“夜夜杜鵑啼”（電影劇本）
"THE SONG OF THE NIGHTINGALE"
第一塲
景：碧楊村柳波巷連杜家內外
時：夜（雷雨之夜）
人：杜鵑鳴、杜母、大叔、阿福。
（夜深，天空中不断閃着電光，風声虎虎，襯着沉寂的休氛，顯得格外凄涼，巷內，沒有行人，而且家家戶戶，也緊閉門戶）
（巷尾的一家破舊房子裡，從窗內透露出非常微弱的燈光）
（這是杜鵑鳴的家——）
（屋內，傢俬殘破不堪，板障也處處呈現殘缺不全的樣子，這時候，㕔中沒有人，只有當中的破桌子上放着一盞半明不滅的油燈，給風吹得在摇愰不定）
（鵑鳴由通廚房的甬道處出來，她手裡分別捧着两碗熱氣薰騰的葯，愁容滿面的向㕔中行）
（在房間的門外，鵑鳴停了下來，傾聼一下房內的声息，又低頭看看碗中葯，略略噓一口氣）
（當鵑鳴抬起頭來的時候，她的眼中已孕滿淚水了）
（鵑鳴行至㕔中，把手中葯都放在桌上）
（鵑鳴坐下來，淚水潄潄而下，痛苦萬狀她陷入沉思）
（以上畫面叠印片頭字幕直至完畢）
（窗外，電光閃爍，巨雷声疾起）
（鵑鳴像是給雷声驚駭了似地，慢慢從沉思中囬復過來，她的臉上還清楚地掛着两度淚痕）
（碗中葯，還是冒着烟，在鵑鳴的眼前嬝嬝上昇，鏡頭推近鵑鳴的面部，越見越大——）
鵑：（心声，低沉而又痛苦地）自從阿爹死咗之後，呢幾年來簡直就冇一日安楽過，阿媽捱到病咗，而家仲已経奄奄一息添咯。我又冇本事，唔只話冇能力𠻗請医生医好阿媽嘅病，甚至連两飱我都冇法子供養佢
，最慘嘅，仲係阿爹在生嘅時候，同冼家莊嘅冼老爺借咗一筆債，連本帶利已経変成係一筆我永遠還唔起嘅数目，最近，冼老爺仲要廹我嫁畀佢做妾侍𠻗填債添，今日，已経係最後嘅限期
咯，我——我而家——
（鵑鳴的眼光，又重新落到那两碗葯而裡）
鵑：（心声，要見凄慘地）我而家唯一嘅办法，就係靠呢两碗葯𠻗解決一切，只要飲咗呢两碗葯，阿媽又
唔使捱病捱得咁辛苦，我亦都唔使要落喺冼老爺手上𠻗受凌辱叻——好，等我拈入去房，同阿媽一齊飲咗
佢——
（鵑鳴想到這裡，決然地站起來，再把那两碗葯捧起，轉身行入房中去）
（房中一角的床上，杜母奄奄一息地躺在那裡）
（鵑鳴行至床前，正準備呼喚杜母——）
（突然，一声强烈的雷声轟然而响）
（昏迷中的杜母給雷声驚醒了，她抬起憔悴無神的眼，斜看着鵑鳴）
（鵑鳴悲痛欲絕地注視着自己手中那两碗葯）
母：（痛苦萬狀，微弱地迸出來）哎——哎——鵑，鵑鳴——
鵑：（驚覚地）啊！媽，做乜嘢呀？
母：（微弱地）你，你坐低啦。
（鵑鳴無奈，把手中葯往一角的台上放下，然後囬身放在床沿）
母：（断续地）鵑鳴，無們日想唔想倒办法𠻗應付冼老爺呀？
鵑：（忍不住又淚如泉湧地）媽，我，我——
（O.S.踢開門声）
（鵑鳴慌張地外望）
福：（O.S.）梗係喺房度叻，大叔，我地入去捉佢。
（杜母驚極，鵑鳴也為之失措）
（門前，出現了大叔和阿福）
鵑：（戦慄地站起來，驚愕非常）吓，大叔，你地⋯⋯
叔：係，我地係嚟問你有冇錢還畀冼老爺？
（鵑鳴吶吶不知所言）
福：（憤然冷笑）哼！大叔，你咁問佢即係多餘嘅啫，佢如果有錢還，仲會係咁嘅衰樣咩？拉佢返去見老
爺吧啦。
鵑：（哀求）阿福哥，大叔，求你地做吓好心，畀多日人情我，等我聼日⋯⋯
福：哼！聼日？你都唔知話咗幾多百次聼日嘅叻，我地唔得閒同你講咁多呀，你跟我地返去見老爺啦，只要佢應承你，就唔好講話听日，出年都得叻。
（阿福說着，即動手拉鵑鳴）
鵑：（一边挣扎一边哭求）阿福哥⋯你放咗我啦，我阿媽又病得咁緊要，我——
福：（大喝）快的行呀，死人我都唔理嘅叻，大叔，幫手啦，夾手夾脚捉佢返去交差啦。
（大叔無奈上前，和阿福左右扶持鵑鳴）
（鵑鳴拼命地挣扎不肯行）
（杜母見狀，張惶失措，强自支持起來，欲下床）
鵑：（挣扎着哭叫）大叔、阿福哥、你地做吓好心啦，你地放咗我先啦。
（阿福厲声在斥喝）
（杜母支持下床，力有不遞，忽然倒在地上了）
（半鳴聞声囬顧，狂叫起來，挣扎得更利害——）
鵑：（狂叫）媽，阿媽呀——
福：（斥喝）媽乜鬼嘢吖？快的行啦。
（鵑鳴狀如狂X，力歇声撕地叫着，挣脫了大叔和阿福的挾持，仆過去要抱起倒在地上的杜母） （杜母垂危，只是在急喘着）
鵑：（慘叫）媽，媽呀——
母：（睜開眼，声細幾不可聞，抖索地）唉！鵑鳴，你，你以後就慘咯，我，我——
（杜母說着，一口氣翻不過來，頭一歪，死去了）
鵑：（大驚，撫着杜母的屍體，搶地呼天地）媽，媽呀——
（鵑鳴叫着，索性伏在屍體上声々慘叫淘哭——）
（大叔和阿福一時也相顧失措）
鵑：（忽然，她停止了哭声⋯慘然地）媽，你去啦，你，你等埋我啦，我即刻跟住你𠻗嘅叻。
（鵑鳴說着，很快地站起來，走到一角的台边，端起了一碗葯就往口裡送）
叔：（憬然地）咦！弊。
（阿福冲前，一手將鵑鳴的碗打落）
（鵑鳴反而木立着，看着地上的破碗）
（O.S.雷声大作，交什着巨雨声）
第二塲
景：冼家大㕔連門口
時：夜
人：冼榮川、冼妻、冼大器、華秀烏、鵑鳴、大叔、阿福、婢女。
（㕔中的一角，榮川坐在貴妃床上，渾身不安地拿着旱烟桿，猛抽猛吸地）
（冼妻滿面怒容，左有秀鳳，右有婢女扶持着，她望着榮川，哼然地冷笑——）
妻：哼！你以為你今晚暗中打發咗阿福同大叔去拉鵑鳴返𠻗，我就唔知道你佪心想点哪？我警告你呀，你
唔使指擬乘機廹鵑鳴嫁畀你做妾侍呀，就算佢肯，我都唔肯㗎。
川：（狡辯着陪笑地）哎！太太，我边處有咁諗呢？我打發佢地两佪去拉鵑鳴返𠻗，完全都係因為佢佪死
鬼老豆挣落我一筆錢，幾年長又唔還本，又冇利交，所以至拉佢返𠻗同我做工填債嘅咋。
妻：（冷笑）哼！真係嘅？
川：係，真係嘅？
川：係，係真㗎！你又何必多疑呢？
妻：（悻然）吓？仲話我多疑添？你自己自問吓良心叻，睇過你係唔係咁打算啦？
川：（嗫嚅地）嗯⋯⋯我，我边度有呢？你⋯⋯
大：（O.S.）媽，媽呀！
（冼妻及秀鳳都循声望去）
（大器匆匆入，一睹榮川及冼妻那種情形，不禁有点愕然地呆了一下）
妻：（沒好氣地）做乜嘢呀？大器，
大：（吶々地）仲有乜嘢吖？呢，你老豆呀，幾十歲人頭髮都白晒啦，重想要娶鵑鳴做妾侍喎。 （榮川愧怒地盯了大器一眼）
大：（極力討好地）媽，咁你又無謂咁激氣，你如果唔應承，阿爹就話到尾都唔敢。
妻：哼！佢唔敢？佢已経静静使咗阿福同大叔两佪去帶鵑鳴返𠻗添嘍。
大：（向榮川）阿爹，咁你就唔啱叻，你唔應該瞞住阿媽咁撹法嘅，你⋯⋯
川：（大怒，發洩地）混帳，你居然話起老豆𠻗添？你成日只係識得詐老母嬌，咁大佪仔都唔識得搵錢，一味游手好閒，喺外边就嫖賭飲吹樣樣齊。
大：（被罵，一時不知所以地）嗯，嗯⋯⋯
妻：喂，你而家叫做拈佪仔𠻗出氣咁話咯噃？
川：（又低頭）咁，咁又唔係，你，你的確係縱得佢緊要的嘅，我想佢好嘅啫。
妻：（也為之語塞地）呀！
（大器低声不敢說話）
（秀鳳暗向大器窃笑）
（大器悻然盯秀鳳一眼）
（忽然門外大叔和阿福呼喝着鵑鳴，衆循外望）
（大門處，大叔和阿福拖着鵑鳴進來）
（鵑鳴還是帶雨梨花般的。
（榮川一見鵑鳴至，馬上站起，欲行前）
（冼妻怒目而視）
（榮川急站着不敢越雷池半步）
福：老爺，鵑鳴帶咗返𠻗嘍。
川：（暗望冼妻一眼，吶吶地）唔，你地⋯⋯
妻：（突然地）你地出去啦，留鵑鳴喺處得叻。
（大叔及阿福看勢色不對，忙應声行出）
鵑：（凄然地）冼老爺，我⋯⋯
妻：（堵截住）得叻，唔使講叻，秀鳳，你帶佢去我隔籬間房啦。
鳳：哦，（向鵑鳴）跟我𠻗啦。
（鵑鳴不知是禍是福地望着冼妻）
妻：你跟表姑娘去啦，萬大有我做主，你唔使驚嘅。
（鵑鳴無奈，低頭跟在秀鳳後面入內）
（榮川大感失望地望着鵑鳴的背影）
妻：喂，仲望乜嘢呀？
川：（尷尬地）冇我，我不過⋯⋯
（大器忍不住窃笑）
川：（怒斥）大器，躏出去。
（大器強忍笑行）
妻：（警告地）嗱，我話畀你知呀，你要鵑鳴𠻗做工填債係嗎？咁我就要佢做我嘅近身妹仔。
川：（駭然）吓？
妻：（質問地）吓吓吓乜嘢呀？唔得咩？
川：我，我冇話唔得。。
妻：（冷笑）哼！以後你死咗呢條心都得叻。
（榮川不知所措地暗暗嘆氣）
第三塲
景：冼家鵑鳴房連門外走廊
時：夜
人：鵑鳴、冼妻、冼大器、秀鳳、婢女。
（鵑鳴給秀鳳帶進房內，她滿面愁容她站着）
鳳：（指責她）喂，你仲苦口苦面做乜呀？你唔係你算行咗大運啰，如果唔係得太太救你，哼，我睇你重
慘呀。
（鵑鳴被責，忍不住又流淚）
鳳：哼，正一喊包𠻗。
（秀鳳說着，轉身向房外行）
（房外走廊上，大器正在鵑鳴的門外窺伺）
（秀鳳開門出，大器急忙欲避）
鳳：（叫住）喂，大器呀！
（大器站着尷尬地笑）
（秀鳳將門関上後，囬頭向大器笑着——）
鳳：（嘲諷地）哼！係唔係連你都生滋貓入咗眼呢？估唔到呢次老豆搵埋仔享福叻。
大：（多辯）喂，秀鳳，你咪乱講噃，你估我实係吼鵑鳴咩？
鳳：唔係你喺處做乜呀？
大：我，我不過喺處等阿媽返入𠻗，有事同佢商量之馬。
鳳：（嗤笑）係咩？
大：乜唔係呀？
鳳：（挪揄地）大器，你使乜詐諦吖，斥法唔瞞得過打锣嘅，畀的心機啦吓。
（秀鳳說着，帶笑而去）
（另一端，冼妻由婢女扶着行來）
（大器望見，即迎着前去）
妻：（愕然）咦，大器，你仲唔去瞓喺處做乜嘢呀？
大：冇嘢，我不過因為聼日想去搵佪朋友有的事，等你返入嚟同你X多少錢做使用之嗎。
妻：（簿責）又係X錢，唔怪得頭先你老豆話你嘅。
大：（涎着臉，攤開手）𠻗啦，媽，你又成日叫我出去搵吓朋友，正々経々搵的事做，咁我冇使用又奌去得呢？
（冼妻不言，伸手向衣袋內掏出一叠鈔票）
大：（一手將冼妻手中鈔票全部奪過來）就咁啦，仲数乜呢。
妻：唏，你真係吖，見錢就唔斬眼，怕你叻，快的去瞓啦。
大：哦，（得意地笑着）早抖叻，媽。
（冼妻又好氣又好笑地摇々頭，示意婢女扶她离去）
（大器見冼妻去了，点数一下手中鈔票，喜形於色地塞進袋中，然後舉步欲行，但忽又遲疑起來，向噍鳴
的房門注視着）
（房內，鵑鳴凄然地坐在床前涰泣）
（房門被推門，大器探頭進來望一下之後，跟着蹑足而入，軽軽掩上房門）
（鵑鳴驚覚地抬起頭望）
（大器軽々地舉步行近鵑鳴）
（鵑鳴不定地站起來）
大：（假慈悲地）鵑鳴，你咁伤心做乜呀？你睇你喊到，好似帶雨梨花咁，唔好喊啦。
（鵑鳴不理會，背轉身去，仍在涰泣）
（大器一想，伸手去搭在鵑鳴肩上）
（鵑鳴一驚，高声哭叫）
（大器大駭，急忙反身奔出）
第四塲
景：冼家後園連谷倉、米臼、柴房、後門。
時：日
人：柳成陰、杜鵑鳴、華秀鳳。
（成蔭挑着一担谷，由谷倉內出耒，至米臼處放下，将谷傾進米臼中，然後開始樁米）
（鵑鳴捧着一盆水経過，偶然抬頭發見成蔭，站住了）
蔭：（也望見鵑鳴，急離開米臼，行至鵑鳴處）鵑鳴，乜点解你会喺呢處㗎？
鵑：（給成蔭這一問，不禁淒然）就唔係因為我阿爹生前欠咗冼老爺一筆錢，而家要嚟同佢做工填債囉，
本來，冼老爺仲想廹我嫁畀佢做妾侍添㗎，好彩得太太救咗我咋，如果唔係，我呀我都已経跟埋我阿媽去
咯。
蔭：（惊疑地）哦？阿伯母——
鵑：佢死咗咯！
蔭：（難過地）哎！鵑鳴！估唔到我同埋你都係一樣命運嘅人，本來我就已経準備咗去天香城，搵我表叔
安超伯嘅叻，点知我阿媽最近又病起上嚟，所以我廹住嚟呢處捱住份牛工先嘅啫。
鵑：（惨然地）唉！縂之我地的窮人就係惨㗎啦。
（秀鳳由遠行近，見鵑鳴與成蔭談話，急前——）
鳳：（高声地）鵑鳴，你喺處做乜呀？
（鵑鳴一見秀鳳，怯然低頭）
鳳：（命令地）太太等住你倒水畀佢洗面㗎嗎，虾！你真係吖，喺處打牙較？快的返入去！
（鵑鳴急捧着那盆水，匆匆去了）
（成蔭望了秀鳳一眼，也轉身欲囬米臼去）
鳳：（溫言地）蔭哥！
蔭：（無奈止步，轉身）做乜嘢呀？
鳳：（討好地）乜你今朝咁早就嚟開工喞？
蔭：（淡然）鬼叫我窮，要打人地工咩？遅的返嚟容乜易炒魷魚㗎？
鳳：（行近成蔭身边（你今朝有冇食過嘢喞？蔭哥，如果冇，我去攞的嘢畀你唎？
蔭：多謝叻！
（成蔭說着，頭也不囬地又向米臼行了過去）
（秀鳳為之啼笑皆非）
第五塲
景：冼家大器房連門外走廊
時：日
人：冼大器、華秀鳳。
（大器在房中穿好衣服，準備外出）
（秀鳳自外推門入）
（大器見秀鳳，覚得奇怪）
鳳：（含笑地）咦！大器，乜咁早就預備出街？去边呀？
大：我去边處関你乜嘢事呀？
鳳：（嬌嗔地）虾！問吓都唔得咩！
大：唔使你問！又唔使你理，你要理就去理吓柳成蔭吧啦！
鳳：（頓足佯怒）你份人真係難相與嘅，人地梗係有原因至問你啦嗎，真係好心唔得好报呀！
大：（愕然）有乜嘢原因呀又？
鳳：（一本正経地）大器，你老实話畀我听，你係唔係真係鍾意鵑鳴？
大：你問嚟做乜嘢唧？
鳳：你答覆我先啦。
大：你講你嘅原因先啦！
鳳：（一想）又好，嗱！我話你知啦，原來鵑鳴同柳成蔭好々嘅唧，頭先我見倒佢地喺後園處密斟密斟，如果你係鐘意鵑鳴嘅，你就要想法子叻。
大：（恍然）哦！秀鳳，原來你係慌人地搶咗你佪柳成蔭就真。
鳳：（反問）咁你唔通又唔慌人地搶咗鵑鳴去咩？
大：秀鳳，我明白你嘅用意叻，你係想用激将法嚟激我出頭啫，係唔係吖？
鳳：（陰險地）大器，只要你有办法将佢地两佪拆開，咁我地即係一家便宜两家着啫。
大：（胸有成竹地）办法就有，不過你唔知贊唔贊成咘？
鳳：你有乜嘢办法呢？
大：我想法子趕成蔭走！
鳳：（愕然）吓？咁你——
大：你唔使大惊小怪住，嗱！我教你啦，等我趕走咗成蔭，然後你就向佢使銀弹政勢，帮忙成蔭觧決生活，咁佢就喺感激之餘咯喎，自然会對你好啦，咁就——
鳳：（贊成）呀，好呀，好呀，你呢佪办法的確使得，咁你幾時進行唧？
大：（一笑）話做就做，我即刻就進行。
鳳：咁快的啦！
大：（取笑地）睇吓你，心急成果佪樣？
（秀鳳一笑）
第六塲
景：冼家後園連谷倉、米臼染房及後門
時：日
人：柳成蔭、冼大器、杜鵑鳴。
（成蔭在辛苦地樁米，滿頭大汗，他稍息一下，抹去汗水之後，坐了下來）
（大器從一旁閃出）
蔭：（站起來招呼）大少爺！
大：（責罵）哼！叫你摏米你做乜坐咗喺處呀？偷懶咯咘？
蔭：（觧釋）唔係！我不過係啱々坐低抖吓之嗎！
大：虾！我喺處都唔知吼咗你幾耐嘅叻，柳成蔭，你咁蛇王边係打工㗎？你估我地的人工係便宜得番嚟嘅咩？日日係咁坐吓就算做工，你容乜易發達呀！
蔭：（委屈地）大少爺，你点可以含血噴人呀？我——
大：（憤怒）豈有此理吖，居然駁咀，仲闹我含血噴人添？你想炒魷魚都唔定叻！
蔭：（氣極）如果係要受埋呢的寃枉氣嘅，就算炒魷魚都唔使恨啦！
大：（乘机地）吖，你咁沙塵呀吓！好，咁你走啦，我地唔請呢的咁嘅蛇王友㗎！
蔭：（暴怒）哼！走唔係走！你两仔爺的刻薄法，你慌会好死嘅咩！
（I.S.鵑鳴偶從後園経過，聞声急進來）
（成蔭已含怒行向後門，拉開門，向外行出）
（大器見成蔭已去，得意地笑）
（鵑鳴茫然不安地站着）
大：（回頭）咦！鵑鳴！
（鵑鳴急忙囬身走避）
（大器縱声大笑）
第七塲
景：柳波巷成蔭家內外（門外附近有枯井）
時：日
人：柳成蔭、柳母、華秀鳳。
（成蔭垂頭喪氣地通過柳波巷，行至家門，推門入內）
（柳母坐着補衣服，見成蔭返大異——）
母：咦！成蔭！乜你今日咁早就返嚟呀？
蔭：（掩飾地）哦，係呀，媽，今日下晝休息呀！
母：（誤会地）休息咩？咁冼老爺待你都算唔錯咘，見你做得辛苦，畀你休息成半日。
蔭：（氣惱）哼！佢地都会待得人好嘅咩？媽，你都唔知，鵑鳴已経畀冼荣川捉咗去嘑，廹佢做工填債，
初初仲想廹鵑鳴嫁畀佢做妾侍添呀！
母：（惊嘆地）吓？原來佢地咁狼毒，咁冇人性㗎？唉！咁阿鵑鳴就惨咯，成蔭呀，你有冇見倒鵑鳴呀？
蔭：有，就唔係喺冼家見過佢啰。
（門被推開，秀鳳入）
（成蔭與柳母奇怪而望）
鳳：（行前）伯母，蔭哥！
母：哦，請坐啦，請坐啦！
（柳母說着，捧起針線盒离開）
蔭：（悻然地）表姑娘，有乜貴幹呀？
鳳：（故作同情地）蔭哥，頭先我至知道你走咗，我聼見大器咁待你，佪心都唔知幾難過，其实大器呢種人，剩係識得作威作福嘅，你又何必同佢拗氣呢？
蔭：（冷笑）哼！我唔係要同佢拗氣，我不過唔想受的寃枉氣啫，你估我係要喺佢處打工嘅咩？ 鳳：蔭哥，咁你以後点唧？
蔭：天生人，天養人，你慌会餓得死咩？
鳳：雖然係，不過目前你都要食飯㗎？而且我聼見話伯母嘅病仲未好番晒嘅，咁樣——（說着取出数張紙
幣來，遞給成蔭）嗱！蔭哥，呢的錢，你使住先啦！
蔭：（不受）多謝你嘅好意叻，無功不受祿，我唔敢要你嘅錢。
鳳：（嬌嗔地）虾！人地一番心事嚟為你，你都唔領人地嘅心事嘅！
蔭：我心領叻，表姑娘，我地呢的咁嘅地方，我唔想多留你叻，而且我仲有的事要出街，如果你唔得閒嘅
，唔好客氣叻！
鳳：（惱羞成怒地）咦！你而家即係下逐客令咁話咯噃？
（成蔭背轉身不理）
（秀鳳氣結，頓足憤然出門）
第八塲
景：冼家冼妻房連走廊
時：日
人：杜鵑鳴、冼妻、華秀鳳。
（秀鳳由冼妻房內出，忽見鵑鳴捧着一盅燉品，用托盤盛着出來）
（秀鳳陰陰地一笑，閃身躲在門边）
（鵑鳴已将行近）
（秀鳳故意匆匆迎面向鵑鳴撞去）
（鵑鳴手中燉品滿地）
鵑：（惊叫）哎吔！
鳳：（首先發作）哼！你佪衰野吖，食嘢唔做嘢，做嘢打爛嘢！行路又唔帶眼，你将太太的燕窩打瀉晒，
你梗係想煎皮都唔定叻！
鵑：（張惶地）表始娘，係，係你⋯⋯
鳳：（兇狠地）哎吔！你佪死妹釘吖！而家你叫做賴我咯咘！好，我秤你入去見太太至得！
（秀鳳說着，不由分說地便一把将鵑鳴扯着，往房門走去）
（房內）
（冼妻坐着，見門推開，即閃——）
妻：鵑鳴，乜叫你去拈的燕窩嚟我食，拈到而家都仲未拈嚟㗎？
（秀鳳得意地冷笑，将鵑鳴推向冼妻前）
（鵑鳴将惶萬状，低頭不敢仰視冼妻）
妻：（不滿地）哼！鵑鳴，你做乜呀！我問你的燕窩点呀？
鵑：（嗫嚅地）太太，我，我——
妻：（氣惱地）虾！你撞鬼咩？做乜我嚟我去都講唔出声嘅唧？
鳳：（撥火地）姨媽，你的燕窩要燉過至有得食嘑！
妻：（愕然）点觧呀？
鳳：（冷冷地）点觧喎，佢成盅倒晒落地嘑！
妻：（勃然地）唏！你佪嘢吖，咁失魂魚都有嘅！你知唔知呀？的燕窩好貴嘅咘！
（鵑鳴有寃無處訴地低着頭）
鳳：（挑撥地）姨媽，呢的咁嘅人，正一係爛泥唔扶得上壁嘅，你就話好心可憐佢，叫佢做的幼細工夫啦
，点知道佢就粗手粗脚嘅，咁啦，姨媽，橫掂而家成蔭又走咗叻，不如叫佢去做成蔭果的工夫吧啦！
（鵑鳴失惊欲語）
妻：好啦，鵑鳴，你由听日負責去樁米同埋打掃米倉啦。
鵑：（淒然）太々，我⋯⋯
鳳：（得意地斥喝）仲講乜嘢吖，快的出去執咗的爛嘢添咘！
（鵑鳴淒然流淚，低頭行出）
第九塲
景：冼家後院連谷倉、柴房門口、米臼。
時：夜
人：杜鵑鳴、華秀鳳、冼荣川、冼妻、冼大器、大叔、阿福、婢女。
（米臼的茅棚頂上，吊着一盞火油燈）
（鵑鳴仍在清掃米臼上的工作，她已経累得精神憔悴）
（两只空箩中，已傾滿了米）
（鵑鳴非常吃力地担起那担米，步履維艱地向谷倉走去）
（鵑鳴在谷倉裡放下那担米之後，已経喘息不停地）
（地上無碎的碎米，鵑鳴怔々地望着，想了一下，馬上蹲下來，用手把米碎掃好，然後取了一片小蔴布，
把米碎包好）
（谷倉外，秀鳳在窺伺鵑鳴）
（鵑鳴欣然捧起那包米碎，行出米倉外）
（谷倉外，鵑鳴由倉內出，站着思量）
鵑：（低声自語）唔，趁而家冇人見倒，等我将呢地脚米即刻拈去畀阿蔭哥至得。
（鵑鳴說着，急急舉步向後門走去）
（O.S.秀鳳笑声）
（鵑鳴聞声，駭然站住囬頭望）
（秀鳳已帶笑行來）
（鵑鳴張惶失措）
鳳：（斥問）你手處揸住的你乜嘢嚟？
鵑：（吶吶地）表姑娘，我⋯⋯
鳳：（大喝）的乜嘢嚟？畀我睇吓！
（鵑鳴更惊，下意識地把那包米往身後收藏——）
鵑：（戦慄地）表姑娘，冇，冇嘢唎，呢包不過係——
鳳：（冷笑）哼！睇你佪鬼樣，鬼鬼祟祟咁，你慌重有唔係偷咗的嘢，預備由後門鬆咗出去咩？好，你唔畀我睇，等我叫人嚟鎖起你至得！（說着高声大叫）喂！有賊呀！嚟呀！捉賊呀！
鵑：（惊得欲哭地）哎吔！唔好叫呀，我，我唔係偷嘢呀！
鳳：（不理会鵑鳴，綶续大叫）有賊呀！捉賊呀！——
（O.S.一陣什乱步声與及人声傳來）
（鵑鳴惊得哭出声來了）
（荣川、冼妻、大器、大叔、阿福等一干人張惶喧嚷着提燈搜索而來）
福：（一馬當先地）表姑娘，賊呢？喺边處呀？
衆：（什乱地）係啰，喺边處呀？係唔係走咗嘑？
鳳：係叻，佢偷嘢！而家仲揸住喺手嚟，姨丈，拉佢啦我我人賍並獲叻！
大：（行前）鵑鳴，你⋯⋯
川：係啰，鵑鳴，乜你⋯⋯
妻：（大喝）你两仔爺都行開（斥問）鵑鳴！你都算抵死嘑，唔通你冇良心嘅？你挣我地錢，冇得還，就
叫做工填債，已経對你仁至義尽嘅啦，虾！估唔到你賊性不改，思将仇报，居然偷嘢！
鵑：（哭着声辯）太々！唔好寃枉我呀！我不過見倒米倉成地都係米碎，以為你地梗唔要嘅咯，所以我至
攞嘅啫。
鳳：（斥駡地）哼！你真係講得好听叻，唔要你都敢講，銀舖處够大把銀㨈喺處咯，你又唔去攞？姨媽呀，無謂激氣叻，一於惩罰吓佢啦！
妻：好啦，秀鳳，你即刻拉佢去柴房鎖住佢！
鳳：哦！
（鵑鳴嚇得把手裡那包米也跌下來，連忙扑的跪倒冼妻脚下哀求——）
鵑：（哭着）太太，請你饒恕我一次啦，下次我唔敢咯。
川：（吶吶地）係啰，一次咁多由得佢啦，最多下次——
妻：（大怒）乜話！
（荣川被斥，馬上噤如寒蝉）
妻：秀鳳，秤佢去！
（秀鳳应着，馬上将鵑鳴执着，向柴房行去）
妻：（向荣川）我話畀你知呀，我点樣處置鵑鳴，問我都唔准你問呀！知道嗎？
川：（低頭）知道咯，太太。
妻：跟我返入去。
（冼妻說着，示意婢女掺扶她行，荣川垂頭喪氣跟在後面）
（柴房內，鵑鳴坐在地上，凄然掩面哭泣）
（秀鳳自鳴得意地望着鵑鳴冷笑一陣，然後轉身行出門外去）
（柴房門外，秀鳳関上門，並在門上扣上鎖，鎖好門之後，㧱了鎖匙才又一笑而去）
（後園一⻆，秀鳳行過，大器突從暗處閃出）
鳳：（乍然失惊）哎吔——（望見大器，責罵地）真係衰嘅唧？想嚇死人咩，人人都返晒去咯，你重喺處
做乜嘢呀！
大：（X臉地）我等你咯。
鳳：（惑然）等我？等我做乜唧？
大：呢件事你应該先同我商量吓呀馬？
鳳：商量乜嘢呀？咁而家唔係益咗你添，嗱，亜姨媽又听你話嘅，咁你同佢講佢好話，佢就会多得你喇馬。
大：（思索）唔，同阿媽講？都係唔好叻，不如⋯⋯（四顧一下，低声神秘地）你将條鎖匙交畀我得唔得？
（秀鳳茫然地望着大器我）
大：（低声帶笑）望住我做乜唧？你唔明白我嘅用意咩？
（秀鳳還是茫然地摇々頭）
（大器於是向秀鳳耳語一番）
鳳：（恍然笑責地）哦！原來你想食天鵝肉，不過我怕唔多妥咘，大器。
大：（狡笑着）点会唔妥唧，你放心啦，只要我得咗手，你就唔使担心柳成蔭仲会鍾意鵑鳴啦嗎，你知啦，男人就梗係最棹忌呢首嘢嘅嗎，帶埋件綠帽嚟裝嫁，边佪制呀！
鳳：（猶豫地）咁樣？
大：唔使惗叻，你好我好嘅啫！
鳳：（决然地）又好，不過你千祈要小心的至好呀，（說着将條鎖匙交給大器）
大：（接過鎖匙）你定的啦（說着，得意非常地向柴房行去）
91柴房內，鵑鳴哀哭猶未止）
（O.S.開鎖声）
（鵑鳴奇怪地注視着門前）
（門開，大器閃身入，順手将門虛掩）
鵑：（發見大器，駭然張惶，質問地）你，你嚟做乜嘢呀？
大：（行前，故作緊張神秘地）殊！咪咁大声，我係嚟放你㗎。
鵑：（疑惑）你放我？
大：係，我放你走，不過——
（大器說着，乘鵑鳴不覺，突将之搂抱在懷中）
（鵑鳴大駭，拼命挣扎，張口欲叫）
（大器急按住鵑鳴的口）
（鵑鳴挣扎中，給大器按倒在地上，於是二人在地上打起滾來）
（大器兇性大發，恐怕鵑鳴叫喊，一手抓了些稻草之類東西，往她的口裡塞進去）
（鵑鳴手也向四边乱抓，突然，她的手接触着一根粗大的木柴，她抓在手中，狠狠地向大器迎頭擊下）
（大器給擊了一下，馬上倒卧地上）
（鵑鳴急忙爬起身來，她在急喘，她的衣服已経給扯破了一部份，她低頭去看地上的大器）
（大器的頭上，血涔々下）
（鵑鳴震慄非常，險些失声叫出來）
鵑：（低声戦慄地）吓？唔通佢死咗？
（鵑鳴說着，囬身望見虛掩的門，馬上向門外狂奔而出）
（柴房外，鵑鳴自內沖出，她已経忘形地不顧一切，拼命向後門奔去）
（後門，鵑鳴奔至，匆匆開了，如狂地走出去了）
（柴房外，秀鳳蹑足行來，乍見門洞開，大惊）
（秀鳳急步至門前）
（O.S.大器在柴房內發出呻吟声）
鳳：（更惊，低声叫）大器，大器！
（大器一隻手按住傷口，蹣跚而出）
鳳：（惊惶地）大器，你点觧⋯⋯
大：鵑鳴走咗呀。
鳳：（失色）咁点呢？
大：你扶我返去先，我地話發見有人嚟救佢，我去追畀佢打傷咁就得啦，你快的扶我入去啦。
鳳：（況吟地）哼！佢一定走咗去柳成蔭處嘅叻。
大：冇錯叻，我地入去即刻派人去追。
（秀鳳点々頭，即扶大器行）
第十塲
景：柳波巷柳家內外連天井
時：夜
人：杜鵑鳴、柳成蔭、柳母、冼榮川、大叔、阿福。
（鵑鳴在巷內走着）
（O.S.什乱步声傳來）
（鵑鳴大惊，囬頭望）
（巷的遠處，榮川領着大叔及阿福追來）
（鵑鳴駭然發足狂奔）
（柳家內：成蔭正在侍母就寢）
（O.S.緊急叩門声）
母：（駭然低声地）咦！做乜野呢？
蔭：等我去睇吓！（說着轉身欲行）
（門給踼開了，榮川領着大叔及阿福衝入來）
（成蔭及柳母都為之惊愕不已）
川：（厲声斥問）柳成蔭，杜鵑鳴係边處？
蔭：（愕然）杜鵑鳴？佢唔係喺你屋企咩？
川：（憤然斥罵）哼！你扮儍都扮得幾似嘅噃，杜鵑鳴梗係呢埋呢處嘅，精々地你快將佢交番出嚟，如果唔係，我連你都拉埋去見官，告你一状嘅噃！
蔭：（又惊又急地）冼老爺，我地真係冇見過佢噃！
母：（戦慄地）冼老爺，鵑鳴冇嚟過我地處呀，唔信你可以搜查吓吖！
川：（疑信半参地）好，阿福，你搜查吓！
（阿福應声，與大叔分頭去）
（川义手站立，縱目四顧）
（柳母惊得渾身抖索）
蔭：（行近母）媽，你使乜惊啫，我地又唔係收埋鵑鳴係處！
川：（冷笑）哼！成蔭，你咪咁口硬，除非搜唔到佢，如果搜到佢出嚟，我睇你斬怕要坐下花厛。
福：（由一角行前）老爺，唔見噃！
（川重々地哼一声）
叔：（由另一角行前）老爺，搵唔到噃！
川：（悻然思索一陣，質問地）成蔭，鵑鳴真係冇嚟過？
蔭：（憤然）你地搜過都使問我！
川：（警告地）嗱！我話你知呀！你咪以為就咁就可以過得骨呀！就算你冇收埋佢，但係以後佢如果嚟，你都要去报告比我知呀！
（蔭不置答）
川：（對大叔及福）我地走！
（川說着領前走出門外，大叔及阿福隨着去了）
（蔭惘然不安地在沉思）
母：成蔭，你想乜野啫？快去閂番度門啦！
蔭：（戚然地）媽，我担心鵑鳴唔知点啫，佢梗係喺冼家走左出嚟嘅叻，照道理佢就梗係嚟我處多嘅叻，
但係佢又真係冇嚟，唔知佢走左去边呢？
（屋外，枯井石欄边，鵑鳴的手伸上，接着由枯井內爬出來，她四顧無人，馬上向柳家門內奔入）
（鵑鳴由門外奔入屋內）
蔭：（發現，惊喜地）鵑鳴！
鵑：蔭哥！（已忍不住淚如泉湧，撲到成蔭跟前）
（成蔭情不自禁地將鵑鳴抱着）
（鵑鳴也忘形地伏在成蔭懷中低声啜泣）
母：（成蔭，你快的去閂埋度門先啦！唔知佢地走左未㗎！
（蔭這才如夢初覺地，軽々推開鵑鳴，過去開門）
母：（憐愛地）鵑鳴，你点觧会走出嚟㗎？
（鵑鳴聞語，又感觸而哭）
蔭：（行近）媽，你唔好問佢呢的野住叻，照而家情形嚟睇，我地大家都係唔能够再喺呢處嘅叻，不如就趁机会出去天香城搵阿安表叔吧啦！
母：（沉吟地）唔！都好嘅！最怕听日冼老爺佢又試嚟到就弊嘅叻！
蔭：（决然）我地漏夜走，鵑鳴，你幚手执野啦！
（鵑鳴惘然無主地点々頭）
第十一塲
景：山嶺及大樹下
時：晨
人：杜鵑鳴、柳成蔭、柳母
（山嶺，成蔭背着柳母在前行，鵑鳴挽着包袱跟着後面）
（两人的脚在斜坡上踏着）
（鵑鳴不安地，不断囬顧）
（成蔭背着柳母，和鵑鳴行至大樹下）
母：成蔭，你放低我抖吓先啦！
蔭：哦！
（成蔭放下柳母，鵑鳴急把色袱給柳母墊着坐下）
（鵑鳴還是不安地囬顧着）
蔭：（安慰地）鵑鳴，你唔使失々慌嘅叻，佢地而家就点都唔追得到我地嘅叻！
（鵑鳴嘆一口氣，忍不住又黯然垂淚）
母：咦，鵑鳴，你做乜又試喊啫？
鵑：（嗚咽地）伯母，為左我連累埋你地，我佪心好難過。
蔭：咪咁儍啦！你講呢的野做乜呢？我唔係早就同你講過，話預備去天香城搵安表叔嘅咯！
鵑：雖然係啫，不過呢次你地的確因為我至會漏雨起程嘅！
蔭：哎！縂之你無謂胡思乱想係啦！我地既然預備去咯，遲的同早的有乜関係呢？你放心，去到搵到安表叔，就乜野都觧决嘅啦！
（鵑鳴感激地望着成蔭）
蔭：好咯，我地行咯！
（蔭說着，又背起柳母行）
（鵑鳴把包袱挽起跟着成蔭）
第十二塲
景：木屋區安家連門外街道
時：日
人：安超伯、柳成蔭、柳母、杜鵑鳴、牛哥。
（超伯在門前整理售賣牛什的担子）
（牛哥拖着手車経過）
牛：（招呼）超伯，開檔哪？
伯：（抬頭笑着）係呀，牛哥、你都去開工叻，唔通我仲唔出去開檔咩！
（牛哥一笑，拖車自去）
（超伯仍然低頭整理担子）
（街道的一边，成蔭扶着柳母和鵑鳴行來）
（成蔭舉頭四顧找尋，突然發見地）
蔭：（大喜）媽呀！）指示着）你睇吓，果佪唔係安表叔！？
母：（望過去）係呀！係呀！
蔭：（高声叫）表叔，表叔呀！
（超伯聞声抬頭望）
（成蔭已和柳母、鵑鳴行至門前）
伯：（惊喜地）啊！成蔭，表嫂，你地嚟哪？
蔭、母：（同時地）係呀！
（超伯急放下手边工作，推開門）
伯：人嚟坐，人嚟坐！
（屋內，超伯引成蔭及柳母、鵑鳴入）
（超伯拉過一張椅子來，成蔭扶母坐下，鵑鳴也上前协助）
伯：（注視鵑鳴）成蔭，乜你幾時結左婚㗎？
蔭：（愕然）吓？表叔，你——
伯：（指一下鵑鳴）我問你幾時娶左老婆呀？
（鵑鳴羞得連忙低頭）
（成蔭也尷尬不堪）
母：（忙觧釋）唔係呀！表叔，呢佪係我地鄉下嘅世好嚟嘅咋，佢——
伯：（也尷尬地笑着）哦！我誤会左添，成蔭，你又唔同我介紹，咁我唔係以為——
蔭：（囁喘地）佢叫做杜鵑鳴，（向鵑）你都跟我叫佢做表叔啦！
鵑：（含羞地）表叔！
伯：（歉然地）鵑鳴，我地的伯爺公，有時候糊塗的嘅叻，你唔好見怪呀吓！
（鵑鳴尷尬一笑摇頭）
蔭：（表叔，我地呢次一齊出嚟，实在意想唔到嘅，鵑鳴因為喺鄉下比人虾到絶，欠落人地一筆債，搞到做牛做馬不特已，重要受人凌辱添，所以我同阿媽惟有叫佢同埋我地一斉出嚟啦！
母：係咯！表叔，而家我地三佪人嚟左，唔知会唔会太滾搞你呢？
伯：表嫂，我呢份人嘅脾氣你都唔係唔知嘅啦，可惜我嘅環境又唔係好嘅啫，如果唔係，我早就去接你地出嚟城住添嘅叻！
蔭：哦，咁以後嘅生活——
伯：唓！咁又唔使憂，你咁後生，有氣有力，你慌搵唔到两飱咩？
蔭：雖然係啫，但係我人生路不熟，搵工做都唔容易㗎？你而家嘅生意做得好唔好呀？不如我幚吓你手啦！
伯：（摇頭）我呢檔生意真係笑大人佪口，係我幾十歲人做就啱啫，你——（打量着成蔭）我睇都可以跟
牛哥去拉吓車仔嘅！（轉望鵑鳴）佢，就可以想法子叫人介紹吓 ，等佢接的工夫返嚟屋企做，或者釘吓鈕呢，黏吓紙花呀，咁，縂之唔憂搵唔到飯食嘅，只要肯做就得嘅叻！
蔭：（大喜）点会有工夫唔肯做嘅啫！
母：係咯，唔做野就梗係冇飯食嘅啦！
伯：咁就乜都觧决啦！嗯，我呢處地方就小小地，入便間房就比表嫂同鵑鳴住啦！
母：咁你呢？表叔！
伯：我同成蔭瞓厛啦！朝拆晚抗唔係得咯，成蔭，你帮手执好間房先啦！
（超伯說着，引成蔭入內）
（柳母與鵑鳴安然地相顧而笑）
第十三塲
景：安家、街道、紙花店。
時：日
人：柳成蔭、鵑鳴、安超伯、柳母、牛哥、店伴、乘客。
（MONTAGE）
（超伯帶鵑鳴進入紙花店，向店伴交涉，領取製花原料行出）
（街道上，成蔭與牛哥各拉一輛手車在兜生意）
（安家內，鵑鳴和柳母對坐製紙花）
（街道上，成蔭載一乘客飛馳）
第十四塲
景：安家內
時：夜
人：安超伯、柳成蔭、杜鵑鳴、柳母、牛哥。
（厛中桌上已摆好三四款菜色，也放着一瓶酒）
（柳母和超伯坐着）
（鵑鳴則在門前向外望）
伯：（望了鵑鳴一眼之後，低声笑着）表嫂，你睇吓鵑鳴，佢望成蔭返嚟望到頚都長咯！
（柳母也為之笑起來）
鵑：（突然高興地叫着）呀！返嚟叻，返嚟叻！
母：哦，咁你去開飯出嚟啦！成蔭同阿牛哥做左成日，梗係好肚餓嘅叻！
（鵑鳴感着入內）
（門前，牛哥入）
伯：牛哥，成蔭呢？
牛：佢就返嚟嘅叻，佢今日多做幾輪生意，交車交得遲的。
母：咁你坐下飲杯茶先啦！
牛：得咯，唔使客氣咯伯母，我自己会嘅叻，（向超伯）超伯呀，点今日忽然会係要我嚟食飯嘅呢？係唔
係你生日呀！
伯：（微笑摇頭）唔係！
牛：唔係？（望一下飯桌）超伯，你地梗係有事嘅。
伯：（神秘地）事就梗係有事啦，你唔使心急，一陣你自己会知道嘅叻！
牛：伯母！究竟乜野呀！？佢咁神秘嘅！
母：我都唔知表叔究竟乜野葫芦入乜野葯，我問佢，佢就只係話慶祝吓成蔭有野做，搵到錢喎！ （超伯仍在神秘地笑）
（鵑鳴已盛好飯出來，一望，奇怪地）
鵑：牛哥，乜蔭哥呢？
牛：佢——
（門前，成蔭入）
牛：返叻！
伯：（馬上行近桌前）呢，食飯，食飯！（說着拉牛哥入座）
蔭：（上前扶母）媽，我扶你埋去啦！
（柳母点々頭，蔭扶她入座）
（鵑鳴取毛巾來，遞給成蔭）
鵑：蔭哥，抹下面先啦！
蔭：（望鵑鳴一笑，接過毛巾）唔該！
（超伯一边斟酒，一边說）
伯：鵑鳴，你都坐低啦！
鵑：哦，等我同蔭哥掛番條毛巾先啦！
伯：得叻，慢々先啦，你想服侍成蔭啫，有成世咁長比你服侍。
鵑：（嬌羞嗔叫）唔，佪嗰表叔吖，剩係拈人地嚟講笑嘅，我唔制呀！
（柳母、牛哥也失笑）
（成蔭望々鵑鳴，也尷尬起來）
（鵑鳴垂頭及X）
伯：（帶笑）牛哥，你頭先想知道我為乜野請食飯呀？而家就可以揭盅叻！
（衆皆注視超伯）
伯：（呷一口酒，慢條斯理地）呢飱飯、我係想同鵑鳴、成蔭佢两佪做媒人嘅，表嫂，我相信你都唔反對
佢两佪結婚㗎？
母：嗯，我——（望々鵑鳴）
（鵑鳴羞極，急反身避入內）
蔭：（不自覺的）鵑鳴，鵑鳴——
伯：成蔭，由佢啦！一陣我會叫佢返出嚟嘅叻，表嫂，你講埋你嘅意見先！
母：表叔，我唔怕老实同你講，其实我就早有咁想嘅叻！不過稔落而家我地咁嘅環境，边有錢嚟使吖！
伯：嗨！呢層你一的都唔使担心，而家我斟緊過埠佪件事，已経有九成九嘅叻，只要一成功，我就可以支
一筆上期，佪陣唔係有咯！何況只要你老人家答應，佢地後生仔又双方同意，使用嘅野好閑嘅啫，多有多
使，小有小使之嗎，你話係嗎？牛哥！
牛：係！（笑着）咦，超伯，咁你呢佪媒人認真做唔過噃，乜都蝕埋，咁豈不是將來佪封媒人利是，都要
你自己比自己！
（超伯聞言大笑）
（柳母及牛哥亦笑）
（只有成蔭不知所可地，他下意識地向內一望）
（鵑鳴原來站在甬道上，見蔭望過來，忙閃入內）
第十五塲
景：木屋區安家連門外街道
時：日
人：杜鵑鳴、柳成蔭、柳母、安超伯。
（門的两旁，還貼着相當新的喜联）
（距离門內不遠，摆着一張香案，柳母跪在地上叩拜當天）
（屋內，放在一角有两三件行李，成蔭和鵑鳴在打点着）
（鵑鳴看柳母叩拜完畢，即過去把她扶起來）
（超伯穿着整斉，從內出）
蔭：（迎前）表叔，可以去得未呀？
伯：得嘅咯！（行向柳母）表嫂，我去啦！你保重呀！
母：（依々地）表叔，視你一路順風！
（超伯点々頭，轉向成蔭及鳴）
伯：成蔭、鵑鳴，而家你地已経成為夫婦叻，以後應該更加恩爱至係呀！
（蔭與鵑唯々應諾）
伯：嗯，本來我係有好多說話同你地講嘅，但係而家我又唔知道由边處講起，縂而言之，以後你地要和々氣々，乜野事都要坦白相對，乜野事都要坦白互相体諒就係叻！
蔭：表叔，你嘅教訓，我永遠都唔会忘記嘅！
伯：唔！表嫂，我去啦吓！
母：表叔，你一到步，好即刻寫信返嚟我地咯噃！
伯：梗係啦！
（成蔭轉身替超伯挽行李行出）
母：鵑鳴，你扶我送表叔啦！
伯：（阻止）唔使叻表嫂，鵑鳴，你都唔好出嚟叻，係處陪阿媽吧啦！
鵑：表叔，我地就係門口送吓你啦！
（超伯無奈，点々頭）
（鵑鳴扶着柳母隨着超伯行出門外）
（門外街道，成蔭把超伯的行李都放在自己的手車上）
蔭：（見超伯出）表叔，你上車啦，我拉你出去碼頭啦！
伯：成蔭，你——
蔭：表叔，你仲同我客氣？破例你都要坐一次啦！
（超伯無奈，一笑上車）
母、鵑：（同時地）表叔，坐穩船呀！
（超伯含笑点々頭）
（成蔭拖起車子向前行）
（超伯轉頭向柳母及鵑鳴揮手）
（鵑鳴及柳母也掸手目送超伯乘成蔭的車遠去）
第十六塲
景：安家、街道、紙花店、留產院門前
時：日
人：柳成蔭、柳母、杜鵑鳴、店伴、途人等。
（MONTAGE）
（街道上，成蔭辛苦地拉着手車載客，鏡頭摇下見車輪疾轉）
（以下畫面，叠在疾轉的車輪中）
（鵑鳴把做好的一大紮紙花，送交紙花店）
（安家內，成蔭購了食物囬來，分給柳母和鵑鳴，鵑鳴親热地把一份送到成蔭口中，柳母看着，笑逐顏開）
（鵑鳴腹部隆起，在縫製嬰兒衣服，成蔭在旁㧱起來看，心花怒放）
（疾轉中的車輪漸慢，跟着停下來，鏡頭摇上，見成蔭正把鵑鳴扶下車，她的手裡還提着一佪包袱，他扶她行進留產所的門口）
（特寫，留產院的招牌）
第十七塲
景：安家內
時：日
人：柳成蔭、杜鵑鳴、柳母、笑鵑（嬰兒）。
（柳母笑容滿面地抱着少娟在懷中）
（鵑鳴和成蔭伴在柳母左右）
蔭：媽，你話佢生得似唔似鵑鳴呢？
母：（笑着）似，成佪餅印咁㗎！
鵑：係呢，蔭哥，你都未同佢安佪名噃！
蔭：（想一陣）呀，佢咁似你，唔啱就叫佢做少鵑啦，媽，你話好唔好呀？
母：好！（𢭃着嬰兒說話）X，少鵑呀，X！
蔭：（滿懷高興地）而家我地多左佪人咯，以後我要博命贃多的錢嘅叻，我希望将來少鵑肥奪々，白雪々
咁就好玩咯啊！
鵑：（点頭微笑）蔭哥，不過你都要顧住自己身子，唔好太博命呀！
蔭：（笑着安慰地）我識嘅叻，你估我真係用命博咩？我不過係形容之馬！
（鵑鳴放心的一笑）
第十八塲
景：冼家大門口
時：日
人：華秀鳳、大叔、阿福、三数僕人、兵丁数人、鄉人甲、乙、丙、丁等若干人。
（数兵丁把秀鳳、大叔、阿福及三数僕人由門內遂出來）
（門外圍着若干鄉人在看热鬧似的）
（兵丁在門前用木条把門釘封）
（秀鳳挽着佪包袱，愁容滿面地㨈出人群外）
（鄉人們議論紛々）
甲：冼家生佪咁嘅敗家仔，將全付身家都賭光敗光，真係想唔到咯啊！
乙：哼！冼大器呢佪野，真係唔使恨㗎，冼老爺两公婆監生比佢激死左仲唔算，搞到連屋都封埋。
丙：唓！封屋又点関事呀冼大器喺賭場處賭輸左冇錢比，同人打交打死人咋！
丁：係呀！听見話佢走左路噃，唔知拉唔到佢呢？
甲：边度拉得到吖！
乙：縂之冼家都係做得刻薄野多喺啦！呢的就係报應叻！
（秀鳳在人叢外听了一會，低頭急步而去）
第十九塲
景：碼頭
時：日
人：柳成蔭、華秀鳳、男女路人及其他。
（輪渡泊岸，乘客紛々踏上碼頭）
（成蔭拖着手車，在碼頭附近兜接生意）
（秀鳳由碼頭行出）
（成蔭似有所覺地注視一下，見為秀鳳，即轉身拖車行）
（秀鳳已看見成蔭，追着上前，边走边叫——）
鳳：蔭哥！蔭哥！
（成蔭無奈停下，秀鳳挽着包袱走過來）
鳳：（意外地）蔭哥，我真係估唔到一上碼頭就見倒你！
蔭：（冷然地）表姑娘，乜你出嚟行吓咩？
鳳：（黯然）哎！有咁開心就好咯，冼家已経家破人亡啦，大器敗晒付身家，將老豆老母都激死埋。
蔭：（駭異）哦！？
鳳：間屋又比官府封左，所以我至出嚟天香城咋，蔭哥！（歉然地）過去我真係對你唔住，我——
蔭：（截止）過去嘅事都過去咗咯，仲提嚟做乜吖！
鳳：（淒然）蔭哥，我嚟到呢度正所謂舉目無親，我希望你能够原諒我過去嘅過失，因為，我想請求你暫
時招呼住三两日先啫！
（成蔭摇々頭）
鳳：蔭哥，你——
蔭：我唔係唔肯，你知啦，我而家都係要靠拉車嚟搵食，又点可以有資格招呼你呢！
鳳：（哀求）蔭哥，我唔係要你点樣招呼我，我都仲有多少錢係身嘅，我不過想係你處住々先啫，咁你都
唔肯做吓好心可憐我？
（成蔭低頭矛盾）
鳳：蔭哥，你就算点都可憐吓我啦！
蔭：（無奈地）好啦，（放下車子）你坐上去啦！
（秀鳳欣然上車）
（成蔭拉着車子開步飛奔）
第二十塲
景：安家內
時：日
人：柳成蔭、杜鵑鳴、柳母、華秀鳳、少鵑（一歲）。
（柳母抱着少鵑𢭃她玩耍）
（鵑鳴挽了餸菜自外入）
母：鵑鳴，你快的煮飯啦！唔係成蔭就返嚟食飯嘅啦！
（鵑鳴應着，趋前𢭃了少鵑一陣，即挽了餸菜入）
（成蔭偕秀鳳自外入）
母：（望見，愕爭）咦！
（秀鳳放下包袱，热烈地趋前）
鳳：伯母，認得我嗎？
（柳母不知是惊是恨地望着成蔭）
蔭：媽，鵑鳴呢？
母：啱々買餸返嚟，入左去煮飯！
蔭：（高声叫）鵑鳴，鵑鳴！
鵑：（應着，軽快地自由出，但一見秀鳳，即愕然）哦，蔭哥，乜你會同佢返嚟㗎？
蔭：我喺碼頭處見到佢嘅，佢話冼老爺已経家破人亡，佢出嚟搵事做，冇地方住，暫時喺我地處住三两日
喎。
鵑：（更不安心）哦，佢喺處住？
鳳：（行前）鵑鳴，你係唔係重記住我過去嘅錯處呢？而家我都已経落魄成咁咯！希望你不念舊悪，原諒
我啦！
鵑：（不知所言）嗯⋯⋯
鳳：而且我相信亦都唔会打搞你地好耐嘅，我已経立左心乜野都做嘅咯！只要一搵到工，我馬上就扯嘅
咯！
鵑：（無奈地）既然蔭哥應承你，我當然冇理由反對，不過——
蔭：鵑鳴，你去煮飯先啦，乜野都留番一陣至講啦！
（鵑鳴点々頭，又轉身入內）
第二十一塲
景：安家鵑鳴房
時：夜
人：杜鵑鳴、柳成蔭、少鵑（一歲）
（房中的桌上，点着一盞火水灯）
（床前，鵑鳴坐在床沿噢咻少鵑睡眠）
（成蔭自外入）
鵑：蔭哥，秀鳳仲未返嚟咩？
蔭：係唎，唔知点觧佢咁夜都未返呢？或者去搵工都唔家喇！
鵑：（嘆一口氣）唉，蔭哥，唔知点觧，自從嚟左之後，我佪心就冇時得安樂嘅，我硬係形住佢將來又唔
知搞出的乜野事咁嘅！
蔭：（安慰地）鵑鳴，我相信唔会嘅，或者你係過份憂慮嘅喈，冇錯秀鳳過去所做嘅野係唔好，不過佢既
决心改過自新咯，仲会搞是搞非咩！
鵑：（忐忑地）講就係咁講，但係我始終都唔放心嘅。
蔭：鵑鳴，你記得表叔時々教我地嗎？佢話做人只要對得住良心就乜都唔使計較嘅叻！
鵑：係嘅，表叔都時々話，寧人負我，我不負人！
蔭：（欣然）鵑鳴，冇錯叻，咁就啱叻！
（鵑鳴感動地望着蔭，蔭也报甜蜜的一笑）
第二十二塲
景：街道連福記荐人館檔口
時：日
人：柳成蔭、三嬸。
（成蔭在街道上，拉着手車走過，偶然望見荐人館處掛着很多招請工人的紙條）
（成蔭一想，就在路边放下手車，行至檔口前）
（三嬸坐在檔口前）
（成蔭仔細地看紙條，發見她）
蔭：（指示紙條）大姑，呢度寫住請一佪打什嘅，請倒人未㗎？
嬸：（望蔭一笑）未，不過唔請男人㗎，係請女人嘅啫！
蔭：（也笑起來）我知道，唔係我想做，我有一佪親戚想搵工打。
嬸：哦，咁你帶佢嚟同我講吓，睇過啱叻，就帶佢見工啦！
（蔭喜，連声應諾，即轉身囬到路边，拉起手車行）
第二十三塲
景：木屋區文記什貨店
時：日
人：華秀鳳、若干男女。
（店內的一⻆，開着一枱麻雀）
（秀鳳與三男女作竹戦）
（另外有两三人站在觀看）
鳳：（一边搓牌一边喃々地）真衰叻，頭先佪鋪滿貫咁都食唔出喎，真係激死人呀，我睇白食得出㗎，咁
早就叫和嘅叻！
女：（插言）你叫到都比人截和嘅啫，你单吊九索，上家叫六九索呀！
（秀鳳悻然，継續搓牌）
第二十四塲
景：安家內
時：日
人：杜鵑鳴、柳成蔭、少鵑。
（鵑鳴背負着少鵑，㧱了一隻筲箕從內出，行至一⻆）
（屋⻆放着佪米缸）
（鵑鳴行前揭開米缸蓋子，預備取米，但一望，愕然）
（米缸內只有少許米）
（鵑鳴嘆一口氣，将米缸捧起來，尽将米傾在筲箕內）
（成蔭自外入）
鵑：（奇怪地）蔭哥，乜你今日咁早就返嚟呀？
蔭：唔係，我不過頭先経過一間荐人館，問到有笪地方請打什，所以返嚟叫秀鳳去講吓啫，佢呢？去左边
呀？
鵑：（嘆氣地）唉！仲有边處去呀，你慌唔係又去左果間什貨鋪處打麻雀咩，呢幾佪月佢边日唔係咁嘅啫，幾次人地介紹佢去做野，佢都諸多嫌棄，唔係講時間長，就嫌辛苦。
（成蔭也為之嘆息）
鵑：（埋怨地）你都係自己攞嚟加重負担係啦，無端々多佪人返嚟食飯，呢，又要糧米添啦！
蔭：（安慰地）由佢啦，或者佢会改都唔定嘅，我去叫佢講吓份工先。
（蔭說着轉身行出）
第二十五塲
景：木屋區文記什貨店
時：日
人：華秀鳳、柳成蔭、若干男女。
（秀鳳還在竹戦中）
（秀鳳跟前，是一付清一色的牌子，她聚精会神地表現得異常緊張）
（蔭行來，站在秀鳳背後）
（秀鳳下意識地囬頭略望成蔭一眼，又継續注視手中牌）
（蔭欲言又止地，只好摒息在等候）
（秀鳳摸了一張牌，看々不中用，於是打出去）
（坐在秀鳳對面的一佪女人，乍然叫着）
女：碰！
（那女人跟着把牌攤開來，是一付平湖）
鳳：（氣極，把牌一推，悻然地）唏！咁衰！自己食唔出仲打比人食添，我睇白食出呢鋪就乜都返嚟啦！哼！而家仲惨，輸左成两底！（說着将面前的筹碼付出）
蔭：（已経忍不住）秀鳳，唔好打叻，我同你問到份工，你而家同埋去講吓啦！
（秀鳳踌躇不决，但仍継续搓牌）
蔭：起身吧啦，唔好打咯！
鳳：（吶々地）蔭哥，我，我仲有幾鋪打完嘅叻，不如我打埋至去啦，而家都北風咯！
蔭：（無奈）咁你一陣自己去仁義街佪度有間福記荐人館嘅檔口，你搵佪佪大姑傾下啦！
鳳：哦，我知啦！
（蔭悻然，但無奈点頭博身行）
（鳳看蔭去了，継续搓牌）
女：秀鳳姑，你去講工就打埋呢幾鋪啦，唔好打咯！
鳳：（冷然地）講乜鬼呀，份々工都係得佪講字嘅啦！你慌实成嘅咩，好話唔好听，人地啱我，我唔啱人
㗎馬！
女：咁就打多四圈添啦，好嗎？
鳳：打唔係打，我都費事去講工叻！
（衆人紛々叠牌継续作戦）
第二十六塲
景：安家內
時：夜
人：杜鵑鳴、柳母、少鵑。
（桌上已経摆好了飯菜）
（鵑鳴抱着少鵑在來囬地踱步⋯）
（柳母默然地坐在一角）
鵑：（忐忑地）哎！点觧咁夜阿蔭哥仲唔返嚟嘅呢？
（柳母聞言，也很不安地下意識向門前望一眼）
鵑：好呀，你肚餓嘅叻，唔啱你食飯先啦！
母：唔使，等埋阿成蔭返嚟先都未遲！
（鵑鳴又踱了一陣，忽然决然地行近柳母）
鵑：媽呀！我不如出去搵吓去吧啦，佢冇理由咁夜都唔返嘅，都唔知係唔係有乜意外添！（将少鵑交給柳
母）你揍住少鵑先啦！
（柳母接過少鵑抱住）
（鵑鳴匆々行出外）
第二十七塲
景：街道
時：夜
人：杜鵑鳴、冼大器、党人甲、乙、路人等、手車佚。
（黑夜的路上，鵑鳴在張惶不安地四顧找尋成蔭）
（遠處，一手車佚拖了架車子行來）
（鵑鳴以為是成蔭，急X前去，但是乍感竹望）
（鵑鳴更題得不安地，継續向前行）
（大器和党人甲、乙向鵑鳴行過去）
（鵑鳴發覺大器，失惊地）
（大器也看見了鵑鳴，意外地）
（鵑鳴匆々低頭避開大器視綫，蹌踉地移步橫過馬路）
（在馬路上，鵑鳴急々如喪家之犬的走着）
（一輛汽車疾駛面來，向鵑鳴身上撞去）
（鵑鳴大惊駭叫）
（汽車急煞住）
（鵑鳴冒着一臉汗，又蹌踉而行）
第二十八塲
景：安家內
時：夜
人：柳成蔭、杜鵑鳴、華秀鳳、柳母、少鵑。
（成蔭自外入，見柳母独在抱着少鵑，奇怪地四顧）
母：（見成蔭，吁一口氣）哎！你返嚟哪，成蔭！
蔭：（不安地）係呀，媽，乜你好似週身唔安楽咁嘅，做乜呀？鵑鳴呢？
母：佢就唔係因為掛住你咁夜都唔返，出去搵你咯！
蔭：唓！使乜搵我啫，我不過因為今晚生意幾好，所以遲的收工之馬！
（成蔭說着，行近母）
蔭：媽，比少鵑我抱啦，你好倦嘅叻！
（柳母将少鵑交給成蔭抱）
（門推開，鵑鳴氣給敗壞地奔入，仍喘息不停）
蔭、母：（大惊，急問）咦！鵑鳴，你做乜野呀？
（鵑鳴惊魂未定地倚在門前喘息）
（成蔭惊疑地過來扶鵑鳴往櫈上坐下）
鵑：（吁一口氣）哎！
蔭：鵑鳴，你究竟見過乜野呀？
鵑：我，我見到舊時冼老爺佪仔，冼大器呀！
蔭：（愕然）哦？
鵑：我一見到佢我就嚇到成佪人都慌晒，幾乎喺馬路處比車車親添呀！
蔭：（安慰地）你使乜仲惊佢啫？你信呢處仲係佢嘅勢力範圍咩？佢点樣壞旦都唔敢對你点嘅！呢處係法
治之區嚟㗎馬！
母：係咯！你使乜慌成咁啫，嚇得我吖，我仲以為你做乜野添，
（秀鳳自門入外）
（成蔭望見，迊前去）
（秀鳳垂頭喪氣地坐下）
蔭：点呀？你去講佪份工成唔成呀？
鳳：（吶々地）去過，唔啱呀，佢話要請佪住年妹喎！
（成蔭狐疑地望着秀鳳）
（秀鳳避開成蔭視綫，假意𢭃着少鵑玩耍掩飾）
母：食飯咯，唔好講住叻，的飯茶都凍晒啦！
（成蔭應着，将少鵑交與鵑鳴，然後邁去扶柳母至桌前）
（秀鳳和半鳴也行近桌前坐下）
第二十九塲
景：街道
時：日
人：柳成蔭、黃貴仁、冼大器、警員、途人若干。
（街道的旁边，一輛華麗的汽車駛至，戛然停止）
（車門開處，貴仁㧱着一佪不大不小的包裹從車上下來，鎖好車門後，轉身欲行）
（大器突然從一旁閃出，迅速地把貴仁手裡的包裹強搶了，轉身狂奔）
仁：（大惊，狂呼）搶野呀，搶野呀！
（大器從人叢中竄逃）
（途人秩序大乱）
（警員由遠處趕來，狂吹警笛）
（大器漸々遠去）
（警員拔槍向空放射制止）
（途人嘩然走避）
（街道的另一⻆，戈蔭拖着手車向着行來，因為途人秩序混乱，於是放下車子在路边）
（大器狂奔地橫過馬路走去了）
（警員追來，見已失大器踪跡，折囬去和貴仁交涉）
（途人又蜂擁地向貴仁及警員包圍）
（成蔭看秩序已漸平復，拖着車子向前行去）
（在街道又一⻆落，成蔭仍然又放下車子，習慣地㧱了一條布去拂拍坐墊上的塵埃，突然，他像發現了什
麼，怔住了）
（車子的坐墊上，擱置着一包不大不小的包裹）
（成蔭奇怪地㧱在手中拆看）
（包內赫然金玉珠宝）
蔭：（駭然地）咦！点解有包珠宝喺處嘅？唔，梗係叻，梗係頭先有人叫搶野，嗰佪賊見走唔甩，掉左落
我架車處嘅叻，（想一想）唔⋯⋯
（成蔭想着，迅速把珠宝再包好，放在袋中，匆々拉了車子向前奔去）
第三十塲
景：警署內
時：日
人：柳成蔭、警官。
（成蔭站在警官的办公桌前）
（警官看了一下放在台上那包珠宝）
警：唔，柳成蔭，你頭先所講嘅情形，完全都係实情嚟嘅啦馬？
蔭：係，完全係实情嚟嘅！
（警官点々頭，取了紙筆遞給成蔭）
警：你係呢張口供上面簽佪名，等我傳過失主嚟問話先，将來如果有乜需要，你要上堂做証人嘅噃！
（成蔭点々頭，在寫自己的名字）
第三十一塲
景：安家內
時：夜
人：柳成蔭、杜鵑鳴、柳母、少鵑（四歲）華秀鳳，、黃貴仁
（鵑鳴抱着少鵑，和柳母、秀鳳在聼完嶗蔭講述日間遭遇情形）
鳳：（不以為然地）唏！蔭哥，你呢世人弊就係弊在太過忠直叻，果包珠宝無端々落喺你架車處，即係天
賜畀你嘅啦，你咁笨送咗去警局都有嘅？
鵑：我話唔係，我話蔭哥咁做至啱，唔係自己嘅嘢，点可以立乱咁貪心要人地嘅唧！
母：冇錯叻，開講都有話，不義之財不可貪吖嗎。
鳳：（不服氣地）咁又点算係不義次財呢？而且⋯⋯
蔭：（制止）秀鳳，你唔需要講咁多叻，做人又点可以唔忠直嘅呢，尤其是⋯⋯
（O.S.叩門声）
（衆人聞声愕然）
蔭：（奇怪地）咦！咁夜有边佪嚟拍門呢？（說着站起來）
（O.S.叩門声）
（门蔭行至門前，一想，高声問——）
蔭：边佪呀？
仁：（O.S.）請問呢處係唔係有位柳成蔭先生喺處住呀？
（成蔭大奇，囬望與鵑鳴等互望一眼，然後帶着遲疑的神態，把門開了）
（貴仁一表斯文地站在門外）
（成蔭更奇怪地打量着貴仁）
仁：（從袋中掏出一張名片，遞給成蔭）請問柳成蔭先生喺唔喺處呢？我姓黃嘅，唔該你同我畀張卡片佢，話我有的緊要事要見佢啦。
（成蔭接過名片看）
（特寫名片，上印着：常發珠宝公司縂経理，黃貴仁這銜頭和名字）
蔭：（愕然問）黃先生，你，你搵我有乜貴幹呢？
仁：（欣然地忙伸出手來要和成蔭握手）啊！ 你就係柳先生哪？
（成蔭一边和貴仁握手，一边說——）
蔭：黃先生，請入嚟坐。
（成蔭說着，讓開路）
（貴仁入內）
（鵑鳴和柳母，秀鳳等都奇怪地望着貴仁）
蔭：（欵貴仁至屋中）請坐啦，黃先生。
（貴仁坐下）
蔭：鳴，斟茶啦。
（鵑鳴应着将少鵑交給柳母）
仁：柳先生，我地本來係唔相識嘅，你當然覚得我咁冒昧嚟拜候你有的出奇啦。
蔭：（点点頭）嗯⋯⋯
（鵑鳴過來奉茶）
仁：（接過茶後）柳先生，我話畀你知啦，今日你送返去警局果包珠宝，係我今日喺街處畀人搶咗去嘅，柳先生你路不拾遺，我得到警局通知去領番呢批珠宝之後，喺警局問倒你嘅地址，所以登門向你道謝。
蔭：（恍然）啊！ （貴仁從銀包裡掏出一叠巨額鈔票，隻手奉送給成蔭）柳先生，我呢批珠宝，價值将近十萬銀嘅，呢次失而復得，而且仲毫無損失添，呢次完全係柳先生你所賜
嘅，呢處伍仟文，算係我醇答你嘅雅意，請你收咗佢啦。
蔭：（不假思索地）黃先生，我唔能够收你嘅錢。
仁：（詫然）吓？点解呢？
蔭：因為我覚得我咁樣做，係一佪市民应有嘅義務嚟嘅，我冇理由接受你錢吖。
仁：（感動）柳先生，你的確係一佪模範市民。
（貴仁說着，環顧屋內四週，且及杜鵑鳴，柳母，秀鳳等，然後面向成蔭……）
仁：（誠挚地）柳先生，請你怒怪我講說話率直，照我睇，你嘅生活環境，都係好艰苦嘅咘。
蔭：（怛然）係，我一家幾口都係靠出卖劳力嚟維持生活嘅，我每日一早就出去拉車仔，如果唔好彩過啱
番風落雨，咁就郁吓連两飱都成問題嘅嘑。
仁：（同情地，思索一下）柳先生，我聼你講說話都係一佪知識分子嚟嘅，咁⋯⋯
蔭：黃先生，俗語都有話，馬死落地行啫，求祈安々份々搵倒两飱，咁就算再下賤的工作都唔怕做嘅。
仁：（誠悬地）柳先生，你帮咗我一佪大忙，而又唔肯收我嘅酹金，我公司方面，而家正在需要請一佪誠实可靠嘅人做司庫，我希望柳先生你能够帮埋我呢佪忙。
（i.s.鵑鳴及柳母、秀鳳等，都向成蔭寄予極度期望的目光）
蔭：（感激地）黃先生，你一番好意裁培我，本來我应該即刻应承你嘅，可惜我自問学識淺萡，對商塲又冇経驗，不過，黃先生嘅然咁睇得起我，我想要求你帮忙一件事，唔知可唔可以呢？
仁：只要我做得到嘅，我一都做，柳先生，你講啦。
蔭：（望々秀鳳）秀鳳，你過嚟啦。
（秀鳳莫名其妙行前）
蔭：黃先生，呢位華秀鳳，係我嘅同鄉嚟嘅，佢嚟咗呢處好幾佪月，想搵份工做始終都冇辦法，佢都識得吓字嘅，如果能够嘅話，我想請你介紹份工畀佢做。
仁：（讚嘆地）柳先生，你呢種捨己為人嘅精神，真係令我更加佩服，華姑娘如果唔嫌棄，我屋企有一佪管家嘅，佢都好忙，咁我就請佢去我屋企，同我帮手管理吓的家务啦，好嗎？
蔭：秀鳳，你嘅意思点吖？
鳳：（喜形於色）得黃先生咁関照就最好啦，唔通我仲有話唔肯咩？
仁：呢年事我地就算一言為家，柳先生，我請你去我公司帮忙嘅事，我希望你無論如何都答应我。
（成蔭仍然踌躇不决）
母：（忍不住）成蔭，既然人地黃先生一番好意，咁你唔係应承啰，最多你唔識嘅野，就請黃先生教你之嗎！
蔭：好啦，黃先生，既然我阿媽咁話，我只有应承你去試吓先啦。
仁：（大喜過望）係啰，咁至爽快㗎嗎，（望望柳母，又望望鵑鳴）嗯，呢位係令寿堂，咁呢位我相信——
蔭：哦，佢係我內子，果佪係我嘅女，鵑鳴，你過嚟見吓黃先生啦。
（鵑鳴抱着少鵑行前，向貴仁点頭為礼——）
鵑：黃先生。
仁：哦，阿嫂。（說着，又取出两張巨額鈔票，放在少鵑的身上）嗯，呢的錢——
蔭：（急又制止）黃先生，你——
仁：（笑着）你唔使又試推辞叻，呢的錢，係我當做畀封利是你位千金嘅啫，你冇理由連利是都唔肯要求
嘅啩？
鵑：黃先生，畀利是又使乜畀成千文咁多呢？係咁意就得啦嗎。
蔭：係啰，黃先生——
鳳：蔭哥，黃先生而家已経係你事頭嘑，既然佢係要咁，你又何必再却人意呢？
仁：冇錯叻，華姑娘咁至够爽快㗎嗎。
蔭：好啦，鵑鳴，咁你就替少鵑多謝黃先生啦。
鵑：多謝黃先生。
仁：小意思啫。（看錶）啊，而家都好夜嘅叻，我都唔阻你地休息叻，柳先生，咁你听日就同埋華姑娘出
去我公司搵我啦。
蔭：好，嗯，我送你出去啦，你唔行慣呢的地方，夜晚好难行㗎。
仁：好，好。
鳳：蔭哥，我都陪埋你送黃先生出去。
（秀鳳說着即去開門）
仁：（向柳母及鵑鳴）伯母，阿嫂，早抖嘑。
母、鵑：（同時地）好腥行呀，黃先生。
（貴仁应着即行出門外，成蔭與秀鳳隨後）
第三十二塲
景：木屋区路口連馬路
時：夜
人：柳成蔭、華秀鳳、黃貴仁。
（成蔭及秀鳳送貴仁由木屋区路口行出，至馬路旁停泊貴仁汽車處）
仁：（伸手與成蔭握別）好叻，唔該你地叻，再見！
蔭：（與貴仁握手）
鳳：聼日見，黃先生。
仁：聼日見。
（貴仁開車門上車）
（成蔭與秀鳳看汽車開動）
第三十三塲
景：安家內
時：夜
人：柳成蔭、杜鵑鳴、柳母、華秀鳳、少鵑、冼大器。
（大器隻手义腰，面見狰獰地站着）
（鵑鳴抱着少鵑，和柳母嚇得縮瑟在一角）
大：（厲声地）喂，鵑鳴，你好講咯噃，成蔭去咗边？
（鵑鳴惊慌得不敢說話）
大：（冷笑）哼，你咪以為你地唔講就得㗎，我今晚無論如何都係搵倒佢至肯罢手㗎，估唔到佢居然做賊
阿爸，起我尾注咁斗胆添，佢而家喺边？快的講。
母：（战慄地）佢出咗街，去咗边處就唔知嘑。
鵑：（一想，灵机一触地）嗯，阿媽，你抱住少鵑啦，我去搵佢返嚟啦。
（母惊愕地望着鵑鳴）
（鵑鳴暗向柳母打佪眼色）
大：（斥喝地）鵑鳴，你都算古惑叻，你估我唔知道你呀？你边處係去搵佢返嚟吖，你想去通水呌佢唔好返嚟就真，係咪行呀，行親有殺冇賠㗎。
（鵑鳴以給大器識破，更感張惶失措）
（成蔭與秀鳳由門外入，二人見大器，亦乍然失惊）
大：（見成蔭，獰笑着）哈々，我以為你唔返嚟？
鳳：（欲趋前）大器，你——
大：（揮退秀鳳）你行開，唔関你事。
蔭：（憤然）冼大器，你嚟做乜野？
大：（慢條斯理地）哼！柳成蔭，你使乜炸締呀，我嚟做乜嘢，你自己心知肚明吖，精精地你就将果的野
交番畀我，如果唔係，你因住至好。
蔭：（惘然，質問地）吓。你就奇咯噃，我交乜野畀你呀？你又幾時交過的野畀我呀？
大：（大怒）乜野，乜野，果包珠宝呀，我今日丟落你架車处㗎。
（鵑鳴，柳母及秀鳳都有惊異的反应）
蔭：（恍然）哦，原來今日係你當街搶野嘅。
大：你唔好理咁多，即刻将果包珠宝交返嚟。
蔭：（鄙視地）我已経交咗去警局叻，你要攞就去警局攞啦。
大：（暴跳如雷）豈有此理吖，你存心吞沒呢包珠宝，仲居然拋我浪一添呀吓？唔畀的利害你睇吓，你都
唔知佪死字点寫——
（大器說着，扑前想毆打成蔭）
（成蔭忙退避）
（鵑鳴、柳母秀鳳都嘩然惊呌）
蔭：（怒斥）冼大器，你咪以為你仲係喺冼家莊，可以橫行無忌咘，你即刻扯，唔扯我呌警察拉你嘅咘。
大：（威嚇地）好吖，如果你呌警察嚟拉我，咁我就一於話你係我同党，因為搶咗果的珠宝唔過骨，你至
車大砲話执到嘅，哼々，果陣我睇你都唔係幾好玩嘅啫。
（成蔭聞言，為之氣結，不知所措）
（鵑鳴及柳母更震惊非常）
鳳：（行前，拉着大器）唏，你咁樣喺处嘈有乜謂呀，呢处左右隔篱仲有人住嘅噃，畀人听見，你斬唔係幾妥嘅咋，大器。
大：唓，我爛命一条，有乜所謂呀，听見唔係由得人听見啰，最多我冼大器同佢柳成蔭同歸於尽嘅啫。
（成蔭怒見視大器，作勢欲發作）
（鵑鳴急上前拉住成蔭）
鳳：（作好作歹地）大器，而家咁夜你唔好喺處嘈叻，返去先，有乜唔妥听日至傾到妥啦。
大：笑話，听日我去边处搵佢呀，佢話交咗去警局啫，咁我就信佢咯咩？
鳳：唔係唎，你跟我嚟啦，我有說話同你講呀。
大：講乜野呀？
鳳：你出嚟先啦，你唔使慌佢走嘅，佢唔係咁嘅人嚟嘅。
大：（一想）又好，我听吓你有乜講，（威嚇地）喂，柳成蔭，你咪惗住就咁就過得骨呀，你唔走得過我
嘅手指罅㗎。
鳳：（強将大器扯向門口行）行啦，行啦。
（大器憤然隨秀鳳走出門外去）
（柳母及鵑鳴此時已嘩然哭出声來）
蔭：（凜然地）阿媽，鵑鳴，你地唔使怕㗎，邪不能勝正，你慌佢真係会對我点咩。
第三十四塲
景：安家附近路旁一角
時：夜
人：華秀鳳、冼大器、警員等。
（秀鳳與大器且行旦談）
鳳：大器，你就真係算本事叻，你点会查得倒成蔭傍地住喺呢处嘅呢？
大：（傲然）哼！你估我係阿福嚟咩，去車廠詐締問吓就知道啦嗎，喂，秀鳳，你話有野同我講，快的講
叻，咪講呢的無謂野叻。
鳳：冇，我就係講畀你知，呌你唔好迫成蔭，佢真係已経将果包珠宝交咗去警局叻。
大：（冷笑一陣）哈哈⋯⋯秀鳳，估唔到你而家仲對佢死心不怠嘅，人地已経同鵑鳴結咗婚嘑。 鳳：（悻然地）結咗婚係一件事吖，你以為我而家係帮佢嚟呃你咩？
大：（失望）哦，咁係真嘅？
鳳：梗係啦，果包珠宝嘅失主黃貴仁，已経去警局領返添嘑。
大：你点知呀？
鳳：頭先果佪黃貴仁至嚟過，送咗一千丈畀成蔭，仲請佢去佢間珠宝公司做司庫添。
（大器憤恨交集，停下來，往路旁坐下——）
大：（切齒地）唏，咁就真係唔抵叻，估唔到我畀命去搏，反為替成蔭呢单野做成佪好机会添。 鳳：（也向大器身边坐下）大器，你唔駛灰心住，你想唔想要錢吖？
大：（愕然）乜野話？錢都有唔想要嘅？你嘅意思係唔係想呌我喺成蔭身上作致番一筆？
鳳：（点頭）唔，而家佢地有一千文，先可以作致咗佢先，以後佢入咗去珠宝公司做事，你就可以暗中向
鵑鳴埋手，尽量勒索佢，就算将來人地知道，你可以話鵑鳴舊時欠落你地嘅債。而家要佢還，实冇罪㗎。
大：（点頭沉吟一陣）秀鳳，你点觧会咁教我呢？（憬然）啊！我知叻，你係唔係仲對鵑鳴姑忌呢？
鳳：使乜講呀？呢啖氣我实唔下得㗎。
大：好，咁我实行听日就作致咗呢一千文過嚟先。
鳳：喂，不過你唔能够一佪人要晒嘅咘。
大：哦，咁你即係要收番的佣啫，得，冇所謂嘅，大家義氣搏義氣嘅啫，嗱，咁啦，為咗以後我地容易見
面，我地約定佪地点——
鳳：喺公園啦。
大：好，由听日起，每日晏晝我地喺公園見面啦，我走先叻。
（秀鳳点々頭站起來）
（大器也站起來向馬路而去）
（秀鳳得意地露出陰險的笑容）
（馬路上，一輛警車由遠处駛來）
（秀鳳不経意地望一眼，轉身行）
第三十五塲
景：安家內
時：夜
人：杜鵑鳴、柳成蔭、柳母、華秀鳳、少鵑。
（成蔭抱着少鵑在玩耍）
（鵑鳴愁鎖双眉地呆坐着）
（柳母發見鵑鳴的神態，愕然問——）
母：鵑鳴，而家我地一家人轉運咯，以後就唔使捱得咁辛苦嘅叻，你应該好欢喜至係㗎，点觧你仲皺埋佪
眉頭呢？
鵑：（不安地）唔知点解，我一見秀鳳同冼大器出咗去唧，佪心就惗住佢两佪唔知係唔係又試夾計嚟害我
地咯。
蔭：鵑鳴，你咪剩係向壞处惗至得㗎，如果秀鳳仲係同大器朋比為奸嚟害我地嘅，咁仲有良心嘅咩？秀鳳
以前係品性差的，不過而家我地咁樣待佢，佢唔会恩将仇报嘅啩？
鵑：（忐忑地）唔会就至好啦，不過——
母：（低声）佢返嚟嘑。
（秀鳳已自外入，正轉身掩門）
蔭：（試探地）大器走咗哪？佢唔信我真係将的珠宝交咗去警局咩？
鳳：（行前）佢初初就唔信，不過我同佢講咗之後，佢就信叻，而且我仲話咗佢一飱添，我相信佢以後唔
敢再嚟騷擾你地嘅叻。
（成蔭悻然不語）
母：（嘆息地）係咁好咯，阿弥陀佛咯。
（O.S.傳來幾声槍声）
鵑：（吃惊）哎吔，做乜野呢？
（秀鳳也惊惶不已）
母：成蔭，快的閂番好度門瞓覚叻，咁得人惊，都唔知又發生乜野事。
（成蔭应着，馬上過去下門鎖）
第三十六塲
景：（1）常發公司寫字楼連経理室
（2）黃貴仁家
（3）柳成蔭新居A及B
（4）报帋
（5）飱厛一角及電週室
時：夜——日
人：柳成蔭、走鵑鳴、柳母、華秀鳳、少鵑（由四至七歲）、黃貴仁、黃太、管家、僕人、聀員及其他、
冼大器。
（MONTAGE）
（畫面）报紙刊出，搶匪冼大器落網被捕，判徒刑三年的消息）
DISS
成蔭與秀鳳至黃家上工、黃太令管家介紹秀鳳與各人見
（旁白）
旁白：冼大器犯搶刼罪，就喺离開柳成蔭屋企之後，被警方拘捕，判处徒刑三年叻，而柳成蔭同埋華秀鳳
呢，喺第二日，
面及指示工作）
DISS
（貴仁帶成蔭返常發公司，介紹衆聀員與之相見，成蔭與衆聀員與之相見，成蔭衆握手為礼）
DISS
（成蔭已搬至新居〔A〕，柳母在一角礼佛唸経，成蔭與鵑鳴共逗少鵑嬉笑）
DISS
（成蔭被升為経理，坐在経理截內办公桌前工作）
DISS
（成蔭再度遷新居〔B〕，晨早進過早点後，出門登私家車上班，少鵑已長大，活潑地隨着鵑鳴送成蔭至門
前，
亦都分別去到黃仁屋企同埋常發珠宝公司上工，自此以後，由於生活好轉，柳成蔭一家人已経搬到新居。
子孝妻賢，佢地一家人開始過住快楽嘅時光叻，柳成蔭為人勤謹負責，非常得到黃貴仁嘅器重，冇幾耐，
佢已経被提升做経理，於是，喺環境日見向好處改変，柳成蔭又再進一歲搬去花園洋房處居住，出入仲有
汽車代步添，少鵑亦都長大咗，活
揮手送別）
DISS
（大器出獄，在飱厛的電話室撥電話）
（秀鳳在黃家接電話，因知為大器，神情惊異）
潑可爰，善解人意——韶光如逝水，轉眼之間，已経過咗三年，冼大器服刑期滿，佢喺出獄之後，馬上就
打電話去搵倒華秀鳳，而且仲約佢見面添——
第三十七塲
景：公園
時：黃昏
人：華秀鳳、冼大器、遊人三两。
（大器縮瑟地坐在一角的椅上）
（秀鳳匆々來）
大：（呌住）秀鳳！
鳳：（惊異非常地）啊！大器！你——
大：（微笑）你估唔到今日会接到我佪電話唎？（說着，把身子移開一些，讓與秀鳳坐下）唉！三年咯，
我坐咗呢三年監出嚟，好似乜野都変晒咁咯，秀鳳，你而家就好啦，可惜我就劳而無功，反而做成咗你地
嘅好机会。
鳳：（忐忑地）乜好唔好吖，又唔係咁。
大：咁就点都好過我，我而家無家可歸，而家連飯都冇得食咘，老々实々叻，你借住多少錢畀我叻。
鳳：（不滿地）你同我借錢？
大：唔係我仲可以同边佪借呀？
鳳：（陰險地）你仲有債务未收吖，叫人還錢好過同人借錢咘。
大：（胸有成竹地）我知道，我今日呌你出嚟主要嘅目的就係要同你报柳成蔭嘅地址。
鳳：唔，你大可以去向鵑鳴收舊債吖，而家柳成蔭已経做到経理，住洋楼、坐汽車，都唔知幾嘆世界！
大：（嘲笑地）秀鳳，咁你唔係條氣好唔順？我相信你而家佪心仲係爰成蔭㗎？
（秀少給挑起心事地幽々發出一声長嘆，黯然無語）
大：你唔使唉声嘆氣，嗱，只要你肯同我合作，我就自然会有法子令你得偿所願。
（秀鳳惊疑地望着大器）
大：老实講，我到而家亦都係唔心息嘅，我幾大都要喺柳成蔭身上作致番一筆錢嘅，只要你肯帮我，大家
合力進行，咁我就可以發財，你就可以得番成蔭。
鳳：大器，你真係有咁嘅把握？
大：當然啦。
鳳：（决然地）好，咁我一於同你合作，不過你千祈唔好對成蔭有乜不利噃。
大：（笑起來）你定的啦，我係何鵑鳴埋手嘅啫，你而家寫佢地嘅地址畀我啦。（說着，取出日記及筆與
秀鳳）
（秀鳳接過書寫）
第三十八塲
景：柳家新居內外
時：日
人：鵑鳴、少鵑、柳母、冼大器、婢僕等、成蔭。
（蔭與鵑等一家人用膳畢，蔭擬返公司）
蔭：我返公司啦！
少鵑：爸爸，我今日下晝唔使返学，你帶我返公司玩吓呀嗱。
蔭：公司係办公嘅地方，細佬哥唔可以去玩㗎，不如第日我得閒的先至四圍帶你去玩啦！
鵑：係咯，第日爸爸帶你去飲茶，去百貨公司行吓，買的嘢你玩啦。
少鵑：又好，咁我地坐爸爸架車去嘅噃。
蔭：哦，你乖乖地就得嘅。
鵑：咁你地去啦，差唔多两点鐘嘅叻。
（柳母與蔭乃拖着少鵑出門，鵑送出）
（蔭開車弓，讓母及少鵑坐上，然後自己坐上開車）
少鵑：媽媽，拜拜。（揚手）
鵑：拜拜。（亦摆手，微笑目送車子遠去，鵑鳴轉身返入屋內，卻料不到冼大器在後背後急趋前）
鵑：（失驚地）吓，大⋯⋯
（大器站在大門外，一見鵑鳴，即裂唇而笑——）
大：（笑着）鵑鳴，我地又唔見咗三年囉呵？
鵑：（吶吶不安地）嗯，係，請入嚟坐啦。
大：（笑着行入）我仲以為你會唔畀我入𠻗添。（鵑鳴苦笑一下，関門，大器迳自走向廳中）
（大吃在環顧廳內佈置）
鵑：（行近）請坐啦，我去叫人斟茶。
大：（制止）唔使叻，鵑鳴，我地坐低傾吓吧喇。
（大器說着，往沙發上坐下）
（鵑鳴也只好陪着坐下來）
大：（開門見山地）鵑鳴，我相信你唔使我講，都知道我今日𠻗嘅目的啦，呢幾年，你地就越撈越嚦，我就變成山窮水尽，我自從拉拉咗去坐監之後，
一直都冇𠻗過叻，而且我想𠻗亦都唔得吖，而家好話唔好聼，人窮就思舊債，你舊時欠落我地嗰筆錢，而
家就想你同我計清楚佢唧。
鵑：（吶吶地）欠債還錢，我一向都冇打算唔還，咁你以為應該要点計至啱呢？
大：（狡獪地）如果計起上𠻗就数目大嘑，由你離開我地屋企嗰陣，都已経係幾百銀嘅啦，到而家成七年
長，利变本，本加利，我都唔識点計叻，不過咁，我地既然相好在前，我亦唔想得失在後，我求祈話一佪
数目叻，你畀十萬銀我啦，唔好計叻。
鵑：（大驚失色）乜嘢話？十萬銀？
大：係，你以為好多咩？計起上𠻗仲唔只呢佪数目添呀。
鵑：（失措地）你，你咁樣講吓就易啫，成十萬銀，我边處有咁多錢亞！
大：（冷笑）哼！鵑鳴，唔使喺我面前乍生顧死啦，而家你佪老公都發達咯，唔好講話十萬，再多的我相
信佢都拈得出。
（鵑鳴戰慄地在思索）
大：（恐嚇地）点呀？鵑鳴，你惗真噃，我冼大器為人点樣，你係知道㗎，如果你唔肯，我一定會令到你
地盛豆都唔得一粒响噃，（奸笑）哼⋯⋯
鵑：（欲笑地）你⋯⋯你真係⋯⋯你叫我边度有咁多錢呢？
大：問柳成蔭攞吖！
鵑：係我欠你嘅錢，我唔想問佢攞。
大：（勃然地）哦，咁你即係話唔還咁觧嘅啫，你自己又冇，又唔肯問成蔭攞，喂，我份人乜都敢做嘅噃
，你唔好迫虎跳墻呀。
鵑：（苦楚地）我唔係唔還，不過——
大：（故作不耐煩地）無謂講咁多啦，還就過水喇，不過乜嘢啫？
鵑：不過，你点樣計都冇理由計十萬銀咁多㗎。
大：咁你想俾幾多呀？
鵑：（嗫嚅地）我意思係話，如果你唔再嚟啰唆我嘅，咁，我至多籌一二萬銀畀你⋯⋯
大：（接着）等你籌到呀，等到幾時呀！（冷笑）哼！鵑鳴，舊時你喺鄉下嗰陣又係出呢槓，而家又想X過
，唔得嘅叻，我唔上你當叻
（鵑鳴被迫得無言可說，只是低頭涰泣）
大：（暗中一笑，假慈悲地）咁啦，鵑鳴，我怕咗你叻，你明知我就係最怕見到女人喊嘅啦，嗱，咪話我
做人唔恀義氣，如果你唔想問成蔭攞，咁我准你分期畀啦。
鵑：（意外，驚喜地）吓？咁你真係唔會害成蔭呀嗎？
大：（怡然自得状）如果乖乖地依時依候過水，咁，唔會激嬲本少爺嘅，我當然唔會難為你地嘅。
鵑：嗱，你講過嘅噃，大器。
大：係咯，不過而家我等錢使噃，你至少要畀五仟文𠻗我先啦。
鵑：（一想）好啦，我去攞畀你啦。
（大器看着鵑鳴轉身去，露出一陣陰險的笑意）
第三十九塲
景：飱廳一⻆
時：日
人：大器、秀鳳、侍者及顧客。
（大器與秀鳳對坐，桌上酒肉滿枱）
（大器在替秀鳳斟酒，然後——）
大：（舉杯）𠻗，秀鳳，我地再飲杯，祝我地第一步計劃成功。
（秀鳳一笑，與大器碰杯，二人對飲）
鳳：（放下杯後）大器，咁你下一步又点呀？
大：（狡笑）仲有乜点唧？（攤手示意）一味叫佢過水啰。
鳳：（板着面孔質問地）咁你應承我嗰的呢？唔使理咯噃？
大：（嘻皮笑臉地）点唔理呢？你咪心急，總之到咗時機成熟嗰陣，我自然会有計仔敎你將柳成蔭喺鵑鳴
處拉過𠻗嘅叻，你同我定的啦，（又舉杯）𠻗，呢杯預祝你得償素願嘅。
（秀鳳含笑舉杯）
第四十塲
景：柳家新居（B）大廳
時：日
人：鵑鳴、大器。
（大器斜躺在沙發上，向旁边的鵑鳴攤開手）
（鵑鳴憤恨地背着大器）
大：（慢條斯理地）喂，鵑鳴，做乜嘢唧？我叫你過水呀。
鵑：（憤然得過來面對着大器）你唔能够咁迫人㗎嗎，先两日你至攞咗五千文，今日又要，咁快我边度有
呢，你講明叫我分期還嘅噃。
大：係吖，咁先两日嗰的算一期，今日又算一期啦嗎，（說着，伸手去拉鵑鳴）𠻗啦，最多我今日唔限定
你一定畀五千喺啦。
（鵑鳴憤怒地摔開大器的手）
（大器嬉皮笑臉地又站起來接鵑鳴的腰）
鵑：（斥責）喂，你做乜嘢唧？乜你咁冇規矩㗎。
（大器笑着，又去撫鵑鳴的臉頰）
（鵑鳴頓足行）
第四十一塲
景：飱廳一⻆
時：夜
人：成蔭、秀鳳、侍者及顧客
（成蔭坐着喝茶）
（秀鳳打扮得花枝招展地行來，見成蔭，即坐下——）
鳳：（媚笑着）蔭哥，你𠻗咗好耐哪？
蔭：𠻗咗一陣啫，秀鳳，你咁緊張打電話叫我出𠻗做乜嘢呀？
鳳：嗯——
（侍者過來，礼貌地將飱牌遞給秀鳳）
鳳：畀杯橙汁我喇。
（侍者應着衍身退）
蔭：秀鳳，本來你可以去我屋企㗎，唔通你有的特別嘅事要同的講嘅？
鳳：（正色地）点只特別呀，而且好重要嘅添呀。
蔭：（愕然地）哦？咁係乜嘢事呢？
（秀鳳故弄玄虛，欲言又者止者再）
（侍者過來，放下橙汁退去）
蔭：（不安地）秀鳳，你究竟做乜咁神秘呀？
鳳：（誇張地嘆一口氣）唉，其实諗落我都係唔應該講嘅。
蔭：（為之焦急萬分）唏，我最怕人地咁樣嘅叻，有乜嘢事你講啦。
（秀鳳又作状一番，然後故作嚴重地——）
鳳：蔭哥，你知唔知道冼大器已経喺監處放咗出𠻗呀？蔭：知道，我喺報紙處睇見過呢段新聞，秀鳳，你要同我講嘅就係呢的？
嗯：你知唔知道大器呢排時時去你屋企搵鵑鳴呀？我真係估唔到佢两佪到而家仲有感情嘅添，蔭哥，或者
講出𠻗你唔會信都唔定，其实佢地舊時喺鄉下冼家莊嗰陣，感情已経唔錯嘅嘑。
蔭：（不信地）秀鳳，你講得冇錯，我完全唔相信，据我知道，鵑鳴對大器嘅印象壞到極嘅添。
鳳：（故作不経意地）我都知道你唔信嘅叻，（有些憤慨地）唏，總之俗語講得啱，好人係難做嘅。
蔭：（亦有些憤慨）秀鳳，你嚟講事非，挑撥我地夫妻感情，重話好人難做添？
鳳：（故事地）哼，重話我挑撥你地，唔講你都重懵閉閉，嗱！我講多少畀你聼吓啦，喺鄉下嗰陣，鵑鳴
因為受唔住我姨媽嘅虐待，漏夜走咗出嚟，原因係点㗎？
蔭：原因唔係冼老爺同埋佢老婆，大器呀咁呢班人對佢苛刻咯！
鳳：哼，所以話你知其一不知其二啦，其实當時大器因為唔抵得佢阿媽咁樣，同時又驚佪老豆會污辱佢，
所以大器就想办法叫佢走路嘅，若果唔係，佢边会置知不理呀。
蔭：（不耐煩地）唉！秀鳳，我可以話你枉費心機咯，你講呢番嘢根本就毫無証據嘅。
鳳：你話無証據就罢咯，成頂綠帽戴上頭都重唔知，老实講，你屋企的工人都唔知幾多閒言閒語嘅嘑。
蔭：（堅決地）我唔信。
鳳：唉！你唔信就難講啦，（自然地）我大早都話咗唔應該講畀你聼嘅叻，蔭哥，知人口面不知心呀。
蔭：（低頭沉思一陣）我雖然唔信你講嘅嘢，不過我会返去查問吓鵑鳴嘅。
鳳：都好嘅，唔係你会誤会我生安白造添。
（成蔭看看錶）
（秀鳳不安地望着成蔭，旋又暗自窃笑）
第四十二塲
景：柳家新居（B）鵑鳴房
時：夜
人：成蔭、鵑鳴。
（床前几上的座鐘，已指着十一時）
（鵑鳴不安地倚在床上）
（O.S.遠處門鈴声）
鵑：（坐起來，自語地）呢佪怕係佢返𠻗咯啩？
（鵑鳴說着，起來披了件晨褛，行近房門前）
（房門推門，成蔭入來）
蔭：鵑鳴，乜你仲未瞓咩？
（成蔭說着，行至房中，脫下外衣）
鵑：（過來替成蔭解領帶）蔭哥，乜你今晚咁夜嘅？
蔭：係，有多少應酬之嗎。
（鵑鳴又替成蔭掛好外衣）
（成蔭滿臉不安神態，注視着鵑鳴）
鵑：（奇怪地）咦！蔭哥，你做乜嘢咁望住我唧？
蔭：鵑鳴，我有句說話問吓你。
鵑：（託然地）乜嘢呢？
蔭：係唔係冼大器近來時時𠻗我地處呀？
（鵑鳴聞言，有点失措但馬上強自鎮静下來）
鵑：唔係呀，蔭哥，你点解忽然間會問起呢的嘢呢？
蔭：（安然一笑）冇，偶然間想起啫，因為我記得佢已経喺監處放咗出𠻗，怕佢又𠻗向我地搔扰之嗎。
鵑：你放心啦！如果佢嚟嘅，我吩咐工人一於唔開門。
蔭：（微笑）咁就啱叻。
（鵑鳴也像放下心事似地暗暗吁了一口氣）
第四十三塲
景：飱厛一⻆
時：夜
人：柳成蔭、華秀鳳、侍者及顧客
（成蔭與秀鳳對坐着）
蔭：（滿臉不豫之色，指責地）秀鳳，我希望你以後唔好再喺我面前造謠生事，破壞我嘅家庭幸福！
鳳：（有点不服氣似地）蔭哥，你咁樣話我，我真係有寃無路訴叻！
蔭：（氣結）咁唔通你仲唔承認你所講嘅係錯嘅咩？
鳳：我唔承認，不過，信不信就由你，蔭哥，我唔理你憎我又好，恨我又好，甚至以為我存心破壞你嘅家
庭幸福又好，我都要向你作最後嘅忠告，如果你想明暸呢件事嘅真相，你可以喺呢幾日間，突如其來咁試
吓返屋撞吓，就知道晒叻。
（秀鳳說着，非常委屈地低頭）
（成蔭又為之錯愕不已）
第四十四塲
景：柳家新居（B）大廳
時：日
人：杜鵑鳴、少鵑、柳母、華秀鳳、女僕。
（秀鳳捧着許多兒童玩具行至大厛中）
（鵑粘正與柳母及少鵑坐在厛上）
（少鵑一見秀鳳，即迎前去）
少：（雀躍地）秀鳳姑，秀鳳姑！
鳳：乖乖，（将玩具放下）嗱！少鵑，你睇幾大嘢玩，你鍾唔鍾意呀？
少：（拍掌）鍾意呀，鍾意呀！
鵑：秀鳳經，你攞咁多錢使做乜呀？
母：係啰，秀鳳，你今日做乜買咁多嘢畀少鵑玩唧，係唔係出咗粮呀？
鳳：（乘机地）係呀，我請你地去飲茶吖嗱！
母：（失笑起來）秀鳳，你真係識卖口乖叻，你明知我食齋嘅，你就叫我去飲茶？不過咁，你講得出嚟，
我都多謝你！（說着站起來）你坐下叻！我要入去裝香叻！唔陪你叻。
鳳：唔使客氣，伯母。
（柳母轉身行向偏厛）
（少鵑這時正将一輪玩具車放在地上，車子車向厛外，少鵑追出去）
鵑：（向女僕）阿四呀，你同少鵑出去花園玩啦。
（女僕应声去了）
（秀鳳看厛中已無別人，於是故作神秘地行近鵑鳴——）
鳳：鵑鳴呀，你知唔知道近來蔭哥係外便唔係幾規矩呀？
鵑：（惊愕地）哦？你嘅意思係指乜嘢呀？
鳳：（也假作詫異地）咦！乜你一的都唔知道咩？蔭哥喺外便有咗外遇呀。
鵑：（乍然失惊地）吓？唔係啩？
鳳：（故作同情地）唉！原來你真係完全唔知，咁你有冇發現佢近來的行動有的唔妥吖？
（鵑鳴深思一会，搖々頭）
鳳：冇？呢，比如佢耐唔耐有晚好夜至返呀！咁呢，有冇呀？
鵑：（似信非信地）咁又有噃。
鳳：唓！咁唔係啰！你重話冇添，（作状地）唉！你咁老实，唔怪得蔭哥喺外便咁放肆啦。
鵑：（不安起來，動搖信心地）秀鳳姐，你親眼見倒佢咩？
鳳：咁又唔係，如果我親眼見倒佢唔同佢咁講法啦，哎！男人嘅嘢就係咁嘅咯，一朝得志啫，就乜都咁做
嘅叻，舊時你同佢咁捱，我真係戥你唔抵叻！
（鵑鳴已経不由自主地淒然欲哭）
鳳：（勸慰地）鵑鳴，你又唔使咁難過住，雖然話係空穴來風，但係我惗一定係有其事至有人喺背後講嘅
，嗱，你最好就咪出声住，等我喺外便同你調查吓先，不過你就算講都千祈咪站係我講你知㗎，唔係我就
唔同你去查嘅嘑！
（鵑鳴点点頭，以巾拭淚）
鳳：（一想，暗自得意地）咁我都走叻，鵑鳴，你唔好激氣呀吓，等我嘅消息啦。
鵑：（哽咽地）唔該晒你，秀鳳姐。
（秀鳳一笑，緊々的握了鵑鳴的手一陣，即向大門行去）
第四十五塲
景：柳家新居（B）大廳
時：日
人：杜鵑鳴、冼大器。
（大器肆無忌憚地在廳中的沙發上橫卧着，唇边吊着一枝香烟在抽着）
（鵑鳴站着，急得既不安又憤怒⋯⋯）
鵑：（氣得發抖）冼大器，你咁樣算点得㗎，你日日咁嚟要錢，我边處有得畀你呢？我唔該你走叻，你咁
樣喺張沙發處，畀人睇見有乜好呢？
大：（無動於中地）你想我走容易唧，你過咗水，我即刻就走。
鵑：（頓足）咁我要有至得㗎，皇帝呀。
大：（翻身坐着）鵑鳴，老实講叻，我今日的确等住要錢救命咁惨嘅，唔理多少都好啦，你斬要俾我嘅叻
，如果唔係，我惟有喺處死賴嘅咋。
鵑：（一想，無奈地）好啦，我而家只係得二三百文喺處唧，我最多俾埋你喺啦。
大：（攤開手）攞嚟啦。
鵑：你等一陣啦，我入房攞畀你。
（鵑鳴說着轉身行）
（大器勝利地微笑）
第四十六塲
景：柳家新居（B）鵑鳴房
時：日
人：杜鵑鳴、冼大器。
（鵑鳴氣冲々地推門進來，行至床前，伸手在机下取出鎖匙）
（大器也推門入來）
鵑：（見大器，大怒）喂，你做乜跟埋我入嚟唧！
大：（嬉皮笑臉地）入嚟探吓你佪香閨吖嗎。
（大器說着， 将房門関上）
（鵑鳴氣極，急扑前去——）
鵑：（氣極地）你，你做乜仲関埋度門唧，咁，咁……
大：（以身擋着門）咁、咁、咁乜呀？又冇人見我入嚟，攸乜咁惊唧！
（鵑鳴急得又欲哭，拼命地扯着大器，要他离開門边）
（大器䇄立不動，只是狡笑）
第四十七塲
景：黃家
時：日
人：華秀鳳
（秀鳳看々錶，拿起電話筒撥電話）
鳳：（拿着電話）喂，常發珠宝公司呀？——嗯，唔該你請柳経理听電話， ——唔該你——（她等着，臉
上現出一陣得意的微笑） ——喂，蔭哥呀？ ——我係秀鳳呀——梗係有事啦，我頭先啱々又接倒一佪一佪
情報，話冼大器而家又喺你屋企同鵑鳴——
第四十八塲
景：常發公司経理室
時：日
人：柳成蔭
（成蔭坐在辦公桌前講電話——）
蔭：（㧱着電話） ——（有点悻然地）喂，秀鳳，你点觧係要喺處講埋的咁嘅嘢嘅呢？我——我楩係唔信
啦，我話你存心破壞我同鵑鳴嘅感情——（說着，氣憤地放下電話）
蔭：（憤然地）討厭！
（成蔭說着，又翻開桌上公事，預備辦理，但心神不安地無法工作，於是推開公事，抱着頭苦惱一陣，忽
然，他匆匆站起來，取了掛在椅背的外衣披上向門外走去）
第四十九塲
景：柳家新居（B）大厛
時：日
人：柳成蔭、少鵑、女僕。
（少鵑独自在厛中把玩々具，口裡還軽唱着歌謠）
（門鈴响）
（女僕去開門）
（成蔭匆匆入，在厛中四顧着）
少：（見成蔭，放下玩具跑進來）爸々！
蔭：（不安地）少鵑，媽々呢？
少：（天真無邪地）媽々同果佪冼叔々喺房——（成蔭聞言，馬上怒哼一声，奔入，少鵑也跟在後面）
第四十九A塲
景：柳家新居（B）鵑鳴房
人：杜鵑鳴、柳成蔭、冼大器、少鵑。
（鵑鳴仍與大器在紏纏）
（大器延着臉地把鵑鳴推向房中）
（鵑鳴挣紮得更利害，頭髮蓬鬆）
（大器看着鵑鳴越狼狽，他則更得意地笑）
（房門給冲開了，成蔭怒氣冲々入）
（少鵑也跟在成蔭後面）
（大器和鵑鳴都給成蔭突如其來而怔住）
蔭：（怒不可過地大喝）哼！
（成蔭哼声未已，即瘋狂似地扑過去要揪住大器）
（大器張惶閃避，但成蔭左右截住）
少：（嚇得哭呌）爸々呀——爸々呀——
（鵑鳴惊魂未定地站在一旁喘息）
少：（扑向鵑鳴）媽……
（鵑鳴如夢初醒地抱住少鵑）
（大器發起狠來，把成蔭用力一推）
（成蔭立足不牢，蹌踉地仆倒地上）
（鵑鳴與少鵑同時嚇得嘩呌起來）
（大器乘机奪門而出）
（鵑鳴馬上放開少鵑，過來伸手扶起成蔭）
蔭：（憤然）走開，唔使你咁好心。
（成蔭說着，把鵑鳴的手甩開）
（鵑鳴惘然失措地呆立着）
（少鵑也過來扶成蔭）
蔭：（站起來，憤然地指着鵑鳴）哼！我真係發夢都估唔到你会係呧嘅人，居然做出的咁嘅事。 鵑：（委屈萬分地）蔭哥，你誤会我叻，冼大器佢嚟攞錢，話我舊時欠落的債未曾還過，咁我覚得而家我
地嘅環境已経比較好咗，所以就应承比的錢佢，点知道我入嚟攞錢，佢就——
蔭：（暴怒堵截着斥責）佢就跟住入嚟嘑係嗎？
鵑：係，佢——
蔭：（冷笑嘲諷地）哼！我就唔信冼大器会猖狂得咁交関，你話佢登門嚟攞債，我都会信吓，但係你話佢
吼住你入房嚟攞錢，佢就跟埋入嚟，呢件事你就係呃細佬哥都呃唔倒啦，鵑鳴，人地早就同我講，話你同冼大器舊時已経有感情嘅叻，而家仲藕断絲連，日日都要見過面
嘅，可惜我當時仲誤会人地造謠中傷你添，原來……
鵑：（委屈更甚，怒斥地）蔭哥，你点可以咁樣毀壞我名譽呀。
蔭：我毀壞你名譽？如果你係顧名譽嘅，你就唔係咁啦，你自己惗吓，你呢的咁嘅行為，你点對得我住？
鵑：（不能忍，反責地）哼！咁唔通你又對得我住咩？
蔭：（憤然）我有乜野對你唔住呀？鵑鳴，你講出嚟！
鵑：（氣極流淚）你自己做咗乜野事你自己知，使乜問我吖。
蔭：你……
少：（為之失措，拼命地搖曳成蔭）爸々，你唔好鬧阿媽啦，你睇吓，你鬧到阿媽喊咯。
蔭：（狠々地）少鵑，你唔好呌佢做阿媽，你阿媽唔会做出呢的咁冇羞恥嘅事嘅。
鵑：（大怒）我冇羞恥？唔通一佪有外遇嘅人，
就有資格做人爸々咯咩？
蔭：（斥問）鵑鳴，你講乜野？
鵑：我話你冇資格做人爸々，少鵑嘅爸々唔会喺外边胡混，撹女人嘅。
蔭：（吼呌地）你乱講！
（少鵑嚇得失声而哭）
（成蔭一看少鵑，不知所以，他怒目盯了鵑鳴一眼，憤然地冲過去衣櫥，取了外衣，即出門外） 少：（哭呌）爸々，爸々！
（鵑鳴猶憤然呆立）
第五十塲
景：常發公司経理室
時：日
人：柳成蔭、黃貴仁
（成蔭坐在办公桌前，呆望着天花板）
（貴仁推門進來）
（成蔭猶未發覚，呆坐如故）
仁：（行近桌前）成蔭。
蔭：（惊覚，尷尬地）啊，黃先生，有乜吩咐呢？
仁：（往桌前的椅上坐下）我有的野想問吓你。
蔭：哦——
（電話鈴声响）
仁：你听電話先啦。
成蔭拿起話筒講話——）
蔭：喂，嗯，我係叻——吓？秀鳳，你話乜野話？——你点觧喺黃先生嘅公館處做得好々地，又会辭咗工
唔做嘅呢？（不耐煩地）好啦，好啦，咁你返去我处先啦——（放下電話）
仁：（不安地）真係啱叻，我本來就係為咗呢件事嚟同你傾吓嘅，既然華姑娘佢打電話講咗畀你知，我可
以唔使多講原因叻。
蔭：黃先生，你一番好意栽培秀鳳，可惜佢又咁不識抬舉，我真係覺得唔好意思。
仁：成蔭，呢件事為咗乜野原因，而家我都唔係好清楚，不過頭先就係我內子打佪電話畀我，話今朝早華
姑娘唔知点觧将厛處果佪古董花樽扛爛咗，咁我內子就話過佢两句，点知道佢就即刻要辞工扯叻，不過係
边佪唔啱呢，我仲要返去查問吓嘅。
蔭：（歉然地）黃先生，我希望你唔好叻，既然秀鳳都扯咗咯，何必再查吖，而且据我知道，秀鳳的脾氣
係相當唔好嘅，多数都係佢唔啱嘅叻。
仁：（站起來）呢件事我不過同你傾吓嘅啫，你亦都唔使介意㗎。
（成蔭点々頭）
（貴仁轉身出）
第五十一塲
景：飱厛一⻆
時：夜
人：柳成蔭、侍者及顧客。
（成蔭独坐、悶々不楽，斟酒自飲）
（桌上，已放有空酒瓶三四）
（壁上時钟已指二時）
第五十二塲
景：柳家新居（B）鵑鳴房
時：夜
人：杜鵑鳴、少鵑、華秀鳳。
（鵑鳴坐在床沿流淚，精神萎頓不堪）
（少鵑依在鵑鳴膝前）
（秀鳳坐在一边）
少：（黯然地劝慰）媽，你唔好喊啦，你喊咗成日咯，又冇食飯，你仲喊就会病嘅嘑。
鵑：（帶着哭）少鵑，你唔好理我，你去瞓吧啦。
少：唔制，我辰你唔喊，我至去瞓。
鵑：（無奈，拭淚）唔，好啦，阿媽唔喊叻，你去瞓啦。
（鵑鳴雖拭淚，但仍淚流不止）
少：（也欲哭）阿媽，你呃我嘅，你話唔喊，你仲流眼淚嘅？
（鵑鳴不能再忍，又惨然地抱着少鵑而哭）
鳳：（行前，牽少鵑手）少鵑，成两点鍾有多嘅嘑，我同你去瞓啦，吓？
少：（哭着）唔制，我要陪阿媽，等爸々返嚟先。
（鵑鳴聞言，更覚傷心，抱得少鵑更緊——）
鵑：（哭着）啊！少鵑——
少：（哭着）媽，唔好喊啦。
（鵑鳴反而哭得更悲哀）
第五十三塲
景：柳家新居（B）飯厛
時：日
人：柳成蔭、柳母、杜鵑鳴、少鵑、華秀鳳、女僕。
（飱桌上已摆開早点）
（成蔭、柳母、少鵑、秀鳳等均已坐在桌前，但不見鵑鳴來）
（成蔭望々鵑鳴空下來的座位，臉上仍有不豫之色）
蔭：（悻然地）媽，食啦，唔好等佢啦！
母：（不答成蔭，轉向少鵑及秀鳳）少鵑，你同埋秀鳳姑姐去叫阿媽出嚟食早飱，你話阿嫲等佢咁話。
少：（离坐）哦！（過去牽了秀鳳的手）秀鳳姑姐，去咯！
（秀鳳起坐，望々成蔭，和少鵑去了）
（成蔭低頭嘆一口氣）
母：（訓責地）成蔭，点觧你近來的脾氣変得咁壞呢？無々謂々咁又同鵑鳴霎氣，而家搞到摆開晒的野都冇心机食，咁又何必呢？
蔭：（猶有餘恨地）呢的咁嘅人，不守婦道，居然……
母：（簿責地）成蔭，你仲係咁講，你点可以求祈揸住一的咁多理由就安条咁嘅罪比人嘅呢？其实，你近
來嘅行動，亦都係有多少唔對嘅叻！你……
蔭：（辯白地）媽，如果唔係我比佢激成咁，我又……
（少鵑已與秀鳳伴着鵑鳴來）
蔭：（見鵑鳴，即住口不言，但冷笑一声）哼！
（鵑鳴憔悴不堪地坐下）
鵑：早晨，媽！
母：鵑鳴，你睇你呢两日吖，成佪都瘦晒，唉，夫妻嘅野，有時就係有的誤會嘅叻，你何必要咁硬頸大家
都唔肯認吓輸呢？你遷就吓我，我遷就吓你，咁唔係算咯？
（鵑鳴含淚望々柳母）
（女僕行近，向成蔭）
僕：大少呀，啱々公司有電話打嚟，話有的事叫你早的返去喎！
蔭：哦，（站起來）媽，咁我返工先啦！
母：你都完全冇食到野，食的先啦，遲得幾耐啫？
（成蔭無奈，再坐下，略進早点）
（秀鳳一想，起身离座行去）
（柳母亦開始進食，並照顧少鵑）
（鵑鳴木然呆坐）
蔭：（放下食物，站起來，向女僕）去攞件衫嚟我！
（女僕應声行）
（秀鳳已取成蔭外衣來，還殷勤替他穿上）
蔭：（向母）我返工咯，媽！
（柳母應了一声，成蔭匆々去）
（柳母也站起欲行）
少：阿嫲，你唔食哪？
母：阿嫲食飽啦！你慢々食啦吓，我入去唸経叻！
（少鵑点々頭）
（柳母向外行）
（秀鳳神秘地行近鵑鳴，向她耳語）
鳳：（低声）鵑鳴，你行嚟，我比的野你睇吓！
（鵑鳴惘然地望々秀鳳，起座跟她行至一⻆）
鳳：（遞一張子条給鵑鳴）你睇吓！
（鵑鳴莫名其妙地接過字条來看）
（特寫字条上寫着：蔭哥，明晚七時，我在天星酒店301号房等你，你的媚）
（鵑鳴看了，臉上又泛起一陣極度痛苦與憤怒的神態望着秀鳳）
鵑：你点到得㗎？
鳳：我頭先同佢攞衫佪陣，見呢張紙喺佪袋口處突左出嚟，想話同佢袋返好嘅，点知就無意中見係女人筆
跡嘅，所以静々收起比你睇吓之馬！
鵑：（切齒地）哼！唔怪得佢冤枉我不守婦道，原來佢想乘机兀条死罪比我）
鳳：（挑撥地）鵑鳴，我睇你今晚去佪間酒店門口處伏佢啦馬，捉到証据，佢就唔敢對你点嘅叻！
鵑：（遲疑地）今晚？
鳳：（取回紙条指示）你睇吓！呢張字条係尋日嘅日子㗎馬，明晚唔係即係今晚咯！
（鵑鳴憤恨地点々頭）
（秀鳳将字条乘乱收回）
第五十塲
景：常發公司経理室
時：日
人：柳成蔭
（成蔭坐在办公桌前講電話）
蔭：（㧱着電話在講）吓！秀鳳，乜你講野剩係講得咁神秘㗎？。。。。。吓？⋯⋯今晚七点鍾喺天星酒
店對面佪間飱室度坐，自然有發現？有乜野發現呀？⋯⋯嗯，好啦，等我考慮吓睇去唔去先啦！（放下電
話）
（成蔭抱着頭，痛苦異常地沉思）
第五十五塲
景：飱厛連街道及酒店門口
時：夜
人：柳成蔭、杜鵑鳴、冼大器、侍者、顧客及路人等。
（成蔭独自坐在飱厛近門边的桌上，怔々地注視着對戶的方向）
（酒店門前，两三路人來往而過）
（成蔭看々手錶）
（手錶正好七時正）
（成蔭又舉頭向對面望）
（大器鬼々祟々地來至酒店門前，向左右注視一會之後，即匆々入酒店內）
（成蔭惊疑地思索着，忽然，又有所見地注視對面）
（鵑鳴行至酒店門前，站着踌躇不前）
（成蔭憤怒地站起，取了一張鈔票，放在桌上，匆々奔出門）
（酒店門前，鵑鳴仍在站着，成蔭氣冲々奔來，一把扯住鵑鳴的手）
（鵑鳴嚇得失声惊叫）
蔭：（憤怒地）哼！你嚟呢處做乜野？
鵑：（也帶怒反問地）我問你嚟呢處做乜野呀？
蔭：豈有此理！你⋯⋯
（两三路人駐足觀看）
蔭：（難為情地，牽着鵑鳴）好，我同你返屋企至講！
（鵑鳴氣憤異常，一边行一边拟挣扎脫成蔭的手）
第五十六塲
景：柳成蔭新居（B）大厛
時：夜
人：柳成蔭、杜鵑鳴、柳母、少鵑、華秀鳳、男女僕人二三。
（柳母滿淚痕地抱着少鵑）
（少鵑也在哭着）
（鵑鳴掩面在沙發上哭泣）
（秀鳳倚在墙边，作隔岸觀火狀）
（成蔭暴跳如雷地，指着鵑鳴怒罵）
蔭：我真係点斬估唔到你係一佪咁嘅人嚟嘅，以前你就話我信人地嘅閒話吖，而家你比我喺酒店門口見到
你叻，你仲有乜野說話講？
鵑：（不服氣地反斥）柳成蔭，你唔使喺處悪人先告状，我去酒店係搵你咋，你以為我有乜野唔規矩咩？
蔭：（瘋狂地吼叫）鵑鳴，你唔使辦駁叻，我去酒店做乜呀？我如果唔係為左要捉你痛脚，你請我都唔去
呀！
鵑：（譏諷地）我叫你梗係唔去啦，第佪女人叫你就去咯！
蔭：吓！你仲居然返轉頭嚟咬我一啖添？好叻，鵑鳴，你既咁唔安份嘅，你扯啦，我唔要呢的咁嘅老婆
呀！
鵑：（憤然站起來）哦！你而家叫做趕我扯係馬？好啦！扯唔係扯！你估我又好恨你呢的咁唔忠实嘅丈夫
㗎！
（鵑鳴說着，衝過去瘋狂地從柳母身上要抱起少鵑）
鵑：少鵑，跟阿媽扯，我地唔係呢處！
（成蔭撲過來要奪囬少鵑）
蔭：（大喝）唔得！你自己扯啦！你唔帶得少鵑扯！
鵑：点觧唔得呀？少鵑係我生嘅，我幾大都要番！
（二人一边将少鵑牽扯，一边互相指摘）
（少鵑惊駭得失声大哭）
母：（震危々地站起來，帶淚制止地）成蔭、鵑鳴，你地咁搞法，係哈係想佪女嚇親吖，你地快放手啦！
（成蔭與鵑鳴仍在争奪少鵑，指摘更烈）
（秀鳳也行前，做好做歹地拉着成蔭）
鳳：蔭哥，何必要咁呢？有事慢々講啦，你地咁樣棧嚇親少鵑嘅啫，唔好唎！
（成蔭仍在氣憤々地欲摆脫秀鳳）
（鵑鳴已乘机抱着少鵑，奪門而出）
少：（哭着狂叫）爸々，爸々呀！⋯⋯
（成蔭大喝一声，推開秀鳳，拟追出）
母：（叫着）成蔭⋯⋯
（柳母叫了一声之後，突然不支暈倒地上）
（秀鳳看着駭叫起來）
蔭：（大惊失措，忙過來扶母）媽，媽呀⋯⋯
（柳母倒在地上，口吐白沬）
蔭：（惊慌狂叫）阿四、阿生！你的快的打電話叫医生！
（二三僕人擁入）
蔭：（瘋狂地，抱起柳母）去打電話請医生呀！
（一僕應声去）
第五十七塲
景：海边
時：夜
人：杜鵑鳴、少鵑。
（鵑鳴悲痛欲絶地，抱着少鵑，茫然地在行着）
（少鵑淚痕滿面，神色慌張地四顧）
（鵑鳴仰望長空，淒然長嘆）
少：（惊慌地）媽，我地去边處呀？
（鵑鳴不知所答地望一下少鵑）
少：（哭起來）媽，而家我地去边呀？
（鵑鳴惨然涕泣）
第五十八塲
景：柳家新居（B）柳母房
時：夜
人：柳成蔭、柳母、華秀鳳、医生、男女僕二三人。
（柳母暈倒在床上，閉目不醒人事）
（医生在床前替柳母診治）
（成蔭和秀鳳在旁边焦急地看着医生）
医：（收起听診器，摇々頭）柳先生⋯⋯
蔭：（焦急地）医生，我阿媽点呀？
医：（嘆息地）柳先生，令寿堂嘅病，係心臟病復發，再加上刺激過度，血管已経破裂⋯⋯
蔭：（大惊）咁点呢？使唔使即刻送佢入医院呀？
医：（摇々頭）唔使叻，送佢入医院都係無濟於事嘅叻，我睇你不如同佢準備吓後事吧啦！
（成蔭听了，呆若木雞，不知所以地）
（医生挽起药箱，悄然行）
（秀鳳無言地行前，扶着成蔭）
（成蔭眼眶中滿孕淚水）
鳳：（幽々地）蔭哥！
蔭：（突然失去常性地，撲倒床沿，痛哭地叫着）媽，媽呀！⋯⋯
（柳母微弱地吁出一口氣，慢々地張開眼睛來）
母：（微弱地）唉，成蔭！
蔭：（惨然地）媽，我係呢處呀！
母：成蔭，你對哈住鵑鳴咯，你自己約定女人喺酒店，比鵑鳴知道左，佢去搵你咋，你点觧要寃枉佢做的
唔三唔四嘅事吖？
蔭：（惊異，痛苦地）吓？媽，你話⋯⋯
母：有一佪女人寫左張紙約你去酒店，無意中今朝秀鳳同你攞衫發覺左，唔抵得至攞比鵑鳴睇嘅⋯⋯
蔭：（惊駭，憤怒地轉向秀鳳怒視）吓？
（秀鳳大惊失色）
蔭：（霍的站起來，斥問地）秀鳳，原來你真係恩将仇报，憑空製造出的咁嘅事嚟破壞我嘅家庭，破壞我
同鵑鳴⋯⋯
（秀鳳慌忙奪門而走）
蔭：（大叫）喂，喂！
（二三僕人聞声入）
蔭：（大叫）你地即刻同我追秀鳳返嚟，快的！
（衆僕應声去）
蔭：（惨然，懺悔地）媽，我，我即刻去搵鵑鳴返嚟！
（成蔭說着轉身行）
（柳母已一口氣翻不過來，双眼向上朝，頭一低，瞌然而逝了）
第五十九塲
景：街道
時：夜
人：秀鳳、僕人二三人。
（秀鳳狼狽前奔）
（二三僕人在後面追趕）
（秀鳳一边橫過馬路，一边囬頭望）
（一輛汽車疾駭而來，煞掣不及，向秀鳳直撞過去）
（衆僕同声惊叫）
（秀鳳已倒卧血泊中）
第六十塲
景：海边
時：夜
人：杜鵑鳴、少鵑、冼大器。
（鵑鳴痛苦萬状地在流淚）
（少鵑拚命似地抱着鵑鳴的脚，哭着叫）
少：（哭着）媽，你唔好呀！你点觧要跳落去呢？你如果死左，咁唔係冇人理我咯，媽⋯⋯
鵑：（惨然地）少鵑，唔緊要，阿媽都係帶錯左你出嚟，你唔好理我叻，你返去阿爸々處吧啦，你放開我
啦！
（鵑鳴說着，要挣脫少鵑的手）
少：（大駭，狂叫）哎吔，救命呀，救命呀！
（鵑鳴更急於要摆脱少鵑，正在争持間，突然⋯⋯）
（大器着走來，一把将鵑鳴扯着离開海滨的边沿）
（鵑鳴乍見大器，又惊又怒）
大：鵑鳴，乜你咁大佪人咁儍㗎，使乜咁搞法
呢？你估除左柳成蔭之外，世界上就冇第二佪男人咯咩？嚟啦，你跟我番去啦！我由初々見你，一直到而
家仲係好爰你㗎！
鵑：（大憤，力斥地）哼！冼大器！你都害得我惨咯，如果唔係因為你，我点使攪到今日咁嘅田地吖？
（鵑鳴說着，怒不可竭，突然伸手力摑大器）
（大器被摑，欲發作）
（少鵑突撲來，扯着大器的手，張口就咬）
（大器痛得大叫，推了少鵑一掌）
（少鵑被推倒地）
（鵑鳴僕過來欲救少鵑）
（大器乘机将鵑鳴攔腰抱住）
（鵑鳴狂叫挣扎）
（大器猙獰大笑）
（少鵑爬起來，又衝前乱踢大器）
（大器一边力抱着鵑鳴，一边在應付小鵑）
第六十一塲
景：街道A、B、C。
時：夜
人：柳成蔭、司機。
（街道A，一輛汽車駛至，停下。成蔭下車四顧，不見人跡，又登車，車開行）
（街道B，汽車在路上媛々而行，成蔭從車廂內探頭四顧，汽車漸遠去）
（街道C，汽車駛近，成蔭與司机下車略如找尋，復又登車開行）
第六十二塲
景：海边
時：夜
人： 柳成蔭、杜鵑鳴、 少鵑、冼大器、司机。
（大器仍在一手抱着鵑鳴，一边應付少鵑）
（少鵑從地上拾起一塊石，拟襲擊大器）
大：（吼叫着）豈有此理！
（大器說着，提起脚踢倒少鵑）
（少鵑倒地，跌痛了，狂叫）
少：救命呀！救命呀！
（一輛汽車駛至，停下，司蔭與司机分別下車，向大器及鵑鳴奔來）
少：（惊喜地）爸々，爸々，快的嚟呀！
（大器見成蔭及司机，大惊，急放開鵑鳴欲逃走）
（成蔭與司机分別堵截大器去路）
（鵑鳴馬証過去抱起少鵑）
（大器無路可逃，站着，目露兇光）
（成蔭向大器一步一步迫過去）
大：（厲声大喝）柳成蔭，你咪行埋嚟呀，捱親嚟就有你冇我，有我冇你嘅叻！
蔭：（憤極）哼！冼大器，今日你想走，你都唔使指拟嘅叻，我拚左条命都唔放過你嘅！
（成蔭說着，继续迫進）
（大器尋隙，向成蔭飛起一脚踢來）
（成蔭忙閃避開）
（大器乘机想奪路走）
（司机閃出，攔阻大器）
（大器揮拳擊司机，司机還擊）
（成蔭撲來，欲擒大器，大器挣扎退避）
（大器的脚，踏在海滨边沿，向下一滑）
（鵑鳴掩面，與少鵑尖叫駭叫）
（成蔭與司机呆了一陣，即趋前至海边下望）
（俯攝—大器已跌斃在海裡的岩石上）
（成蔭默然一陣，囬頭望鵑鳴）
（鵑鳴已嚇得呆若木雞地站着）
（成蔭慢々行近鵑鳴處，難過萬分地）
蔭：鵑鳴！
（鵑鳴惘然毫無反應）
蔭：（難過地）鵑鳴，我而家乜都明白晒叻，完全係我唔好，係我誤會你嘅啫，你同我返去啦！
（鵑鳴苦笑摇頭）
蔭：関於去酒店嘅事，你同我都中左秀鳳嘅詭計嘅，而家，乜野都水落石出咯，你同我返去吧啦！
鵑：（惨然地）我唔返咯，我已経比你趕左出嚟，仲有乜野面子再踏入你柳家嘅門口吖，既然你明白左我
係寃枉嘅，知道我唔係一佪不三不四嘅人，咁我都算安楽咯！
蔭：（低頭）鵑鳴，你咁講法，你即係仲怪我，唔肯原諒我啫！
鵑：（苦笑）我仲有乜資格怪你呢？你亦唔需要我原諒吖！
蔭：（難堪地）唉！咁你……（望見少鵑）
（少鵑默默地站在鵑鳴旁边）
蔭：（蹲下來拖着少鵑的手）少鵑，你叫阿媽同埋爸々返去啦！
少：（呶着咀，摇々頭）唔制，你虾阿媽嘅，你剩鬧佢嘅，我唔制！
蔭：（慚愧地）少鵑，爸々以後都唔會咁嘅叻，阿媽疼你，你叫阿媽返去啦！
（少鵑猶疑地，仰望一下鵑鳴，又望々成蔭，摇々頭）
蔭：少鵑，唔通你忍心丟開爸々唔理？
少：（一想，天真地）爸々，我叫阿媽返去都得，不過我唔比你再虾佢嘅噃！
蔭：少鵑，只要你叫得阿媽同埋我一齊返去，我乜都應承你！
少：又好！
（少鵑說着，轉身向鵑鳴）
少：媽々，爸々應承唔虾你咯，同佢返去啦！
鵑：（難過地）少鵑，阿媽唔返咯，你跟爸々返去啦！
少：咁你去边呀？
鵑：我，我去到边處就边處啦！
少：（一想，純樸地）媽，你又話你好爰爸々嘅，咁而家爸々都認錯咯，你点觧仲唔肯同佢返去啫，你唔
返，我都唔返叻。
鵑：少鵑，你唔跟得我去呀！
少：我唔係跟你去，我鍾意睇見人人都有爸々同埋阿媽，我就是但冇左一佪嘅！
（成蔭與鵑鳴都感動地互望一眼）
蔭：（嘆一口氣）鵑鳴，你睇少鵑咁生性，你点捨得佢失左父爰或者母爰呢？
（鵑鳴嘆一口氣）
（少鵑分別拉了成蔭和鵑鳴的手）
少：爸々，阿媽，我地一齊返去啦！
（成蔭的手，接触着鵑鳴的手，乘机握住了她）
（鵑鳴楚々可憐地低頭）
（成蔭馬上抱起少鵑，然後挽着鵑鳴的手臂）
蔭：（溫和地）鵑鳴，我地返去咯！
（鵑鳴低頭應了一声）
（成蔭大喜，抱着少鵑，挽着鵑鳴，同向鏡前行）
（成蔭和鵑鳴，少鵑，三人都泛起一陣歡快的微笑）
（劇終）
搜尋資料庫
