揷曲之五

醜女傷春（譚蘭卿唱）

（小曲螺黛）愁怨倩誰陳，儂心眞激憤 ，個個小進安，佢移情變心辜負了人，我暗傷心，暗傷心，情絲嘆自困，怎得同他相印。

（正線中板）我想金玉蘭，正當花信年 華，而且我生來又够風韻，好一副月貌花容，好一雙秋波媚眼，係人睇見都蕩魄，消魂。獨有個個小寃家，佢對我絕不垂靑，眞令我莫明底蘊。枉我一片痴情，爲佢相思成病，唉吔眞係有苦，難伸。尤恨老嚴親，佢明知我已屆梅標，偏不爲我把紅絲，牽引。每見秋月春花，依舊形單影隻，寧不暗自，傷神，

（轉爽七字淸）越想越嬲越火滾，情塲失意氣壞釵羣，個個臭丫頭，眞可恨，被佢釗牆脚，奪 愛人。

（花）一定要報復此仇，方消我心頭之忿，未知呢隻懷春彩鳳，何日至得比翼飛騰。