女俠草上飛

（揷曲一）

羅劍郎　鳳凰女　合唱

羅：（白）小姐，（過大橋）你睇鶯聲隱約蝶舞，情味趣，動愛思，有冇花間深處詠吓詩呢，聊寄心中意，

女：（接）我閒到園林未見趣噃，我嚟到花間非寄意，你何故入來望見告是否爲聽鶯低語。

羅：（接）你弟，告吾，佢話你欲與吾共對語，

女：（接）你莫，戲言，適間我並冇約會誰。

羅：（和尙思妻）眞正奇就確係奇，不過氣就唔順氣，好啦，不喜歡相見，我就立即告辭。（欲行）

女：（有點旣羞且急）（接）喂喂咪飛奔，咪咁小氣，待我從中講道理，不須掬氣，你睇玉燕戲雙飛。

羅：（接海南曲）你芳心有所思，不用咁詭秘，應份傾心語，是否想效那玉燕飛。

女：（帶羞，戲水鳳鴦）哎也林間烏，咁情綺膩你睇花蝶情濃，醉痴。

羅：（接）我明你心意，我心中也，愛春光，感到心陶醉。

女：（接）但願與君，歡對風流地，

合唱：花間笑語，雙雙對對多奇趣。

（揷曲二）

鳳凰女　陳寶珠　合唱

女：（十月懷胎）呢檔豆腐花眞正棧，完全係山水醸製，冇講大話。

珠：（接）食碗啦，够經濟，滑溜包冇渣，

女：（接）又有益，滋養豐富，好靚豆腐花，帮襯啦，

珠：（梳粧台）你買佢又買，生意亂似蔴，快趣，沽淸光，眞係笑甩下扒。

女：（接）小弟你人够精乖，咪俾的客人話，快的，招呼，好似奉酒與奉茶。

珠：（三寳佛頭段）我地好　家　姐，我好够橋　架，做生意我好忠心，包冇僞　詐。

女：（接）又平又靚好甘香，嗒落溶　化，富營　養，又補　身，包冇食軟牙。

珠：（接）每天都冇賣剩，想光顧就快嚟，認眞一　落　也，冇　花　　　假。

女：（接）够衛生又　甜，潔　白無瑕，

合唱：山水豆腐　花，山水豆腐　花，諸君食左有益美容華。