血洗少林刀挿曲三

蓬門訪艷

鳳凰女　林家聲　合唱

（花飄萍荊釵裙布正在小花籬下飼鷄，倫帝榮突現眼前，驚問何來？）

萍：（白）呀！倫公子！（夜上海）你何事嚟？　　乜事嚟？

榮：（夜上海）我訪　嬌娃，梗有問題。

萍：（夜上海）我情與慾，都不再繫，無心　傾腑肺咯。

榮：（夜上海）今　番訪你有　良　計，全因國事　危，還望努力爲。

（轉唱減字芙蓉）皆因個隻鐵馬嘲，甘心爲奴隸。

（萍聞語一驚）

榮：（續唱減字芙蓉）佢巳經投身將軍府，向淸賊把頭低。

（萍疑信參半）

萍：（接唱減字芙蓉）我相信鐵郞君，未必無聊貪富貴。

榮：（挿白）係喇！我就係想你勸佢番嚟啫！

萍：佢旣然心變了，就算我勸亦勸唔嚟。

（黯然低頭）

榮：（禿頭唱士工花）然則你共佢舊日嘅恩情，豈不是就付與東流水逝。

萍：（長嘆一聲唱艮句二王下句）自古話螻蟻愛春暉，英雄貪富貴，虛榮幻夢世人迷，肉眼難分郎腑肺，　鐵心從此陷汚泥，枉煞山盟和水誓，今日飄萍花朶，都怕要飮恨，長埋。

（黯然淚下）

榮：（姊妹花）拿！若然　你愛佢，　就自然要勉勵。又用情　禁禁吓，佢咁至得安慰。

萍：又怕佢牛頸硬，又怕佢唔肯製，又怕佢無恩義，兩家會嬲一世。（轉花）但係你有意反淸復明，我唔　去就問心有愧。

榮：（白）你想問心無愧，就快的去啦！（花下句）我希望你嘅唇槍舌劍，替佢殺出重圍。