闖宮

芳艶芬

陳錦棠

陳寶珠

粱寶珠

張醒非合唱

冬哥　春妹：(齊白)亞爹！

世美：(厲聲喝止)(白)咪埋嚟！

世美：(厲聲對劉廷)(連環西皮)眞不應、眞不應、隨便放人入嚟、因乜究竟。

劉廷：(尾序)哎吔吔、奴才不能制止、佢地飛步闖入內庭。(快花)奴才曾經與佢糾纏、扯爛羅裙可作證。

世美：(喝退劉廷及家丁 )(白)你地冚扮爛躝出去。重有呀、如果公主番嚟、速來禀報呀。

世美：(對香蓮)(厲聲曰)俾咗錢、你地重唔扯、走入嚟呢處做乜野呀？

香蓮：(悲怨地)(冷笑白)叫我扯！我千辛萬苦到京師搵你、乜你以爲我係爲衣服與共銀両咩？

世美：(恨塡胸)你不應偸到東京(雙句)、(白欖)你在鄕居、原樂境 、來搵我、爲何情？(績唱)因甚上京、上京上京。

香蓮：(冷笑白)你重反爲問我添？唉、你三年長咁耐、都全無半點音訊、而家一見我面、連堂上雙親都唔問一聲、就算你唔掛念妻兒、都應該掛住吓老人家呀！

世美：(盛氣白)呢的係我嘅事！

香蓮：(平湖秋月)聽你言來已盡顯出你薄情、你在京都帝城、夢迷醉未醒、貪愛新歡棄舊情、記自郎離去、不久便餘粮罄、只因旱災遍地

全家呼天不應、家姑喪了殘年命、(世美反應白)：乜亞媽死　呀？ (香蓮白)：重有呀。你又全無血性、音訊不通老弱啼飢傷心不忍聽、(春妹白)：屋企好慘亞爹。奉老携幼落荒奔山嶺、只盼會你於京城、怎料沿途風霜冷、餓到家翁性命難留更凄淸。

世美：(凄聲白)吓、乜阿爹都在中途死埋衙？(慢的的仰天長嘆忍涙)

冬哥：(白)亞爺死咗、亞媽用雙手嚟挖開個地窿葬亞爺嘅咋。

春妹：(白)係呀、你睇亞媽兩隻手而家重損咗未好番㗎。

香蓮：重奔尋夫途徑、終於丐食到京師、尋覓你、悲泣低訴過程。

世美：(白)乜你地嘅遭遇咁慘㗎？

香蓮：(哽咽白)以前旣事都無謂再講咯、你旣然唔俾我地來呢度、不如你同我番鄉下啦。

世美：(略作沉思)(快中板)身爲駙馬、迫要忘情。 位在高官、難如命。寒窗苦讀、我爲尊榮。(霸花)罷罷罷、妻兒捨棄爲榮華、舊愛前情難再認 。(厲聲喝白)你地扯！( 一才)扯啦嗎！(一才) 我唔識得你地！(一才)

冬哥春妹：(同白)亞媽、亞爹做乜嘢要趕我地呀？

香蓮：(白)亞爹一時火氣猛過頭嘅啫、你地上前去跪喺處求吓佢收留我地啦。

香蓮：去啦、唔怕嘅。亞爹噲錫番你地嘅、去啦。

冬哥春妹：(齊聲哭叫白)亞爹！

冬哥：(三脚櫈)爹爹你可憐吓、

春妹：我地年幼又飄零。

冬哥：爹你若不收留、

春妹：我地必然淪絕境。

冬哥：我地無依又無靠。

春妹：終日淚零零。(收)

冬哥春妹：(哭求白)亞爹、乜你總唔出聲應我地啫？

春妹：(凄聲地)(白)亞爹、你一向都好錫我地嘅、 你而家錫番吓我地啦。

冬哥：(凄聲地)(白)而家亞爺亞嘛都死咗咯、剩番亞媽同我地兩個、我地好凄凉㗎亞爹！

世美：(撫春哥、冬妹、細聲叫)冬哥、春妹！(仰頭 忍淚)

世美：(白)躝開、我唔係你地亞爹！

世美：(白)你立刻帶番佢地扯！扯！(白)唉、妻呀！ (塞外吟)一陣陣囘憶心驚、忍痛作乖心狂性、 豈忍嬌雛喚亦不應、只恐欺君惹來罪證、悔慕虛榮、已贅宮庭、才把妻子愛女恣欺凌(靜塲淸唱) 髮妻難認、認了難保性命。(慢的的凄然白)冬哥……春妹……香蓮……

香蓮：(白)唉！相公。(螺黛)還冀念前情、我地原本夫妻相敬、就算抛棄荆妻、當念兒啼女哭哀鳴 、你不應、恃嬌矜、任意凌欺太任性、莫背良知心須正。

內侍：(白)啓禀駙馬、公主已經囘府

世美：(反面無情地)(喝白)內侍、立刻將呢個婦人同埋兩個細佬哥趕出宮門。