長髪姑娘精彩揷曲

雌雄鬥口曲

陳寳珠‧林家聲　合唱

珠：賊孝子眞正摟錯人皮，賊孝子得個衰字，賊孝子個種偷竊行爲，你爹媽失威得個醜字，賊孝子，你扑街衰貼地。親戚响街見你都避。賊孝子驚到慝埋，賊孝子驚我犀利，賊孝子偷了一千銀，先先使九百幾皮，淨番的多俾窮人，自私認眞衰格自利，賊孝子驚到慝埋，賊孝子驚我犀利，賊孝子一出籠，我一於將他打到碌地，你實驚執骨，梗耍避，長髮姑娘專捉鼠輩匪類。賊孝子快揀個死地，我决將賊孝子剝晒皮，劏開心肝兼夾批鼻，賊仔，衰公聽住，你喜

歡揀幾時你死忌。

聲：賊孝子實在未怕你，使乜沙示咁快住，賊孝子都好功夫有本事，不過雙方爭持，益左的敗類，壞疍更有利，你絕對未明事理，一心將我妒忌，我對你未有躱避，天下好多父母無仔女養育，我一心偷錢養佢地，不應對我小氣誤事。

珠：哼！你悶又夾潯氣，講多賺冇趣味，問實你想幾時死，心喜歡葬邊度，邊一幅靚地，就算上刀山，我將你途忌。

聲：令我實難下氣，一于今晚半夜我决會你於舊地。

珠：好我定赴約相會，擰刀摔槍不怕你，我單身去。

聲：多多無畏懼。

珠：長髮姑娘單刀去。

聲：賊孝子都單刀赴會。

珠：决奉陪，

聲：决奉陪，

合：就在當夜會過嘅不平地，對，就在當夜會過嘅不平地。