『紅葉仙緣』精彩曲詞

．盧山撰曲．

（旁白南音）話說凌霄殿，有對快 活神仙，一個善才童子，正在抱花眠，點知個龍女仙姬，凡心動，戲拈紅葉，把佢眼兒圈，夢中驚醒，尙帶惺忪眼，瑤池追逐，旋又學參禪，共以紅葉爲盟成愛侶，呢個一生以紅葉貼眉尖，呢個又願紅葉郞如葉艷，千般情意萬般憐，不料觀音大士在身旁現，不是眞緣却是寃，貶謫紅塵，了却恩和怨，佢哀求無效果叻，從此人間傳說，有呢一段紅葉奇緣。

才伯：（西皮序）今日榮歸家園掃天堦，一家 恭迎在街，候老爺兼新少奶，氷山鳥倦還巢，惜塵封舊婦釵。

馬德：（起唱南島春光）跪跪跪跪跪喇跪跪喇跪。

何氏：（接）跪跪跪跪做乜跪。

馬德：（接）望你跪低拜祖先位。

何氏：（接）家敎莫提，家敎莫提，破例，破例。

馬德 ︰（接）鄕法莫違，一次莫强爲，鄕法莫違，一次莫强爲。

何氏︰（接）唔制，唔制。

馬德︰（接）冇問題，冇問題，係咁意喞拜落嚟。

何氏：（接）應叫班寃鬼，對着我調轉跪「你」今世發達係我嚟，個個如有禮，「應」對我行個禮。

馬德︰（接）同是素具勢位，無謂破壞法例，依吓法例，勉强跪，勉强跪。

何氏：（接）又跪又箍，車正盟衫鬼，眞正冇謂，成日叫 跪，對膝從來係有威，冇豆坭「我拜」老母老豆時，都一向洞督企，何曾有個深深禮，由人帶歇「重」爛巴閉。

馬德：（接）望 愛妻，休發圍。

何氏：「你」理虧「重」鬼食坭，得個咁嘅夫君，前世前世。

何氏：（起錦城春）哦秋萍呀。

馬 德︰（接）「係囉」秋萍名字乃「佢「親生母定，改得算好聽。

何氏：（接）咁嘅命名聽錯係臭瓶，不若直程喚臭瓶，容易叫臭 罌出嘅，係臭草冇改錯係臭瓶，「呢個」新夫人，「有」後台做背景嘅，兩兜細佬同姓唔同命。

阿忠︰（接）佢先母短命今世孤 另，倘得關照快慰先靈。

馬德：（接）誰不知卿賢德堪稱，「總之」自己人熟性。

何氏：（接）「初到」貴境對家丁，姑且强笑歛猙獰

大年：（唱戲水鴛鴦）恭喜兄你，多皇恩重，去邊關作元戎。

何氏：（接）我老公，全靠我操縱。

大年：（接）出邊一槓。

馬德：（接）佢尊翁，開正金銀槓。

大年：（接）羨羨煞你，我空發官塲夢。

馬德：（ 接）你週身索氣，等官太引荐把功名中。

馬德：（上雲梯）細蕭生粒發達痣，咪執輸，正式龍吐白雲珠。

何氏：（接）我話蛇衝法令做乞兒，俾單衰貨「佢」成其事。

馬德︰（接）全由你揸主意，有朝得志又何如？

何氏：（接）呢但如有發達，白金將金蛀。

馬德：（接）老蕭不可介意。

明仔：（唱剪剪花）成瓶奶食晒，就行街最多搵街帶，咪個嘈住晒，我小心愛姑乖，愛姑乖，愛姑乖，大來一世樂無涯。

何氏：（春之叫賣）我話過戒奶，你偏作怪，咁大個餵奶眞過太。

明仔：（接）未斷奶噃，點戒晒。

何氏：（接）一於要聽朝戒。

明仔：（接）咪限明日戒，我願拜幾拜。

何氏：（接）你 一個下人，居然共我頂生晒噃。

明仔︰（接）蘇蝦就搏命捱，掌珠喫十匀。

何氏：（接）我明晨定要戒，金錢掉出街咩。

明仔：（接）無錢願當野，一於買牛奶，買牛奶。

天相：（賣相思）要有菩提五色樹，「至」寫得細緻

西宮︰（ 接）產生邊一處。

天相：（接）出處「在」武彝，世獨有係白雲寺，僅三兩株。

西宮：（接）你馬上去喇。

天相 ︰（接）立辭。

皇帝：（接）暫批三月期。

秋萍：（唱泣殘紅）蝶無伴，鶯失侶，燕離群，感觸都未算深，點知鶯啼蝶飛燕憔悴。一一似斷腸人，算未見免惹起傷心，却又我偏凝眸淚珠垂。

明仔：（連環扣）喂亂咁掉野戚崩能，你實係聽身痕，好拈 番件衫浸，明朝行朝時文，你亦知佢份人。

秋萍：（接）係野做晒心不甘，重閙到暈，躪街大舖癮，我就停口停手成日困，我並 非馬氏人呀。

明仔：（接）唉環境環境做成，將船仔來就磡罷咯，佢越蝦要越淋。

秋萍：（接）係人後母都係鬼心，做牛做馬不如，我有阿媽生。

明仔：（了緣曲）鼓氣袋，笑番笑，望倒老蕭。

秋萍：（接）唔知唔曉。

明仔︰（接） 你成婚上轎，我掉低担挑，就嘆絲苗。

掌珠：（起老鼠尾）喂我件褸呢。

秋萍：（接）乾未透。

掌珠：（接）你 平日知我朝晚入茶樓，話過赶着乾濕褸。

明仔：（接）係聖旨口咩唔着咁鬼臭。

何氏：（接）你加把口就聽兜心口。

秋萍：（接）我亦係你仔女但係賤過狗。

掌珠：（接）你直程賤過狗。

秋萍：（接）做姊妹嘅噲日日碰頭。

掌珠：（接）你並唔係對手。

明仔：（接）喂大海撑艇，未必扒在人後，白髮公也會打跟頭。

何氏：（接）你要收口咁反斗。

掌珠：（接）被佢激奀瘦。

何氏︰（接）不必嬲免共獅子鬥

掌珠：（起狂歡）有鷄屎味，有鷄屎味，有腥味， 有蘇味，有酸宿味，最憎膏肥奴奴要食紅燒翅。

何氏︰（接）時常神經。

掌珠︰（接）拈鷄脾餵大老鼠。

何氏︰ （接）炖成晚人地怪你。

秋萍︰（唱隨風而逝）甘香甜滑，可惜有的坭帶有的沙。

明仔︰（接）味勝過蒸鮮蝦，够香够甜「多謝」天皇閣下，「若果」落埋蒜花咁至到家。

秋萍︰（接）「可惜」一人得兩啖唔够攝大牙。

秋萍：（好春宵）落雪番風抖一會。

明仔︰（接）停停暫且歇吓吧。

秋萍︰（接）易冷傷風，我想要火把。

明仔：（接）論鬼盡，斬埋 得揸灰。

秋萍：（支那之夜）哎憔悴誰惜我，只但見風欺我霜雪辱我，地厭我，天更樂禍，海不興波山靜臥，我未有貧人調轉人 貧我，後母刻薄父親誤我，我心愛玉郞恐怕不知我，天上人間都紛紛摧毁我，天無謂殘酷我。

天相：（平湖秋月）愁愁愁因風縐 面嘅水，呢係本無愁，山不老被雪霜封亦都白頭。

秋萍：哈亦文亦雅亦壯觀，先生修養世無儔。

天相︰（接）聯求偶人求友對首似是懷恨怨，暗把心聲奏。

秋萍︰（接）「傷心」怕向人前洩漏。

天相（接）一天風雪落滿山，難受咯「單衫」底衫流。

秋萍：（接）莫說窮人傲氣，我鍾意紗裯你自己斯派够。

天相：（接）駛乜駛乜嬲嬲爆眞惡受。

秋萍：（ 接）才看花錦繡，「一旦」春歸爲去獨有丹楓留。

天相︰（接）紅葉成一枝秀。

秋萍天相（合唱）默向蒼天致祝美麗紅紅到千秋。

秋萍：（接）如花。

天相︰（接）如錦。

秋萍︰（接）如繡。

天相︰（接）心中有日似是了夙因。

秋萍︰（接）償孽債。

天相秋萍合唱：不經不覺兩凝眸。

明仔：（咸水歌）家機貨唔同街市貨呢老友記呀，癩 蝦蟆竟想食天鵝呀唎。

天相：（不再相見）（我都）傾吓講吓度吓斟下咋。

明仔：（接）執生虱乸會担枷，「就算駛黑錢我亦唔受，走私水客撞啱個密查。

秋萍：（接）講野粗魯又好打架失禮先生太刁架。

天相：（接）看秋山落紅葉。

明仔：（接）當實我担缸瓦，你一望，佢一望，錯咗就摩囉义。

天相︰（接）你再出聲再多事，我卽落你大牙。

秋萍： （接）相見相敬莫驚詫，不必相識也一家。

明仔：（接）你未婚夫玉扣，掛在你衣襟罅。

馬德：（起旱天雷）金器落成條。

何氏︰（接）成條。

馬德：（接）衣着做多少。

何氏︰（接）亟少。

馬德：（接）蚊帳共枕頭呢，手巾預早買定條。

何氏：（接）我求其買的，半新半舊平到逢人掉。

大年：（接）做人冇意見㗎祇怕被睇小喞。

掌珠 ：（接）攪到學滋油添，個仔成只人頭妖咁樣啫，狗貓都厭，人厭物厭佛憎神憎若嫁，此公內傷命半條。

馬德︰（唱叮嚀）實行 結婚係尾巴。

大年：（接）求祈請次分兩家。

掌珠：（接）置家卽担枷。

大年：（接）你當主家。

馬德：（接）當主家。

何氏：（接）喂菜金要分份㗎。

天相：（小紅燈）拜見未來岳母，請恕長途跋涉勞，敬請安好。

何氏：（接）喂第時就要早。

馬德：（接）行得快過頭，會吹風爐。

大年：（接）後生若果望前途，要聽親家吩咐。

天相：（接）覺得半路寒風吹壞腦。

掌珠：（姊妹花）佢顏容太俊俏，人材實太美妙，我實行就叫佢要，娶我作雙棲鳥。

何氏：（接）點解突向墻窿撬。

掌珠：（接）我奪愛用權威照。

何氏：（接）你大早談高調。

掌珠：（接）你反對我生蝦跳。

秋萍：（春風得意）菱花照骨瘦如柴，深怕玉骨隨日瘦，五分血淚五分憂，疲勞透辛苦透。

明仔︰（接）巨型嘅大煲要用牛頭，等我用猪膏煲粉藕。

秋萍：（接）你從何處搵得錢。

明仔：（接）你慌我係做小偸，全靜把口够，撻沙上釣鈎。

秋萍：（接）是否肥猪倀鷄同入竇。

明仔：（接）佢前日叫執漏，尋日又買刀，豆弍成面訂佣代扣。

秋萍︰（接）你時常食折頭，似嫌折福應該要收手

明仔：（接）犧牲一切做馬牛，廿年扶育仃要求。

秋萍：（接）我拜 賜深恩厚。

明仔︰（接）爲娥眉用盡綽頭。

秋萍：（接）知己捨你世難求。

明仔：（接）食完肥肉滿手油。

何氏：（十月懷胎）呢塊玉葉快交我手。

秋萍：（接）請免開尊口。

何氏：（接）奴才胆量够，卽要豆。

秋萍 ：（接）呢塊下聘扣，我所有。

何氏：（接）逆命賺出醜。

明仔︰（冺江夜曲）喂做乜調轉女嫁。

何氏：（接） 亂講燒壞瓦。

明仔：（接）老虎乸蝦得你就蝦。

何氏：（接）吓老娘自幼巴揸，怒摑你一巴。

明仔：（接）咁黑 心顧住雷公轟炸。

何氏︰（接）咀刁刁你時常打骨罅，困黑房將奴才鎖鍊掛。

明仔：（餓馬搖鈴）今天我拼闖禍將婚姻矇喎但冇晒了哥，個個老虎婆，惡過閻羅冇收科。

秋萍︰（昭君怨尾段）有勞傳遞，有勞傳遞，見天見天相就放低。

明仔︰（接）帶書冇問題，你流鼻涕眼水跌落嚟。

秋萍：（接）更請你致賀佢蓮並蒂。

明仔：（接）知你傷心翳肺。

秋 萍：（接）奴亦厭惡恩愛夫妻迫散東西。

明仔︰（接）雖則係翳，一吓鬼迷終有福綠。

秋萍：（接）我酧你厚情跪下。

明仔：（接）變鬼重惡抵。

秋萍：（接）去歸西

天相：（龍飛鳳舞）鳳冠一揭頓醉醒。

掌珠：（接）凰冠初戴奉春情。

天相：（接）何堪關睢錯詠。

掌珠：（接）情哥你眞冇定性。

天相：（接）你個貴相决非我愛卿。

掌珠：（接）你兩個已經拜雙星。

天相：（接）你太過錯愛騙婚故冒認。

掌珠：（接）我勸你信鏡看一看物証。

天相：（禪院鐘聲）瓊樓向晚，落紅落滿山溪，歸雅結隊，夕陽共帶歸，不勝感嘆鳳侶睽違，盆難種，花並蒂，鸞盟丞毁，芳菲永逝 ，一書竟耗惡，寒山方半面，便了今生約，空敎泣血喚魂兮。

秋萍：（挑李爭春）紅葉隨風飄散，紅葉向水飄泛佛皈依居寥落慣 ，爲往者相思，人隔萬重山，愁有見金鶯，雪雁驚霜冷，山中涓涓溪澗，獨個低囘岩石，不敎水照容顏，紅葉有殘時，俗緣多分散，紅葉散鴛鴦散，拔金釵寫寫寫寫詩隨浪泛。（詩白）人似離巢燕，飄零未有家，聊題一片葉，寄恨到天涯。

天相：（接）我估你存心 不見人。

秋萍：（接）伯你存心不見人。

天相：（接）你幾天匿埋白雪菴中瞓，等我成日等

秋萍：（接）咪問問 吓你份人，終日尋芳柳巷趁。

天相：（接）詆譭我又彈又諦眞過份，用口鮮血對人噴，重怪人。

秋萍：（接）心不份，乜閙神閙鬼又閙人。

天相：（接）傷心傷心皆因爲無人品。

秋萍︰（接）各走各路還你自由，復我自由身。

天相： （接）你有新歡憫我亦有知音憫。

秋萍︰（接）情侶旣經變心，不了情大衆今天了緣份。

天相：（接）情侶一朝變心就洩心內憤，賺長久唔合襯。

天相秋萍合唱：盈眶血淚滲。

何氏：（襟上一朶花）你陂衰晒比你陀衰晒，個肚煲咁大人鬼怪。

掌珠：（接）全無人格你正乖，臭名掛頭牌。

明仔：（接）你重牙擦帮鬧埋，唔通你大晒。

秋萍︰（接）我事情 做錯偸怨艾，媽休怪，妹你怪

何氏︰（接）你眞正衰，要下賤到去瞓街。

掌珠︰（接）撻爛鞋等你周圍求借一世捱。

秋萍：（接）叩懇我慈懷。

明仔︰（接）我願同你出外捱。

何氏：（接）難容妖怪。

天相：（夜上海）紅葉流，秋月愁，蕭蕭西風滿玉樓，人去後，春去後，黃花堪比瘦，憶措鳳凰偶，離婚帶淚流，依稀景况有研究，幾度囘身去復囘頭望，推測此次定然悞中陰謀。

天相：（蘇三不要哭）從前用計策迫我眞訝詐，整汚糟塊畫，目前現眼報將你撚番化，我專胭脂馬。

掌珠：（接）信錯了寃家，汚糟兼哪渣。

天相：（接）難道重買怕請你番手嫁。

掌珠︰（接）艾吔刀拮腰骨罅。

秋 萍：（南音序）一番吊影幾囘銷魂，風雨又秋深，秋深秋深念故人，故人貧我恩恩中斷咯。愛相分分襟望影滿淚痕，痕留處幾囘思量時別態，依依不去像月苦難陳，傷心人念煞傷心人。

明仔：（新對花）今朝天相週身衰，佢被人捕去當氹堆，我睇但實條命脆一番焦 慮。

秋萍：（接）因乜事幹拉上區乜量罪？

明仔：（接）聽佢誤殺一個女人經判罪。

天相：（懷舊）死結解不開 ，駡天太忌才，殺我斬我要受災，傷心轉眼到夜合，情字所害帶得寃孽來，爲愛終歸死於愛，悔恨當初種禍胎，風雪一山哀，恨不性近呆，半世錦繡塟恨海，願化輕烟一縷到蓬萊。

明仔：（女人）行吓抖吓抖吓賺牽蝦。

秋萍：（接）行吓走吓行吓走吓心牽掛。

明仔：（接）頻倫聽住瓜似瘋癲馬。

秋萍：（接）慢吓時辰到就殺他。

明仔：（接）時間有揸拿計落大把望住 行刑賺驚怕

秋萍：（接）我踢石頭唔在神一差。

明仔：（接）你走吓添顧住崩下扒。

秋萍：（接）最後情猶望談 一吓。

明仔：（接）死心顧大人全唔顧蘇蝦。

秋萍：（接）哎吔唷忽覺頭暈呀又眼花。

明仔：（接）半路臨盤眞 可怕。

秋萍：（接）呼聲天怨聲地，害你誤你寃屈你淚滿衣。

天相：（接）嘆昔受騙迫分飛。

秋萍：（接）我亦 嘆迫分鴛侶悔恨遲。

天相：（接）相逢但訴傷心語。

秋萍：（接）命案頓生敎人疑。

天相：（接）寃情莫雪哀天 意。

天相秋萍合唱：別矣今生今世會無期。

大合唱：（快樂伴侶）紅葉愛共結仙屬眷紅葉劫拆開世俗緣幸獲缺月重圓合歡花種千年。