍並頭和唱紗　窗

下，　　得君教導倍感增　声　　價，

今朝隔窗 聽君一曲高奏音韻清　脆，

果真美妙　無　瑕。

仕仁：（接唱）心裡慕卿容　顏　秀　雅，冰肌

雪霄世間絕見艷 似天仙花　花。

麗卿：（接唱）芳心乍喜乍羞自慚不禁面泛紅

霞，早已慕君絕世才　華。

仕仁：（接唱）願意長 對住人操琴唱酬喜　放

心　　花。

（國倫愁眉不展偕債主梁甲自外行入）

國倫：梁老兄隨便坐陣先啦，（行前見 卿與仁同在弄

琴愕然）乖女。

麗卿：(介紹仁與倫相識）阿爹，呢位係宋仕仁公子，佢就住喺我地隔離嘅喑。

仕仁：（一揖）老伯有禮，請恕晚生騷擾騷擾。

國倫：哦，原來宋公子索仰素仰，隨便坐吓（囘頭對卿）乖女。

梁甲：（插咀對卿）阿麗卿小姐，同你阿爹攞番押玉玉珮個張字據出嚟，撕咗佢啦。

麗卿：（詫異)阿爹，點解梁伯話要撕咗張字據呢，個件玉珮係我地傳家之寶嚟㗎。

國倫：（嘆氣)唔止係家傳之寶，而且量價值連城添，不過今日押期已滿，都籌唔倒三百両銀贖番，冇法唔係咁做啦。

（麗卿聞語默然嘆息）

（仕仁覩狀大表同情）

仕仁：（大聲）阿九。

阿九：乜野事呀公子。 

仕仁：（對國倫）老伯，你地唔駛担心嘅，晚生雖非富有，亦可以畧盡棉力帮助你地贖番件傳家之寶嘅，

國倫：宋公子 ，咁唔好意思嘅，我地頭一次見面，於理點合呢。

麗卿：宋公子，我地初相識就要你破費，實在唔應該嘅。

仕仁：李小姐，有話助人爲快樂之本，有乜所謂呢。

阿九：公子，呢度三百両。

仕仁：（送與倫前）老伯，唔好客氣叻，你擰去贖番佢先啦。

國倫：（忙擺手）唔好啦公子。（兩人推讓一番）

麗卿：宋公子一塲美意，却之不恭，收落佢啦爹。

國倫 ：哦，乖女旣然咁講，老夫惟有接受宋公子好意喺啦。

麗卿：宋公子，得你帮助我地能够保存件玉佩，真係感恩不淺叻，

仕仁：李小姐，區區小數，何必介意呢。

（國倫見仁品貌不凡更感相助之恩，思以女妻之）

國倫：（對仁）請恕老夫冒昧，公子可曾授室呢，

阿九：（搶住，笑答）我地公子就未娶老婆，唔知你地小姐食咗人地茶禮未啫。

仕仁：阿九乜你亂講說話㗎，（對倫）老伯，晚生尙未授室，未知有何指敎呢。

國倫：（微笑）宋公子，老夫素仰你多才博學，譽滿全城，今次更得 你疏財相助，實感大德深恩，如果不嫌小女貌醜，願得公子爲婿，未知意下如何呢。

仕仁：（大喜下禮）蒙老伯錯愛，晚生實感 三生有幸

阿九：（笑嘻嘻）嘻嘻，咁就啱晒咯，（三脚櫈）難得才子配佳人，千秋成佳話，呢個媒人應我做，幷非補鑊用泥搽。

雪兒：（接唱）一曲鳳求凰，公子多才如司馬。

國倫：（接唱）两個同是知音客，恍如明月映流霞。

仕仁：（接唱）立卽歸去禀高堂，問字遣媒談婚嫁。

麗卿：（接唱）暗喜終身能有寄，未來夫婿擅才華。

阿九：（花上句）公子你得成眷屬確開心，唔駛再唱陽春白雪知音寡。

雪兒：（花下句）小姐從此不彈幽怨調，桐絲譜出宜室宜家。

（卿聞言含羞低頭）

（仕仁與阿九向國倫揖別去）