為知己，冷落了嬌妻愛兒

韓義生初嘗製片苦

他説：以前有乜唔妥，係人 就乜，依加慘咯，揾班靚妹仔開工，第二朝早班，凌晨三點都未揾到人⋯⋯

咱們的「大佬」、「肥仔」、「黑仔」——韓義生，當 了廿年的武術演員和武指之後，最近在麥當雄拉攏之下，初嘗製片。

他說：「唏！撈左廿年，未試過咁忍氣吞聲！」

「製片難為？」

「以前有乜唔妥，係人就乜，而家慘咯。揾班靚妹仔開工，第二朝早班，凌晨三點都未揾到人，試過發通吿發到天光 至發得它。」

韓義生在電視台與電視圈，憑他的資歷與人面，行了出來，有他的份量，但作為一個製片，為了把整部戲組織得好 ，許多時候，必須要面面倶圓，以達到要求效果為重，過程中間，韓義生不時要按捺他的爽直脾氣和平日的威風（雖然他從不故意顯威風。）

「問我做製片感受？人格低左囉！」他呵呵一笑：「唔明？拍電影，尤其獨立公司摘時笑戲，好多嘢係錢都買唔到，必須求 人，例如借地方，你冇辦法唔低聲下氣。借到了，又要擔心整壞人地地方，要處處關照，好奇怪。有時D個唔聽話，有時會有意外，冇法 避，結果連朋友都唔敢見，唔好意思。」

「仲有好多嘢，例如班演員嘅期，已經夠攞命，分分鐘揾人唔到，班細路女又要哄。」 他搖搖頭，想起不知好氣抑好笑。

「你唔知，最初眞唔慣，嘔心嘔血㗎，有時氣頂，乜到出口夾硬呑翻！問自己？唔知為乜？幾 乎劈炮唔撈！」

問黑仔：「一無收穫。」

「啊，有！韓義生又家邁一笑：「呢兩個月，學左好多好多嘢，以前話做左廿年拍戯，都未夠全面，如今，由場記到管錢，由演昌到公關，我從頭到底瓣瓣通，吸收好多寳貴經驗。」

「以後可有興趣繼續向製 片發展？」

「除左帮阿麥嘅戲，唔制。」韓義生答。

是的，他與麥當雄是十年交情，由阿麥拍「老襯亨」到現在，兩人合作了近十年，黑仔與阿麥，旣有交情沒有感情，是肝胆相照，能甘苦與共的手足。

「呢一行，話冇朋友沒錯嘅，但係要交朋友， 好難。我做左廿幾年，眞正知己，數埋只有幾個，旣然係知己，阿麥話佢出嚟搞公司，問我帮唔帮手？當然冇兩句。」

帮知己， 韓義生忙足近半年。

「我三日唔見個細仔一面，返到去，個仔眼光光，唔認得我。應承老婆點點點，又做唔到一一冇辦法，拍電 影嘅嘢，除非你唔做，認眞去做，唔到你講私人時間。拍呢部戲，同老婆吵過幾次架啦！」韓義生說，幸而終於已大功吿成，可以鬆一口氣，陪伴太太和一子一女了！

由廿年前撈武師到今日，咱們黑仔有句話：「做嘅，我冇妥協，冇改變嘅，可以唔做，做就做到最 足，盡責，他認為如此才對得住自己，對得住老板與觀衆。

・艾江