秦香蓮之相府呼寃

芳艷芬 半日安 合唱

(調寄古譜粧台秋思)

延齡：(白)婦人旣然你話有寃情、即管講出嚟啦。

香蓮：(白)丞相大人請聽呀。(古調粧台秋思)內心痛楚暗自悲、怨夫貪駙馬慕名利、翁姑凍餓致死、剩了妻兒日凄淇、 訪夫婿京師地怠倦凍餓强支、怎料見夫時辱侮妻兒私恩不記、盡泯情和義、惡聲喝逐强橫勃理、佢將妻棄因猜忌、爲怕人言駙馬有妻兒、傖夫希卸罪、與豺狼何異。

延齡：(快中板)駙馬狀元、無道理。重婚犯上、罪本難辭。(花)惟是皇親顏面要保全(一才) 哎吔吔、 敎我如何處置。

香蓮：(凄然焦急)(白)點呀、丞相大人。

延齡：(花下句)今日係團圓中秋節、明日駙馬府中有何慶典、你知道唔知。(收)

香蓮：(白)相爺、明日即係八月十六、乃係陳世美嘅生辰囉。

延齡：(呵呵大笑白)無錯無錯、你連駙馬嘅生辰都知得咁淸楚、可見你並非係冒認嘅 、而家我有一個計劃，可以令你夫婦團圓、但係、唔知夫人你噲唔噲唱曲呢？

香蓮：小婦人千里尋夫、沿途曾抱琵琶賣唱求乞、對於民間小唱、都略爲識得嘅。

延齡：(白)咁好極嘞。(板眼)嗰個陳世美 、佢嘅輩份好卑。明天雖係、佢祝壽之期。老夫本來、唔去賀喜。但爲成全你夫婦、我就趁時機。明日你在駙馬府前 、扮成歌女樣子、我自噲命人相請、帶你入去墨墀。