黑松林追殺之破廟訴寃

芳艶芬唱

香蓮：(白)將軍、請你刀下留情、等我講俾你聽呀！

韓淇：(白)你講、你講。

香蓮.：(反綫慢板板面)恨煞陳駙馬、不孝也不賢、抛棄苦親尊 、荒歉逝重泉、痛難言妻奔京師丐食、子女亦悲酸、窮餓也不嗟怨。(反線慢板)怎料見夫君、(拉腔)(過序)

冬哥：(序中白)亞爹都唔肯認我地咯！重趕我地扯添。

香蓮：他已榮爲駙馬、(拉腔)(過序)

春妹：(序中白)佢唔認都唔止呀、重大力踢躀我地添呀！

香蓮：佢怒逐妻兒、存心、毒險。

韓淇：(白)有咁嘅事？唉！

香蓮：哭哀哀、幸遇當朝相國、熱心爲我、斡旋。怎知道、佢竟辱及相爺、恨他獸心人面。(收)(白)將軍、我嘅說話講晒咯、如果你殺得落手嘅、你就殺啦。

三陽：(白)夫人保重呀。

韓淇：(白)陳駙馬原來咁狼心嘅、唉、(花)殺也難、(一才)不殺也難、(一才)無計思量心自忖。

香蓮：(長花下句)唉、夫無良、妻鄙賤、偸生人世也徒然、一死倘能如你願、就請揮刀殺我(一才)助你實踐諾言。

香蓮：(花)稚齡兒女望成全、(一才)惟冀網羅開一面。

韓淇：(白)夫人請起。