如非金牌鉅片安有六院聯映

探契爺

（女唱毛毛雨）買包餅，過海探契爺 ，到佢家中，西山日頭斜，天將晚，待我連忙入佢屋舍（挿白）契爺呀（男）喂契女做乜野（女唱龍舟）我嚟探爾，正話至落車，（男）咁有我心呀嘻嘻，一見左契女我就笑口唏唏。爾有心嚟探契爺，點解咁夜㗎，爾放低個手袋，共把洋遮喇。（女）嗱哩包餅係買亞嚟媽送俾爾嘅哩，包輭糖係我送過契爺。（男白）哩包係輭糖嚟咩。（女白）係呀，我見爾冇乜牙，所以就買包輭糖嚟俾爾喇嗎。（男龍舟）呵：爾又知到亞契爺，鍾意食輭野，又淋又滑眞係合晒合尺，爾返去話俾亞媽聽契爺好多謝，好多謝嘞。（女二王）實在不敬誠意，無非手信，一些，我已來了多時， 點解總唔見亞契姐。（男白攬）唔好問起爾地契家姐，佢近來好　　，今日又話去學游水，明日又話去學踏 單車，晚晚同人拍拖拍到三更和半夜，重要企响街邊嚟做賣剩蔗，睇見佢個情形，都唔慌係幾好野爾想見佢咩，行去個間導游社囉！（女白欖）噉我都唔等佢咯，不如早的扯。（男白攬）唔好扯！（女白攬）時候夜囉。（男白攬）唔好扯。（女白欖）吔唔得嘅。（男白攬）都話唔好扯咯。（女白欖）實在整乜鬼野呀。（男白攬）冇乜野，冇乜野（二王半句）同爾劏鷄宵夜。（女接半句）啋咁骨庇（男接）爾自己呀心邪呀（收掘）

影星朱頂鶴扮男女喉唱